ಸ್ವಿಸ್ ಬ್ಯಾಂಕ್ ಕಪ್ಪು ಹಣದ ಪ್ರಮಾಣ ಶೇ 80ರಷ್ಟು ಇಳಿಕೆ: ಕೇಂದ್ರ
ನವದೆಹಲಿ, ಜುಲೈ 24: ನರೇಂದ್ರ ಮೋದಿ ನೇತೃತ್ವದ ಸರ್ಕಾರ 2014ರಲ್ಲಿ ಅಧಿಕಾರಕ್ಕೆ ಬಂದಾಗಿನಿಂದ ಸ್ವಿಸ್ ಬ್ಯಾಂಕ್ನಲ್ಲಿ ಭಾರತೀಯರು ಇರಿಸುವ ಕಪ್ಪುಹಣದ ಪ್ರಮಾಣ ಶೇ 80ರಷ್ಟು ಕಡಿಮೆಯಾಗಿದೆ ಎಂದು ಕೇಂದ್ರ ಹಣಕಾಸು ಸಚಿವ ಪಿಯೂಷ್ ಗೋಯಲ್ ತಿಳಿಸಿದ್ದಾರೆ.
2014-2017ರ ಅವಧಿಯಲ್ಲಿ ಸ್ವಿಸ್ನಲ್ಲಿರುವ ಕಪ್ಪು ಹಣದ ಪ್ರಮಾಣ ಶೇ 80ರಷ್ಟು ತಗ್ಗಿದೆ ಎಂದು ಗೋಯಲ್ ರಾಜ್ಯಸಭೆಗೆ ಮಂಗಳವಾರ ತಿಳಿಸಿದರು.
ಸ್ವಿಸ್ ಬ್ಯಾಂಕ್ ನಿರಂತರವಾಗಿ ಬಿಡುಗಡೆ ಮಾಡುವ ಅಂಕಿ ಅಂಶಗಳನ್ನು ಸರಿಯಾಗಿ ಅರ್ಥೈಸಿಕೊಳ್ಳದೆ ಮಾಧ್ಯಮಗಳು ಪ್ರಕಟಿಸುತ್ತಿವೆ. ತಪ್ಪುದಾರಿಗೆ ಎಳೆಯುವ ಶೀರ್ಷಿಕೆಗಳನ್ನು ನೀಡುತ್ತಿವೆ ಎಂದು ಅವರು ದೂರಿದ್ದಾರೆ.
2016-17ರ ಅವಧಿಯಲ್ಲಿ ಸ್ವಿಸ್ ಬ್ಯಾಂಕ್ನಲ್ಲಿ ಭಾರತೀಯರು ಇರಿಸುವ ಒಟ್ಟಾರೆ ಠೇವಣಿ ಪ್ರಮಾಣದಲ್ಲಿ ಶೇ ಹೆಚ್ಚಳವಾಗಿದೆ ಎಂಬ ಮಾಧ್ಯಮಗಳ ವರದಿಯನ್ನು ಪ್ರಸ್ತಾಪಿಸಿದ ಅವರು, ಇದು ಠೇವಣಿಯೇತರ ಸಾಲ, ಭಾರತದಲ್ಲಿನ ಸ್ವಿಸ್ ಬ್ಯಾಂಕ್ಗಳ ವ್ಯವಹಾರ, ಅಂತರ್ ಬ್ಯಾಂಕ್ ವಹಿವಾಟು ಮುಂತಾದವುಗಳನ್ನು ಸಹ ಒಳಗೊಂಡಿರುತ್ತದೆ ಎಂದಿದ್ದಾರೆ.
ಎನ್ಡಿಎ ಸರ್ಕಾರ ಅಧಿಕಾರಕ್ಕೆ ಬಂದಾಗಿನಿಂದ ಸ್ವಿಸ್ ಬ್ಯಾಂಕ್ನ ನಾನ್ ಬ್ಯಾಂಕ್ ಲೋನ್ ಮತ್ತು ಠೇವಣಿಗಳ ಪ್ರಮಾಣ ಶೇ 80.2ರಷ್ಟು ಇಳಿಕೆಯಾಗಿದೆ.
ಬ್ಯಾಂಕ್ ಆಫ್ ಇಂಟರ್ನ್ಯಾಷನಲ್ ಸೆಟ್ಲ್ಮೆಂಟ್ (ಬಿಐಎಸ್) ನೀಡಿರುವ ಮಾಹಿತಿಯು ನಾನ್ ಬ್ಯಾಂಕ್ ಲೋನ್ಗಳು ಮತ್ತು ಠೇವಣಿಗಳು 2016ರಲ್ಲಿದ್ದ $800 ಮಿಲಿಯನ್ನಿಂದ 2017ರಲ್ಲಿ $524 ಮಿಲಿಯನ್ಗೆ ಅಂದರೆ, ಶೇ 34.5 ರಷ್ಟು ಇಳಿಕೆಯಾಗಿದೆ ಎಂದು ಅವರು ವಿವರಿಸಿದ್ದಾರೆ.
Click it and Unblock the Notifications
Sign in with Google