ಮತ್ತೆ ಬೆಲೆ ಹೆಚ್ಚಿಸಿದ ಅಮೂಲ್, ಮದರ್ ಡೇರಿ, ಏರಿಸಿದ ಹಾಲಿನ ಬೆಲೆ ಎಷ್ಟು?
ನವದೆಹಲಿ, ಆಗಸ್ಟ್ 16: ಭಾರತದಲ್ಲಿ ಜನಸಾಮಾನ್ಯರ ಜೇಬಿಗೆ ಮತ್ತೊಂದು ದೊಡ್ಡ ಹೊಡೆತ ಬೀಳಲಿದೆ. ಏಕೆಂದರೆ ದೇಶದಾದ್ಯಂತ ಹಲವು ಪ್ರಮುಖ ರಾಜ್ಯಗಳಲ್ಲಿ ಅಮುಲ್ ಹಾಗೂ ಮದರ್ ಡೇರಿ ತಮ್ಮ ಹಾಲಿನ ದರವನ್ನು ಹೆಚ್ಚಿಸಲು ಮುಂದಾಗಿವೆ. ಪರಿಷ್ಕೃತ ದರಗಳ ಪ್ರಕಾರ ಅನೇಕ ಮೆಟ್ರೋಪಾಲಿಟನ್ ನಗರಗಳಲ್ಲಿ ಬೆಲೆಗಳನ್ನು ಲೀಟರ್ಗೆ 2 ರೂ.ಗಳಷ್ಟು ಹೆಚ್ಚಿಸಲಾಗಿದೆ.
ಇತ್ತೀಚಿನ ಬೆಲೆ ಏರಿಕೆ ಪ್ರಕಾರ, ದೆಹಲಿ, ಗುಜರಾತ್ ಮತ್ತು ಪಶ್ಚಿಮ ಬಂಗಾಳದಂತಹ ವಿವಿಧ ರಾಜ್ಯಗಳಲ್ಲಿ ಅಮುಲ್ ಹಾಲಿನ ಬೆಲೆಯನ್ನು ಲೀಟರ್ಗೆ 2 ರೂ.ಗಳಷ್ಟು ಹೆಚ್ಚಿಸಲಾಗಿದೆ. ಅಮುಲ್ನಲ್ಲಿ ಪ್ರಸ್ತುತ ಬೆಲೆ ಏರಿಕೆಯಿಂದಾಗಿ, ಇತರ ಹಾಲಿನ ಬ್ರಾಂಡ್ಗಳು ಸಹ ತಮ್ಮ ದರವನ್ನು ಹೆಚ್ಚಿಸುವ ಸಾಧ್ಯತೆಯಿದೆ ಎನ್ನಲಾಗಿದೆ.
ಅಮುಲ್ ಹಾಲಿನ ಪ್ರಸ್ತುತ ಬೆಲೆ ಏರಿಕೆಯು ಗುಜರಾತ್, ದೆಹಲಿ, ಪಶ್ಚಿಮ ಬಂಗಾಳ ಮತ್ತು ನವದೆಹಲಿಯಂತಹ ಸ್ಥಳಗಳಲ್ಲಿ ಜಾರಿಗೆ ಬರಲಿದೆ. ಅಮುಲ್ನ ಗೋಲ್ಡ್, ಎನರ್ಜಿ ಮತ್ತು ತಾಜಾ ಹಾಲಿನ ಬ್ರಾಂಡ್ಗಳ ಬೆಲೆಗಳು ಪ್ರತಿ ಲೀಟರ್ಗೆ 2 ರೂಪಾಯಿಗಳಷ್ಟು ಹೆಚ್ಚಾಗಿದೆ ಎಂದು ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ. ಅಮುಲ್ ಗೋಲ್ಡ್ ಹಾಲಿನ 500 ಎಂಎಲ್ನ ಹೊಸ ಬೆಲೆ 31 ರೂ ಆಗಿದ್ದರೆ, ತಾಜಾ ಅಮುಲ್ 500 ಎಂಎಲ್ನ ಹಾಲಿನ ಹೊಸ ಬೆಲೆ 25 ರೂ. ಪರಿಷ್ಕೃತ ದರಗಳ ಪ್ರಕಾರ ಅಮುಲ್ ಎನರ್ಜಿ ಹಾಲಿನ 500 ಎಂಎಲ್ನ ಹೊಸ ಬೆಲೆ 28 ರೂ. ಆಗಿದೆ.
