Ayodhya Diwali: ರಾಮಜನ್ಮ ಭೂಮಿಯಲ್ಲಿ ದೀಪಗಳ ಹಬ್ಬ: ವಿಶ್ವ ದಾಖಲೆ ಬರೆದ ದೀಪೋತ್ಸವ!

ಅಯೋಧ್ಯೆ ಅಕ್ಟೋಬರ್ 31: ಉತ್ತರ ಪ್ರದೇಶದ ಅಯೋಧ್ಯೆಯಲ್ಲಿ ದೀಪಾವಳಿಯ ಸಂಭ್ರಮ ಸಡಗರ ಮುಗಿಲು ಮುಟ್ಟಿದೆ. ಬುಧವಾರ ಆಯೋಜಿಸಿದ್ದ ಭವ್ಯ ದೀಪೋತ್ಸವ ಕಾರ್ಯಕ್ರಮದಲ್ಲಿ 25,12,585 ದೀಪಗಳನ್ನು ಬೆಳಗಿಸುವ ಮೂಲಕ ಹೊಸ ದಾಖಲೆ ನಿರ್ಮಿಸಲಾಗಿದೆ. ಇದಲ್ಲದೇ 1121 ಮಂದಿ ಒಟ್ಟಾಗಿ ಆರತಿಯಲ್ಲಿ ಪಾಲ್ಗೊಂಡು ಮತ್ತೊಂದು ದಾಖಲೆ ನಿರ್ಮಿಸಿದ್ದಾರೆ.

ಕಳೆದ ದಿನ ದೀಪೋತ್ಸವದ ದೀಪಗಳನ್ನು ಬೆಳಗಿಸುವ ಸಮಯವನ್ನು 6:05ಕ್ಕೆ ನಿಗದಿಪಡಿಸಲಾಗಿತ್ತು. ಸ್ವಯಂಸೇವಕರು 25 ನಿಮಿಷಗಳ ನಿಗದಿತ ಸಮಯದ ಮಧ್ಯಂತರದಲ್ಲಿ 28 ಲಕ್ಷ ದೀಪಗಳನ್ನು ಬೆಳಗಿಸಿದರು. ಇದರ ನಂತರ ದೀಪಗಳನ್ನು ಗಿನ್ನೆಸ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ಸ್ನಿಂದ ಎಣಿಕೆ ಮಾಡಲಾಯಿತು. ಘಾಟ್ ಸಂಖ್ಯೆ 1 ರಿಂದ 55 ರವರೆಗೆ ಬೆಳಗಿದ ದೀಪಗಳ ಸಂಖ್ಯೆಯನ್ನು ಡ್ರೋನ್ ಮೂಲಕ 28 ಲಕ್ಷಕ್ಕೂ ಹೆಚ್ಚು ಎಂದು ಎಣಿಸಲಾಗಿದೆ. ಇದಾದ ಬಳಿಕ ಗಿನ್ನೆಸ್ ಬುಕ್ ಮೂಲಕ ವಿಶ್ವ ದಾಖಲೆ ಪ್ರಮಾಣ ಪತ್ರವನ್ನು ಯೋಗಿ ಆದಿತ್ಯನಾಥ್ ಅವರಿಗೆ ಹಸ್ತಾಂತರಿಸಲಾಗಿದೆ.

ಮೊದಲನೆ ದಾಖಲೆ

ಉತ್ತರ ಪ್ರದೇಶ ಪ್ರವಾಸೋದ್ಯಮ ಇಲಾಖೆ, ಅಯೋಧ್ಯೆ ಜಿಲ್ಲಾಡಳಿತ ಮತ್ತು ಸರಯು ಆರತಿ ಸಮಿತಿಯು ಗರಿಷ್ಠ 1,121 ಜನರಿಂದ ಆರತಿ ಮಾಡಿ ಗಿನ್ನೆಸ್ ವರ್ಲ್ಡ್ ರೆಕಾರ್ಡ್‌ ಪಡೆದಿದೆ. ಇದನ್ನು ಘೋಷಿಸುವ ಮೂಲಕ ಗಿನ್ನೆಸ್ ವಿಶ್ವ ದಾಖಲೆಗಳ ತೀರ್ಪುಗಾರ ಪ್ರವೀಣ್ ಪಟೇಲ್ ಅವರು ಬುಧವಾರ ಸಂಜೆ ಹೊಸ ದಾಖಲೆಯನ್ನು ಘೋಷಿಸಿದರು.

ಎರಡನೇ ದಾಖಲೆ ಅಂದರೆ ಒಟ್ಟು 25,12,585 ದೀಪಗಳನ್ನು ಬೆಳಗಿಸುವ ಮೂಲಕ ಉತ್ತರ ಪ್ರದೇಶ ಪ್ರವಾಸೋದ್ಯಮ ಇಲಾಖೆ, ಅಯೋಧ್ಯೆ ಜಿಲ್ಲಾಡಳಿತ ಮತ್ತು ಡಾ. ರಾಮ್ ಮನೋಹರ್ ಲೋಹಿಯಾ ಅವಧ್ ವಿಶ್ವವಿದ್ಯಾಲಯ ಗಿನ್ನಿಸ್ ರೆಕಾರ್ಡ್ ಬರೆದಿದೆ. ಏಕಕಾಲದಲ್ಲಿ ಬೆಳಗಿದ ದೀಪಗಳ ಸಂಖ್ಯೆಯಿಂದಾಗಿ ವಿಶ್ವ ದಾಖಲೆ ಮಾಡಿದೆ.

ಗಿನ್ನೆಸ್ ಪುಸ್ತಕ ಏನು ಹೇಳಿದೆ?

