ಛತ್ತೀಸ್ ಗಢ: 'ಆಪರೇಷನ್ ಪ್ರಹಾರ'ಕ್ಕೆ 6 ನಕ್ಸಲರು ಬಲಿ

ನಾರಾಯಣಪುರ(ಛತ್ತೀಸ್ ಗಢ), ನವೆಂಬರ್ 08: ಛತ್ತೀಸ್ ಗಢದ ನಾರಾಯಣಪುರದಲ್ಲಿ ಭದ್ರತಾ ಪಡೆ ನಡೆಸಿದ 2 ಎನ್ ಕೌಂಟರ್ ದಾಳಿಯಲ್ಲಿ ಓರ್ವ ಮಹಿಳೆ ಸೇರಿದಂತೆ ಆರು ನಕ್ಸಲರು ಬಲಿಯಾಗಿದ್ದಾರೆ.

ಸೇನೆಯ ಆಪರೇಷನ್ ಪ್ರಹಾರ್ -2 ರ ಭಾಗವಾಗಿದ್ದ ಈ ಎನ್ ಕೌಂಟರ್ ನ.07 ರ ರಾತ್ರಿ ನಡೆಯಿತು. ನಕ್ಸಲರಿಂದ ಒಂಬತ್ತು ವಿವಿಧ ಶಸ್ತ್ರಾಸ್ತ್ರಗಳನ್ನೂ ವಶಪಡಿಸಿಕೊಳ್ಳಲಾಗಿದೆ.

ಕಳೆದ ತಿಂಗಳಷ್ಟೆ, ಕೆಲವು ಸ್ಫೋಟಕಗಳನ್ನು ಹೊಂದಿದ್ದ 7 ಜನ ನಕ್ಸಲರನ್ನು ಇಲ್ಲಿಯೇ ಬಂಧಿಸಲಾಗಿತ್ತು. ಛತ್ತೀಸ್ ಗಢದಲ್ಲಿ ನಕ್ಸಲ್ ಚಟುವಟಿಕೆಯನ್ನು ನಿಯಂತ್ರಿಸುವ ಸಲುವಾಗಿ ಛತ್ತೀಸ್ ಗಢ ಪೊಲೀಸರು ಕಳೆದ ಜೂನ್ ನಲ್ಲಿ 'ಆಪರೇಷನ್' ಪ್ರಹಾರ್ ಎಂಬ ಯೋಜನೆಯನ್ನು ಜಾರಿಗೆ ತಂದಿದ್ದರು.

English summary

At least six Naxals, including one woman rebel, were on Nov 7th gunned down in two encounters with the security forces in Chhattisgarh's Narayanpur district as part of "Operation Prahaar-2".