ರಸ್ತೆ ಮೇಲೆ ಬಿದ್ದ ಬಂಡೆಕಲ್ಲು: ಬದರಿನಾಥ್‌ ಹೆದ್ದಾರಿ ಬಂದ್‌

Published: Friday, August 5, 2022, 11:42 [IST]

ಡೆಹರಾಡೂನ್‌,ಆಗಸ್ಟ್‌ 5: ಉತ್ತರಾಖಂಡದ ಪಂಚಪುಲಿಯಾ ಬಳಿಯ ಬೆಟ್ಟದಿಂದ ಬಂಡೆಗಳು ಬಿದ್ದಿದ್ದರಿಂದ ಕರ್ಣಪ್ರಯಾಗದ ಬದರಿನಾಥ್ ರಾಷ್ಟ್ರೀಯ ಹೆದ್ದಾರಿ-7ರಲ್ಲಿ ಗುರುವಾರದಿಂದ ವಾಹನ ಸಂಚಾರ ಬಂದ್ ಆಗಿದೆ.

ಹೆದ್ದಾರಿ ಬಂದ್‌ ಆಗಿದ್ದರಿಂದ ಸುರಕ್ಷತೆಗಾಗಿ ರಾತ್ರಿ ಬದರಿನಾಥಕ್ಕೆ ಹೋಗುವ ಪ್ರಯಾಣಿಕರನ್ನು ಗೌಚಾರ್‌ನಲ್ಲಿ ತಡೆಯಲಾಯಿತು. ಅಲ್ಲದೆ ಋಷಿಕೇಶ ಕಡೆಗೆ ಹೋಗುವ ಯಾತ್ರಾರ್ಥಿಗಳ ವಾಹನಗಳನ್ನೂ ಕರ್ಣಪ್ರಯಾಗ ಮತ್ತು ಲಂಗಾಸುನಲ್ಲಿ ನಿಲ್ಲಿಸಲಾಯಿತು ಎಂದು ಪೊಲೀಸ್ ವರಿಷ್ಠಾಧಿಕಾರಿ ಚಮೋಲಿ ಶ್ವೇತಾ ಚೌಬೆ ತಿಳಿಸಿದ್ದಾರೆ.

ಈ ಹಿಂದೆ ಜುಲೈನಲ್ಲಿ ಚಮೋಲಿ ಜಿಲ್ಲೆಯಲ್ಲಿ ಸುರಿದ ಭಾರೀ ಮಳೆಯಿಂದಾಗಿ ರಾಷ್ಟ್ರೀಯ ಹೆದ್ದಾರಿ 7ರ ರಸ್ತೆ ಸಂಪೂರ್ಣ ಹಾಳಾಗಿತ್ತು. ಪ್ರತಿಷ್ಠಿತ ಚಾರ್‌ಧಾಮ್ ಯೋಜನೆಯ ಕಾರ್ಯಗತಗೊಳಿಸಲು ಸರ್ಕಾರವು ಕಪ್ಪುಪಟ್ಟಿಗೆ ಸೇರಿದ ಕಂಪನಿಯೊಂದಕ್ಕೆ ಕೆಲಸ ನಿರ್ವಹಣೆಗೆ ಸೂಚನೆ ನೀಡಿದೆ ಎಂದು ಇತ್ತೀಚಿನ ಮಾಧ್ಯಮ ವರದಿಗಳು ಆರೋಪಿಸಿವೆ.

ರಾಷ್ಟ್ರೀಯ ಹೆದ್ದಾರಿಗಳು ಮತ್ತು ಮೂಲಸೌಕರ್ಯ ಅಭಿವೃದ್ಧಿ ನಿಗಮ ತನ್ನ ಯಾವುದೇ ಯೋಜನೆಗಳಲ್ಲಿ ಯಾವುದೇ ಕಪ್ಪುಪಟ್ಟಿಯಲ್ಲಿರುವ ಗುತ್ತಿಗೆದಾರರನ್ನು ತೊಡಗಿಸಿಕೊಂಡಿಲ್ಲ. ಅದರ ಯೋಜನೆಗಳಿಗೆ ಗುತ್ತಿಗೆದಾರರ ಆಯ್ಕೆಯನ್ನು ನಿಗದಿತ ಕಾರಣ ಸಂಪೂರ್ಣ ಪ್ರಕ್ರಿಯೆ ಪಾಲಿಸಿ ನಂತರ ಮಾಡಲಾಗುತ್ತದೆ ಎಂದು ಸ್ಪಷ್ಟಪಡಿಸಿದೆ.

