Work From Home ಹುದ್ದೆಗಳಿಗೆ ನೇಮಕಾತಿ ಮಾಡಿಕೊಳ್ಳುತ್ತಿರುವ ಬಾಷ್!
ನವದೆಹಲಿ, ಅಕ್ಟೋಬರ್ 27: ಬಹುರಾಷ್ಟ್ರೀಯ ಇಂಜಿನಿಯರಿಂಗ್ ಮತ್ತು ತಂತ್ರಜ್ಞಾನ ಕಂಪನಿ ಆಗಿರುವ ಬಾಷ್ ಭಾರತದಲ್ಲಿ ಮತ್ತು ಜಾಗತಿಕವಾಗಿ ಅನೇಕ ಡೊಮೇನ್ಗಳಲ್ಲಿ ನೇಮಕಾತಿಗಳನ್ನು ಪ್ರಾರಂಭಿಸಿದೆ. ಇದೇ ಕಂಪನಿಯು ಉದ್ಯೋಗಿಗಳಿಗೆ ಎಲ್ಲಿಂದಲಾದರೂ ಕೆಲಸ ಮಾಡುವ ಅಥವಾ ಮನೆಯಿಂದ ಕೆಲಸ ಮಾಡುವ ಆಫರ್ ಕೊಟ್ಟಿದೆ.
ಇಂಟರ್ನೆಟ್ ಆಫ್ ಥಿಂಗ್ಸ್ (IoT), ಇ-ಮೊಬಿಲಿಟಿ, ಸುಸ್ಥಿರ ಕಟ್ಟಡಗಳು ಮತ್ತು ಹೆಚ್ಚಿನವುಗಳನ್ನು ಒಳಗೊಂಡಂತೆ ಕ್ಷೇತ್ರಗಳಾದ್ಯಂತ ಅನುಭವಿ ವೃತ್ತಿಪರರಿಗೆ ನೇಮಕಾತಿಯನ್ನು ತೆರೆಯಲಾಗಿದೆ ಎಂದು ಜರ್ಮನ್ ಕಂಪನಿ ಹೇಳಿದೆ.
ಬಾಷ್ ತ್ರೈಮಾಸಿಕ ಫಲಿತಾಂಶ: ಶೇ. 0.3ರಷ್ಟು ತೆರಿಗೆ ಪೂರ್ವ ನಷ್ಟ
ಜಗತ್ತಿನಾದ್ಯಂತ ಬಾಷ್ ಕಂಪನಿಯು ಅಭ್ಯರ್ಥಿಗಳಿಗೆ ವಿವಿಧ ಕಾರ್ಯಕ್ಷೇತ್ರಗಳನ್ನು ನೀಡುತ್ತದೆ. ಆಕರ್ಷಕ ಕೆಲಸದ ಸಮಯದ ಮಾದರಿಗಳನ್ನು ನೀಡುತ್ತದೆ. ಅವರ ಜ್ಞಾನವನ್ನು ಮತ್ತಷ್ಟು ಅಭಿವೃದ್ಧಿಪಡಿಸಲು ಅಗತ್ಯವಿರುವ ಎಲ್ಲಾ ಬೆಂಬಲವನ್ನು ನೀಡುತ್ತದೆ ಎಂದು ಅಧಿಕೃತ ವೆಬ್ಸೈಟ್ನಲ್ಲಿ ಹೇಳಿದೆ.
ಬಾಷ್ ಕಂಪನಿಯಲ್ಲಿ 4 ಲಕ್ಷಕ್ಕೂ ಅಧಿಕ ಉದ್ಯೋಗಿಗಳು
ಕಳೆದ 2021ರ ಡಿಸೆಂಬರ್ 31ರ ವರದಿಗಳ ಪ್ರಕಾರ, ಬಾಷ್ ಗ್ರೂಪ್ ಪ್ರಪಂಚದಾದ್ಯಂತ 4 ಲಕ್ಷಕ್ಕೂ ಹೆಚ್ಚು ವೃತ್ತಿಪರರನ್ನು ಹೊಂದಿದೆ. ಅಹಮದಾಬಾದ್ನಲ್ಲಿ ಅನುಭವಿ ಜನರಿಗೆ 6 ವಿಭಿನ್ನ ಪಾತ್ರಗಳಿಗೆ ಮತ್ತು ಇಂಜಿನಿಯರಿಂಗ್ ಟ್ರೈನಿಗಾಗಿ 1 ಪಾತ್ರವನ್ನು ನೇಮಿಸಿಕೊಳ್ಳುತ್ತಿದೆ ಎಂದು ಕಂಪನಿ ಹೇಳಿದೆ.
ಯಾವ ವಿಭಾಗಗಳಲ್ಲಿ ಉದ್ಯೋಗಗಳಿವೆ
ಅಹಮದಾಬಾದ್ನಲ್ಲಿ ಟ್ರೈನಿ ಪಾತ್ರಕ್ಕಾಗಿ, ಬಾಷ್ ಟ್ರೈನಿ ಇಂಜಿನಿಯರ್/ಇಂಜಿನಿಯರ್ (ಎಲೆಕ್ಟ್ರಾನಿಕ್ಸ್) ಹುದ್ದೆಗೆ ನೇಮಕ ಮಾಡಿಕೊಳ್ಳುತ್ತಿದೆ. ಇದರ ಜೊತೆಗೆ ಯಾವ ವಿಭಾಗಗಳಲ್ಲಿ ಹುದ್ದೆಗಳಿಗೆ ನೇಮಕ ಮಾಡಿಕೊಳ್ಳಲಾಗುತ್ತಿದೆ ಎಂದು ಕೆಳಗೆ ಪಟ್ಟಿ ಮಾಡಲಾಗಿದೆ.
