ಸಂಜಯ್ ಲೀಲಾ ಬನ್ಸಾಲಿ ಮೇಲೆ ಮತ್ತೆ ಅಟ್ಯಾಕ್
ಇದೇ ವರ್ಷ ಜನವರಿ ತಿಂಗಳಲ್ಲಿ ಬನ್ಸಾಲಿ ನಿರ್ದೇಶದಲ್ಲಿ ಮೂಡಿಬರುತ್ತಿರುವ ಪದ್ಮಾವತಿ ಚಿತ್ರ ತಂಡದ ಮೇಲೆ ದಾಳಿಯಾಗಿತ್ತು. ಅದಾದ ನಂತರ, ಇದು ಎರಡನೇ ದಾಳಿ.
ಕೊಲ್ಹಾಪುರ (ಮಹಾರಾಷ್ಟ್ರ), ಮಾರ್ಚ್ 15: ಬಾಲಿವುಡ್ ನ ಖ್ಯಾತ ನಿರ್ದೇಶಕ ಸಂಜಯ್ ಲೀಲಾ ಬನ್ಸಾಲಿ ಅವರ 'ಪದ್ಮಾವತಿ' ಚಿತ್ರದ ಸೆಟ್ ಮೇಲೆ ಮತ್ತೆ ದಾಳಿಯಾಗಿದೆ.
ರಾಜಸ್ಥಾನದ ಪ್ರಖ್ಯಾತ ರಾಣಿ ಪದ್ಮಿನಿಯವರ ಜೀವನಾಧಾರಿತವಾದ ಈ ಚಿತ್ರದಲ್ಲಿ ಪದ್ಮಿನಿಯವರ ಬಗ್ಗೆ ಆಕ್ಷೇಪಾರ್ಹ ಸಂಗತಿಗಳನ್ನು ಅಳವಡಿಸಲಾಗಿದೆ ಎಂದು ಆರೋಪಿಸಿ ಈ ಹಿಂದೆ, ರಜಪೂತ್ ಕಾರ್ಣಿ ಸೇನೆಯು ದಾಳಿ ನಡೆಸಿತ್ತು.[ಬಾಲಿವುಡ್ ನಿರ್ದೇಶಕ ಸಂಜಯ್ ಲೀಲಾ ಬನ್ಸಾಲಿಗೆ ಕಪಾಳಮೋಕ್ಷ]
ಇದೇ ವರ್ಷ ಜನವರಿ 27ರಂದು, ರಾಜಸ್ಥಾನದ ಜೈಗಢದಲ್ಲಿ ಚಿತ್ರ ತಂಡವು ಶೂಟಿಂಗ್ ನಲ್ಲಿ ನಿರತರಾಗಿದ್ದಾಗ, ರಜಪೂತ್ ಕಾರ್ಣಿ ಸೇನೆಯ ಕಾರ್ಯಕರ್ತರು ಚಿತ್ರತಂಡದ ಮೇಲೆ ದಾಳಿ ನಡೆಸಿದ್ದರು. ಇದೀಗ, ಕೊಲ್ಹಾಪುರದಲ್ಲಿ ಮತ್ತೊಂದು ದಾಳಿಯಾಗಿದೆ.
Click it and Unblock the Notifications
Sign in with Google