ಗುತ್ತಿಗೆ ಕೆಲಸದಲ್ಲಿ ತೊಡಗಿಸಿಕೊಂಡಿರುವ ಕಂಪನಿಗಳು ಹಲವಾರು ಕೇಂದ್ರ ಮತ್ತು ರಾಜ್ಯ ಸರ್ಕಾರದ ಮೂಲಸೌಕರ್ಯ ಯೋಜನೆಗಳನ್ನು ಕಾರ್ಯಗತಗೊಳಿಸುತ್ತಿವೆ. ರಸ್ತೆಗಳನ್ನು ಇಪಿಸಿ ಮೋಡ್‌ನಲ್ಲಿ ನಿರ್ಮಿಸಲಾಗುತ್ತಿದ್ದು, ನಿರ್ಮಾಣದ ನಂತರವೂ ನಾಲ್ಕು ವರ್ಷಗಳವರೆಗೆ ದೋಷಗಳನ್ನು ಮರುಸ್ಥಾಪಿಸಲು ಗುತ್ತಿಗೆದಾರರು ಜವಾಬ್ದಾರರಾಗಿರುತ್ತಾರೆ. ರಾಷ್ಟ್ರೀಯ ಹೆದ್ದಾರಿಗಳು ಮತ್ತು ಮೂಲಸೌಕರ್ಯ ಅಭಿವೃದ್ಧಿ ನಿಗಮ ದೇಶದಲ್ಲಿ ಉತ್ತಮ ಗುಣಮಟ್ಟದ ಹೆದ್ದಾರಿ ಮೂಲಸೌಕರ್ಯವನ್ನು ನಿರ್ಮಿಸಲು ಬದ್ಧವಾಗಿದೆ.

ಅಲಕನಂದಾ ನದಿಯ ದಡದಲ್ಲಿ ಚಮೋಲಿ ಜಿಲ್ಲೆಯ ಗರ್ವಾಲ್ ಬೆಟ್ಟದ ಹಳಿಗಳಲ್ಲಿ ನೆಲೆಗೊಂಡಿರುವ ಬದರಿನಾಥ ದೇವಾಲಯವು ವಿಷ್ಣುವಿನ ಆರಾಧಾನಾ ಸ್ಥಳವಾಗಿದೆ. ಯಮುನೋತ್ರಿ, ಗಂಗೋತ್ರಿ ಮತ್ತು ಕೇದಾರನಾಥವನ್ನು ಒಳಗೊಂಡಿರುವ 'ಚಾರ್ ಧಾಮ್' ಎಂದು ಕರೆಯಲ್ಪಡುವ ನಾಲ್ಕು ಪುರಾತನ ಯಾತ್ರಾ ಸ್ಥಳಗಳಲ್ಲಿ ಈ ದೇವಾಲಯವು ಒಂದಾಗಿದೆ.

ಗಂಗೋತ್ರಿಗೆ 3 ಲಕ್ಷ 84 ಸಾವಿರ ಯಾತಾರ್ಥಿಗಳ ಭೇಟಿ

ಜೂನ್ 18 ರಂದು ಬದರಿ- ಕೇದಾರ ದೇವಾಲಯ ಸಮಿತಿಯ ಮಾಹಿತಿಯ ಪ್ರಕಾರ, 7 ಲಕ್ಷ 60 ಸಾವಿರಕ್ಕೂ ಹೆಚ್ಚು ಯಾತ್ರಾರ್ಥಿಗಳು ಬದರಿನಾಥಕ್ಕೆ ಮತ್ತು 7 ಲಕ್ಷ 27 ಸಾವಿರ ಯಾತ್ರಾರ್ಥಿಗಳು ಕೇದಾರನಾಥಕ್ಕೆ ಭೇಟಿ ನೀಡಿದ್ದಾರೆ. ಗಂಗೋತ್ರಿಯಲ್ಲಿ 3 ಲಕ್ಷ 84 ಸಾವಿರ, ಯಮುನೋತ್ರಿಯಲ್ಲಿ 2 ಲಕ್ಷ 94 ಸಾವಿರ ಯಾತ್ರಿಕರು ಭೇಟಿ ನೀಡಿದ್ದಾರೆ. ಏತನ್ಮಧ್ಯೆ, ಮೇ 27 ರವರೆಗೆ ಉತ್ತರಾಖಂಡದಲ್ಲಿ ಚಾರ್ ದಾಮ್ ಯಾತ್ರೆಯ ಅವಧಿಯಲ್ಲಿ ಒಟ್ಟು 91 ಯಾತ್ರಿಕರು ಪ್ರಾಣ ಕಳೆದುಕೊಂಡಿದ್ದಾರೆ.

ಜೂನ್‌ 26ರಂದು ಬಂಡೆಗಳು ಬಿದ್ದಿದ್ದವು

ಈ ವರ್ಷ, 10 ಲಕ್ಷಕ್ಕೂ ಹೆಚ್ಚು ಯಾತ್ರಾರ್ಥಿಗಳು ನೋಂದಾಯಿಸಿಕೊಂಡಿರುವುದರಿಂದ ಯಾತ್ರೆಯ ನೋಂದಣಿಗಳು ಹೊಸ ದಾಖಲೆಯನ್ನು ಕಂಡಿವೆ. ಕಳೆದ ಜೂನ್‌ 26ರ ಶನಿವಾರ ರಾತ್ರಿ ಸುರಿದ ಮಳೆಯ ನಂತರ ಬಿರಾಹಿ ಮತ್ತು ಪಾಗಲ್ ನಾಲಾದಲ್ಲಿ ಹಲವಾರು ಬಂಡೆಗಳು ಬಿದ್ದ ಕಾರಣ ಬದರಿನಾಥ್ ಹೆದ್ದಾರಿಯನ್ನು ಮತ್ತೊಮ್ಮೆ ನಿರ್ಬಂಧಿಸಲಾಗಿತ್ತು. ಹೆದ್ದಾರಿ ಪುನಶ್ಚೇತನ ಕಾಮಗಾರಿ ಇನ್ನೂ ನಡೆಯುತ್ತಿದೆ.

