• search

ಲೋಕಪಾಲರ ನೇಮಕ ಸಭೆಯಿಂದ ದೂರ ಉಳಿದ ಖರ್ಗೆ

By ಶ್ರೇಯಾ ಸಿನ್ಹಾ
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ನವದೆಹಲಿ, ಮಾರ್ಚ್ 1: ಲೋಕಪಾಲರ ನೇಮಕಕ್ಕಾಗಿ ಪ್ರಧಾನಿ ನೇತೃತ್ವದಲ್ಲಿ ನಡೆಯಲಿರುವ ಸಭೆಯಿಂದ ಕಾಂಗ್ರೆಸ್ ಸಂಸದೀಯ ಪಕ್ಷದ ನಾಯಕ ಮಲ್ಲಿಕಾರ್ಜುನ್ ಖರ್ಗೆ ದೂರ ಉಳಿದಿದ್ದಾರೆ. ವಿಶೇಷ ಆಹ್ವಾನಿತರಾಗಿ ಸಭೆಗೆ ಅವರನ್ನು ಕರೆಯಲಾಗಿತ್ತು. ಆದರೆ 'ವಿಶೇಷ ಆಹ್ವಾನಿತ'ರಾಗಲು ಖರ್ಗೆ ನಿರಾಕರಿಸಿದ್ದಾರೆ.

    ಈ ಕುರಿತು ಪ್ರಧಾನಿ ನರೇಂದ್ರ ಮೋದಿಯವರಿಗೆ ಪತ್ರ ಬರೆದಿರುವ ಮಲ್ಲಿಕಾರ್ಜುನ್ ಖರ್ಗೆ, "ವಿಶೇಷ ಆಹ್ವಾನಿತರ ಹೆಸರಿನಲ್ಲಿ ಸಭೆಗೆ ಆಹ್ವಾನ ನೀಡಿ ದೇಶದ ಪ್ರಮುಖ ಭ್ರಷ್ಟಾಚಾರ ವಿರೋಧಿ ಕಣ್ಗಾವಲು ಸಂಸ್ಥೆಯ ಮುಖ್ಯಸ್ಥರ ನೇಮಕದಲ್ಲಿ ವಿಪಕ್ಷಗಳ ಧ್ವನಿಯನ್ನು ಕಡೆಗಣಿಸಲಾಗಿದೆ. ಲೋಕಪಾಲ್ ಮತ್ತು ಲೋಕಾಯುಕ್ತ ಆಕ್ಟ್ - 2013 ಒಟ್ಟಾರೆ ತನ್ನ ಸಾರದಲ್ಲಿ ಇದನ್ನು ನಿರಾಕರಿಸುತ್ತದೆ," ಎಂದಿದ್ದಾರೆ.

    ಲೋಕಪಾಲ್ ವಿಳಂಬ: ಕೇಂದ್ರ ಸರ್ಕಾರ ಧೋರಣೆಗೆ ಸುಪ್ರೀಂ ಕಿಡಿ

    "ಲೋಕಪಾಲರ ನೇಮಕದಲ್ಲಿ ರಚನಾತ್ಮಕ ಭಾಗವಹಿಸುವಿಕೆಯನ್ನು ನಿರಾಕರಿಸಿ ಕೇವಲ ಕಾಗದದ ದಾಖಲೆಗೋಸ್ಕರ ಈ ದಾರಿ ತುಳಿದಿರುವುದು ಅಚ್ಚರಿಯನ್ನು ಉಂಟುಮಾಡಿದೆ," ಎಂದು ಅವರು ಪತ್ರದಲ್ಲಿ ಖಾರವಾಗಿ ಹೇಳಿದ್ದಾರೆ.

    Congress' Mallikarjun Kharge refuses to attend Lokpal meet as 'Special invitee', writes to PM Modi

    "ಇದೇ ವೇಳೆ ಅವರು ಡಿಸೆಂಬರ್ 18, 2014ರಲ್ಲಿ ಲೋಕಪಾಲ ಕಾಯಿದೆ 2013ಕ್ಕೆ ತಿದ್ದುಪಡಿ ಮಸೂದೆಯನ್ನು ಮಂಡಿಸಲಾಗಿತ್ತು. ಈ ಮಸೂದೆಯಲ್ಲಿ ವಿಪಕ್ಷ ನಾಯಕನ ಬದಲು ಅತೀ ದೊಡ್ಡ ಪಕ್ಷದ ನಾಯಕ ಎಂದು ಬದಲಿಸಲಾಗಿತ್ತು. ಇದಕ್ಕೆ ಸಂಸತ್ತಿನ ಸ್ಥಾಯೀ ಸಮಿತಿ ಒಪ್ಪಿಗೆ ನೀಡಿಯೂ ಸರಕಾರ ಇದನ್ನು ಅಂಗೀಕಾರ ಮಾಡಿಲ್ಲ," ಎಂದು ಖರ್ಗೆ ದೂರಿದ್ದಾರೆ.

    "ಸಭೆಯಲ್ಲಿ ವಿಶೇಷ ಆಹ್ವಾನಿತನಾಗಿ ಯಾವುದೇ ಹಕ್ಕುಗಳಿಲ್ಲದೆ, ಮತ ಚಲಾಯಿಸುವ ಅವಕಾಶವಿಲ್ಲದೆ ಮತ್ತು ಅಭಿಪ್ರಾಯಗಳನ್ನು ದಾಖಲಿಸುವ ಆಯ್ಕೆಯೂ ಇಲ್ಲದೆ ಭಾಗವಹಿಸುವುದು ಕೇವಲ ಆಟಕ್ಕುಂಟು ಲೆಕ್ಕಕಿಲ್ಲದಂತಾಗುತ್ತದೆ," ಎಂದು ಅವರು ಬೇಸರ ವ್ಯಕ್ತಪಡಿಸಿದ್ದಾರೆ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    An infuriated Mallikarjun Kharge, leader of Congress in Lok Sabha, in a letter to the Prime Minister Narendra Modi, declined the invitation to attend the Lokpal Meeting after being addressed as a 'special invitee'.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more