ವಿಡಿಯೋ: ಗದಗದಲ್ಲಿ ಪುಡಿ ರೌಡಿ ಅಟ್ಟಹಾಸ: ಆಟೋ ಚಾಲಕರಿಂದ ಹಫ್ತಾ ವಸೂಲಿ
ಗದಗ, ಜುಲೈ 14: ಕೋವಿಡ್ ಮೊದಲ ಹಾಗೂ ಎರಡನೇ ಅಲೆಯ ನಂತರ ಜನಜೀವನ ಮತ್ತೆ ಹಳಿಗೆ ಮರುಳುತ್ತದೆ. ಜನರು ಕೆಲಸಕ್ಕೆ ಮರಳಿ ಮತ್ತೆ ತಮ್ಮ ಜೀವನ ಕಟ್ಟಿಕೊಳ್ಳುತ್ತಿದ್ದಾರೆ.
ಇಂತಹ ಸಂದರ್ಭದಲ್ಲಿ ಆಟೋ ಓಡಿಸಿ ತಮ್ಮ ಪ್ರತಿದಿನದ ಜೀವನ ನಡೆಸುತ್ತಿರುವ ಚಾಲಕರಿಗೆ ವ್ಯಕ್ತಿಯೋರ್ವ ಧಮ್ಕಿ ಹಾಕಿ ಹಫ್ತಾ ವಸೂಲಿ ಮಾಡುತ್ತಿರುವ ಘಟನೆ ಗದಗ ನಗರದಲ್ಲಿ ನಡೆದಿದೆ.
Recommended Video
ಪ್ರತಿದಿನ ದುಡಿದು ತಿನ್ನುವ ಆಟೋ ಚಾಲಕರಿಗೆ ಧಮ್ಕಿ ಹಾಕುವ ಪುಡಿ ರೌಡಿ ವಿರುದ್ಧ ಆಟೋ ಚಾಲಕರು ಪೊಲೀಸ್ ದೂರು ನೀಡಲು ಮುಂದಾಗಿದ್ದಾರೆ.
ಈ ಬಗ್ಗೆ ಮಾತನಾಡಿದ ಗದಗ ಆಟೋ ಚಾಲಕ ಬಸವರಾಜ, "ಆಟೋ ಅಡ್ಡಗಟ್ಟಿ, ಇಲ್ಲಿ ಯಾರೂ ಓಡಾಡುವ ಹಾಗಿಲ್ಲ ಎಂದು ಬೈದಿದ್ದಾನೆ. ಹಾಗೆಲ್ಲ ಬೈಯಬೇಡ ಎಂದಿದ್ದಕ್ಕೆ, ನಿನ್ನ ಆಟೋದಲ್ಲಿ ಹಾಡು ಹಾಕು ಎಂದ. ನಾನು ಹಾಕುವುದಿಲ್ಲ ಎಂದಿದಕ್ಕೆ ಸುಮ್ಮನೆ ಹೋದೆ. ನನಗೆ ಒಂದು ಬಾಡಿಗೆ ಸಿಕ್ಕಿದೆ ಎಂದು ಹೋದೆ.''
"ನಂತರ ಒಂದು ಚಹಾದ ಅಂಗಡಿ ಹತ್ತಿರ ಹೋಗಿ, ನಾನು ಬಂದಾಗ ಅಂಗಡಿ ಬಂದ್ ಮಾಡಬೇಕು ಎಂದು ಗದರಿಸಿದ. ಮತ್ತೆ ನಮ್ಮ ಮೂರು ಆಟೋಗಳಿಗೆ ಕಲ್ಲು ಎಸೆಯುತ್ತೇನೆ ಎಂದು ಹೇಳಿದ. ನಮ್ಮ ಆಟೋಗಳ ಮೂರು ಬದಲಿ ಚಕ್ರಗಳು (ಸ್ಟೇಪ್ನಿ) ಕಳವು ಆಗಿವೆ. ಅವನೇ ಮಾಡಿರಬಹುದು,'' ಎಂದು ಆಟೋ ಚಾಲಕ ಬಸವರಾಜ ಆರೋಪಿಸಿದ್ದಾನೆ.
ಗದಗ ನಗರ ನಿವಾಸಿ ರೋಹಿತ್ ಕಟ್ಟೀಮನಿ ಏರಿಯಾದಲ್ಲಿ ಪುಂಡಾಟಿಕೆ ಮಾಡುತ್ತಿದ್ದು, ಈತನ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಗದಗ ಗ್ರಾಮಾಂತರ ಪೊಲೀಸ್ ಠಾಣೆ ಪಿಎಸ್ಐಗೆ ಆಟೋ ಚಾಲಕರು ದೂರು ನೀಡಿದ್ದಾರೆ.
Click it and Unblock the Notifications
Sign in with Google