ಇತರ ಬ್ರಾಂಡ್ಗಳು ಸಹ ದರ ಹೆಚ್ಚಳ
ಅಮುಲ್ನಲ್ಲಿ ಹಾಲಿನ ಉತ್ಪನ್ನಗಳ ದರಗಳ ಹೆಚ್ಚಳದ ಹಿಂದಿನ ಮುಖ್ಯ ಕಾರಣವೆಂದರೆ ಅಮುಲ್ ಸ್ಥಾವರಗಳಲ್ಲಿನ ಉತ್ಪಾದನೆ ಮತ್ತು ಉತ್ಪಾದನೆಯ ವೆಚ್ಚದಲ್ಲಿನ ಹೆಚ್ಚಳವಾಗಿದೆ. ಈಗ, ಅಮುಲ್ ಹಾಲಿನ ಬೆಲೆ ಏರಿಕೆಯಿಂದಾಗಿ ಇತರ ಬ್ರಾಂಡ್ಗಳು ಸಹ ದರವನ್ನು ಪರಿಷ್ಕರಿಸುವ ನಿರೀಕ್ಷೆಯಿದೆ. ಅಮುಲ್ ಮಿಲ್ಕ್ ತನ್ನ ಬೆಲೆಯನ್ನು ಹೆಚ್ಚಿಸಿದ ಕೆಲವೇ ದಿನಗಳಲ್ಲಿ ಮದರ್ ಡೈರಿಯು ಕೆಲವು ಉತ್ಪನ್ನಗಳ ಬೆಲೆಯನ್ನು ಲೀಟರ್ಗೆ 2 ರೂಪಾಯಿಗಳಷ್ಟು ಹೆಚ್ಚಿಸುವುದಾಗಿ ಘೋಷಿಸಿದೆ.
ಮದರ್ ಡೈರಿ ಹಾಲಿನ ಬೆಲೆಯೂ ಹೆಚ್ಚಳ
ಆಗಸ್ಟ್ 17, 2022 ರಿಂದ ಜಾರಿಗೆ ಬರುವಂತೆ ಅದರ ಹಾಲಿನ ಬೆಲೆಯನ್ನು ಲೀಟರ್ಗೆ 2 ರೂ.ಗಳಷ್ಟು ಹೆಚ್ಚಿಸಲು ನಿರ್ಧರಿಸಲಾಗಿದೆ ಎಂದು ಕಂಪನಿಯ ಅಧಿಕಾರಿಯೊಬ್ಬರು ಮಂಗಳವಾರ ಹೇಳಿದ್ದಾರೆ. ಹೊಸ ಬೆಲೆಗಳು ಎಲ್ಲಾ ಹಾಲಿನ ಉತ್ತನ್ನಗಳಿಗೆ ಅನ್ವಯಿಸುತ್ತವೆ. ಅಮುಲ್ ನಂತರ ಮದರ್ ಡೈರಿ ಕೂಡ ಹಾಲಿನ ದರವನ್ನು ಹೆಚ್ಚಿಸಿದೆ. ಮದರ್ ಡೈರಿ ಹಾಲಿನ ದರವನ್ನು ಬುಧವಾರದಿಂದ ಲೀಟರ್ಗೆ 2 ರೂಪಾಯಿ ಹೆಚ್ಚಳವಾಗಲಿದೆ. ಮದರ್ ಡೈರಿ ಬೆಲೆ ಏರಿಕೆಯ ಪರಿಣಾಮ ದೆಹಲಿ-ಎನ್ಸಿಆರ್, ಮುಂಬೈ ಮತ್ತು ಪಶ್ಚಿಮ ಬಂಗಾಳವನ್ನು ಹೊರತುಪಡಿಸಿ ಗುಜರಾತ್ನ ಅಹಮದಾಬಾದ್ ಮತ್ತು ಸೌರಾಷ್ಟ್ರದಲ್ಲಿ ಏರಲಿದೆ.