* ಇಂಜಿನಿಯರ್ / ಎಕ್ಸಿಕ್ಯೂಟಿವ್_ಪ್ರೊಕ್ಯೂರ್ಮೆಂಟ್
* ಮ್ಯಾನೇಜರ್ - ಮಾನವ ಸಂಪನ್ಮೂಲ (HR)
* ಟೂಲ್ ಇಂಜಿನಿಯರ್ / ಕಾರ್ಯನಿರ್ವಾಹಕ - ತಾಂತ್ರಿಕ
* ವಿನ್ಯಾಸ ಎಂಜಿನಿಯರ್ - ಹೈಡ್ರಾಲಿಕ್ ಸಿಲಿಂಡರ್ಗಳು
* ಉತ್ಪನ್ನ ಗುಣಮಟ್ಟ ಎಂಜಿನಿಯರ್ / ಕಾರ್ಯನಿರ್ವಾಹಕ
* ಇಂಜಿನಿಯರ್ / ಎಕ್ಸಿಕ್ಯೂಟಿವ್_ಡಿಸೈನ್
ಬೆಂಗಳೂರಿನಲ್ಲೂ ಉದ್ಯೋಗ ನೀಡುತ್ತೆ ಬಾಷ್ ಕಂಪನಿ
ಬೆಂಗಳೂರು ಗ್ರಾಮಾಂತರದಲ್ಲಿ ಒಂದು ಪಾತ್ರದ ಜೊತೆಗೆ ಬೆಂಗಳೂರಿನಲ್ಲಿ ಬಹು ಉದ್ಯೋಗಗಳನ್ನು ನೀಡುವುದಾಗಿ ಕಂಪನಿ ಹೇಳಿದೆ. ಈ ಸಂಸ್ಥೆಯ ಪ್ರಕಾರ, 'ಪಿಸಿಬಿ ಲೇಔಟ್ ಡಿಸೈನ್ ಸ್ಪೆಷಲಿಸ್ಟ್', 'ಮೆಕ್ಯಾನಿಕಲ್ ಸಿಮ್ಯುಲೇಶನ್-ಎಫ್ಇಎ', 'ಪ್ರೊಡಕ್ಟ್ ಟೆಸ್ಟಿಂಗ್ ಇಂಜಿನಿಯರ್ ಎಲೆಕ್ಟ್ರಿಕಲ್', 'ಕ್ಲೌಡ್ ಐಟಿ ಆರ್ಕಿಟೆಕ್ಟ್', 'ಹಿರಿಯ ಅಧಿಕಾರಿ - ತಾಂತ್ರಿಕ ಸೇವಾ ಬೆಂಬಲ' ಮತ್ತು ಹೆಚ್ಚಿನವು ಸೇರಿವೆ.
ಬಿಡದಿಯಲ್ಲಿ ಎರಡು, ಚೆನ್ನೈ 1, ಕೊಯಮತ್ತೂರಿನಲ್ಲಿ 154 ಹುದ್ದೆ ಖಾಲಿ
ಕರ್ನಾಟಕದ ಬಿಡದಿಯಲ್ಲಿ ಎರಡು ಹುದ್ದೆಗಳಿಗೆ ಮತ್ತು ಚೆನ್ನೈನಲ್ಲಿ ಒಂದು ಹುದ್ದೆಗೆ ಕೆಲಸ ನೀಡುವುದಾಗಿ ಕಂಪನಿ ಹೇಳಿದೆ. ಕೊಯಮತ್ತೂರಿನಲ್ಲಿ 154, ಹೈದರಾಬಾದ್ನಲ್ಲಿ 19 ಮತ್ತು ಹೆಚ್ಚಿನ ಪಾತ್ರಗಳಿಗೆ ಉದ್ಯೋಗಗಳನ್ನು ನೀಡುತ್ತಿದೆ ಎಂದು ಬಾಷ್ ಹೇಳಿಕೆಯಲ್ಲಿ ತಿಳಿಸಿದೆ. ಎಲ್ಲಿಂದಲಾದರೂ ಉದ್ಯೋಗದ ಕೆಲಸದ ಬಗ್ಗೆ ಉಲ್ಲೇಖಿಸಿರುವ ಕಂಪನಿಯು ಹಲವಾರು ಹುದ್ದೆಗಳಿಗೆ ಈ ರೀತಿಯಲ್ಲಿ ನೇಮಕ ಮಾಡಿಕೊಳ್ಳುತ್ತಿದೆ ಎಂದು ಹೇಳಿದೆ, ಅವುಗಳನ್ನು ಪಟ್ಟಿ ಮಾಡಲಾಗಿದೆ.
* ಸೀನಿಯರ್ ಕ್ಲೌಡ್ ಅಪ್ಲಿಕೇಶನ್ ಡೆವಲಪರ್,
* ವರ್ಚುವಲ್ ECU (SiL) ಅಭಿವೃದ್ಧಿಗಾಗಿ ಸಾಫ್ಟ್ವೇರ್ ಇಂಜಿನಿಯರ್ - EES
* ಹಾರ್ಡ್ವೇರ್ ಇಂಜಿನಿಯರ್, ಇತರರು.