'ಗಿನ್ನಿಸ್ ವರ್ಲ್ಡ್ ರೆಕಾರ್ಡ್' ಪ್ರಶಸ್ತಿಗಳಲ್ಲಿ ಸ್ಥಾನ ಪಡೆದಿದ್ದಕ್ಕಾಗಿ ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ಸ್ ತೀರ್ಪುಗಾರ ಪ್ರವೀಣ್ ಪಟೇಲ್ ಸಂತೋಷ ವ್ಯಕ್ತಪಡಿಸಿದರು. ಅತಿ ಹೆಚ್ಚು ಜನರು ಏಕಕಾಲದಲ್ಲಿ ಆರತಿಯನ್ನು ಮಾಡಿದ್ದಾರೆ ಮತ್ತು ಹೆಚ್ಚಿನ ಸಂಖ್ಯೆಯ ದೀಪಗಳನ್ನು ಬೆಳಗಿಸಿದ್ದಾರೆ. ಏಕಕಾಲದಲ್ಲಿ ಗರಿಷ್ಠ ಸಂಖ್ಯೆಯ ಜನರು ಆರತಿ ಮಾಡುವುದು ಹೊಸ ದಾಖಲೆಯಾಗಿದೆ. ಇದರಿಂದಾಗಿ "ನೀವು ಎರಡೂ ದಾಖಲೆಗಳನ್ನು ಪಡೆದಿದ್ದೀರಿ" ಎಂದು ಅವರು ಹೇಳಿದರು.

ಯೋಗಿ ಸರ್ಕಾರದ ವಿಶಿಷ್ಟ ಉಪಕ್ರಮ

ಈ ಬಾರಿ ದೀಪಾವಳಿಗೆ ಉತ್ತರ ಪ್ರದೇಶದ ಯೋಗಿ ಸರ್ಕಾರ ರಾಮಲಾಲಾ ಸನ್ನಿಧಿಯಲ್ಲಿ ಮೊದಲ ದೀಪೋತ್ಸವ ನಡೆಸಿತು. ಪ್ರಥಮ ಬಾರಿಗೆ 1,121 ವೇದಾಚಾರ್ಯರು ಒಟ್ಟಾಗಿ ಸರಯು ಮೈಯ ಆರತಿಯನ್ನು ಮಾಡಿದರು. ಸಿಎಂ ಯೋಗಿ ಆದಿತ್ಯನಾಥ್ ಅವರು ಬುಧವಾರ ಸಂಜೆ ಅವಿರಾಲ್ ಸರಯು ಘಾಟ್‌ನಲ್ಲಿ ಅಮ್ಮನವರಿಗೆ ಆರತಿ ನೆರವೇರಿಸಿದರು.

ಬಳಿಕ 1,121 ವೇದಾಚಾರ್ಯರು ಒಂದೇ ಬಣ್ಣದ ಬಟ್ಟೆ ಧರಿಸಿ ಒಂದೇ ಧ್ವನಿಯಲ್ಲಿ ಸರಯೂ ಆರತಿಯನ್ನು ಮುಂದುವರೆಸಿದರು. ಇದರಿಂದ ಅಯೋಧ್ಯೆಯಲ್ಲಿ ಆಧ್ಯಾತ್ಮದ ಛಾಯೆ ಆವರಿಸಿತ್ತು. ಇನ್ನೊಂದೆಡೆ ಈ ವಿಶಿಷ್ಟ ಘಟನೆ ಜನಮಾನಸದಲ್ಲಿ ಯೋಗಿ ಸರ್ಕಾರದ ಇಮೇಜ್ ಅನ್ನು ಮತ್ತಷ್ಟು ಹೆಚ್ಚಿಸುತ್ತಿದೆ. ಗಿನ್ನೆಸ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ ಕೂಡ ಇದನ್ನು ಘೋಷಿಸಿದೆ.

ಬೆಳಕಿನ ಹಬ್ಬ

ಕಳೆದ ಹಲವು ವರ್ಷಗಳಿಂದ ಸರಯು ತೀರದಲ್ಲಿ ದೀಪೋತ್ಸವವನ್ನು ಆಯೋಜಿಸಲಾಗುತ್ತಿದ್ದು, ಇದರಲ್ಲಿ ಯೋಗಿ ಆದಿತ್ಯನಾಥ್ ಪ್ರಮುಖವಾಗಿ ಉಪಸ್ಥಿತರಾಗಿರುತ್ತಾರೆ. ಈ ಬಾರಿಯೂ ಯೋಗಿ ಶ್ರೀರಾಮನನ್ನು ಸ್ವಾಗತಿಸಿದ್ದು ಮಾತ್ರವಲ್ಲದೆ ಆತನ ರಥವನ್ನೂ ಎಳೆದಿದ್ದಾರೆ. ದೀಪ ಬೆಳಗಿಸುವ ಮೊದಲು ಭಾಷಣ ಮಾಡಿದ ಅವರು, ಬಿಜೆಪಿ ಸರ್ಕಾರದ ಅಡಿಯಲ್ಲಿ ಪ್ರಾರಂಭವಾದ ಪರಂಪರೆ ಮತ್ತು ಅಭಿವೃದ್ಧಿಯ ಕೆಲಸ ಯುಪಿಯಲ್ಲಿ ನಿಲ್ಲುವುದಿಲ್ಲ ಎಂದು ಹೇಳಿದರು. 2025 ರ ಮಹಾಕುಂಭಕ್ಕೆ ಅಯೋಧ್ಯಾ ಧಾಮವನ್ನು ಸಿದ್ಧಪಡಿಸುವಂತೆ ಅವರು ಕೇಳಿಕೊಂಡರು.

English summary

Ayodhya Deevapawali: Guinness Record by lighting more than 25 lakh lamps.