ಲೀಟರ್ ಹಾಲಿನ ದರವನ್ನು 2 ರೂ. ಹೆಚ್ಚಳ
ಆಗಸ್ಟ್ 17, 2022 ರಿಂದ ಜಾರಿಗೆ ಬರುವಂತೆ ಪ್ರತಿ ಲೀಟರ್ ಹಾಲಿನ ದರವನ್ನು 2 ರೂ.ಗಳಷ್ಟು ಹೆಚ್ಚಿಸಲು ನಿರ್ಧರಿಸಲಾಗಿದೆ ಎಂದು ಕಂಪನಿಯು ಮಂಗಳವಾರ ಅಧಿಕೃತ ಹೇಳಿಕೆಯಲ್ಲಿ ತಿಳಿಸಿದೆ. ಹಾಲಿನ ದರ ಏರಿಕೆಗೆ ಸಂಗ್ರಹಣೆ ಮತ್ತು ವೆಚ್ಚ ಹೆಚ್ಚಳವೇ ಕಾರಣ ಎಂದು ಕಂಪನಿ ಹೇಳಿದೆ. ಮದರ್ ಡೈರಿ ದೆಹಲಿ-ಎನ್ಸಿಆರ್ನಲ್ಲಿ ಪ್ರಮುಖ ಪೂರೈಕೆದಾರರಾಗಿದ್ದು, ಕಂಪನಿಯು ಪಾಲಿ ಪ್ಯಾಕ್ಗಳು ಮತ್ತು ಯಂತ್ರಗಳ ಮೂಲಕ ಪ್ರತಿದಿನ 3 ಮಿಲಿಯನ್ ಲೀಟರ್ ಹಾಲನ್ನು ಮಾರಾಟ ಮಾಡುತ್ತದೆ.
ಜನರಿಗೆ ಮತ್ತೊಂದು ಹೊಡೆತ
ಜುಲೈನಲ್ಲಿ, ಕೇಂದ್ರ ಸರ್ಕಾರವು ಪ್ಯಾಕೇಜ್ಡ್ ಆಹಾರ ಉತ್ಪನ್ನಗಳ ಮೇಲೆ 5% ಜಿಎಸ್ಟಿ ವಿಧಿಸಿದ ನಂತರ, ಡೈರಿ ಕಂಪನಿ ಅಮುಲ್ ಮೊಸರು, ಹಾಲೊಡಕು, ಸುವಾಸನೆಯ ಹಾಲು ಸೇರಿದಂತೆ ಹಾಲಿನ ಉತ್ಪನ್ನಗಳ ಬೆಲೆಯನ್ನು ಹೆಚ್ಚಿಸಿತ್ತು. ಅದರ ನಂತರ, ಸುಮಾರು ಒಂದು ತಿಂಗಳ ನಂತರ, ಈ ಕಂಪನಿಗಳು ತಮ್ಮ ಹಾಲಿನ ಬೆಲೆಯನ್ನು ಸಹ ಹೆಚ್ಚಿಸಿವೆ. ಈ ಹೆಚ್ಚಳದ ನೇರ ಪರಿಣಾಮ ಸಾರ್ವಜನಿಕರ ಮೇಲೆ ಆಗಲಿದೆ. ಜನ ಈಗಾಗಲೇ ಹಣದುಬ್ಬರದಿಂದ ಬಳಲುತ್ತಿದ್ದು ಇದು ಮತ್ತೊಂದು ಹೊಡೆತ ನೀಡಿದೆ.
Click it and Unblock the Notifications
Sign in with Google