ಹನುಮಾನ್ ಚಟ್ಟಿ ಬಳಿ ಬಂಡೆಕಲ್ಲುಗಳ ಕುಸಿತ

ಇದಕ್ಕೂ ಮೊದಲು ಮೇ 17 ರಂದು ಉತ್ತರಾಖಂಡದ ಕರ್ಣಪ್ರಯಾಗದ ಪಂಚಪುಲಿಯಾ ಬಳಿ ಬದರಿನಾಥ್ ಮಾರ್ಗ, ಎನ್‌ಎಚ್ 7 ನಲ್ಲಿ ಬೆಟ್ಟದಿಂದ ಬಂಡೆಗಳು ಬಿದ್ದಿದ್ದರಿಂದ ಸಂಚಾರ ಸ್ಥಗಿತಗೊಂಡಿತ್ತು. ಹನುಮಾನ್ ಚಟ್ಟಿ ಬಳಿ ಬಂಡೆಕಲ್ಲುಗಳು ಬಿದ್ದು ಲಂಬಗಡ ನಾಲೆಯಲ್ಲಿ ನೀರು ಹೆಚ್ಚಾದ ಕಾರಣ ಭಾರೀ ಮಳೆಯಿಂದಾಗಿ ಒಂದು ದಿನದ ಹಿಂದೆ ಸ್ಥಗಿತಗೊಂಡಿದ್ದ ಆ ದಿನದ ಸಂಚಾರವನ್ನು ಕೆಲವೇ ಗಂಟೆಗಳ ಹಿಂದೆ ಪುನರಾರಂಭಿಸಲಾಗಿತ್ತು. ಬದರಿನಾಥ್ ಧಾಮದ ಪೋರ್ಟಲ್‌ಗಳನ್ನು ಮೇ 8 ರಂದು ತೆರೆಯಲಾಗಿತ್ತು. ಒಂದು ದಿನದಲ್ಲಿ ಧಾಮಕ್ಕೆ 16,000 ಭಕ್ತರನ್ನು ಸಾಗಿಸುವ ಸಾಮರ್ಥ್ಯವನ್ನು ಹೆಚ್ಚಿಸಲಾಗಿತ್ತು.

ಕೇದಾರನಾಥಕ್ಕೆ 7 ಲಕ್ಷ 27 ಸಾವಿರ ಯಾತ್ರಾರ್ಥಿಗಳ ಭೇಟಿ

ಜೂನ್ 18 ರಂದು ಬದರಿ-ಕೇದಾರ ದೇವಾಲಯ ಸಮಿತಿ ನೀಡಿದ ಮಾಹಿತಿಯ ಪ್ರಕಾರ, 7 ಲಕ್ಷ 60 ಸಾವಿರಕ್ಕೂ ಹೆಚ್ಚು ಯಾತ್ರಾರ್ಥಿಗಳು ಬದರಿನಾಥಕ್ಕೆ ಮತ್ತು 7 ಲಕ್ಷ 27 ಸಾವಿರ ಯಾತ್ರಾರ್ಥಿಗಳು ಕೇದಾರನಾಥಕ್ಕೆ ಭೇಟಿ ನೀಡಿದರೆ, ಗಂಗೋತ್ರಿಯಲ್ಲಿ 3 ಲಕ್ಷ 84 ಸಾವಿರ, ಯಮುನೋತ್ರಿಯಲ್ಲಿ 2 ಲಕ್ಷ 94 ಸಾವಿರ ಯಾತ್ರಿಕರು ಭೇಟಿ ನೀಡಿದ್ದಾರೆ. ಮೇ 27 ರವರೆಗೆ ಉತ್ತರಾಖಂಡದಲ್ಲಿ ಚಾರ್ ದಾಮ್ ಯಾತ್ರೆಯ ಅವಧಿಯಲ್ಲಿ ಒಟ್ಟು 91 ಯಾತ್ರಿಕರು ಪ್ರಾಣ ಕಳೆದುಕೊಂಡಿದ್ದಾರೆ ಎನ್ನಲಾಗಿದೆ. ಈ ವರ್ಷ, 10 ಲಕ್ಷಕ್ಕೂ ಹೆಚ್ಚು ಯಾತ್ರಾರ್ಥಿಗಳು ನೋಂದಾಯಿಸಿಕೊಂಡಿರುವುದರಿಂದ ಯಾತ್ರೆಯ ನೋಂದಣಿಗಳು ಹೊಸ ದಾಖಲೆಯನ್ನು ಕಂಡಿವೆ.