ಅವಳಿ ನಗರದ ರಸ್ತೆ ಗಿಳಿಯಲಿವೆ ಮೆಟ್ರೋ ಮಾದರಿ ಬಸ್ ಗಳು
ಧಾರವಾಡ, ಫೆಬ್ರವರಿ 10 : ಬಿ.ಆರ್.ಟಿ.ಎಸ್ ಕಾಮಗಾರಿ ಮಾರ್ಚ್ ವೇಳೆಗೆ ಪೂರ್ಣಗೊಳ್ಳಲಿದ್ದು, ಅವಳಿ ನಗರದ ಬಹು ದಿನಗಳ ಕನಸಿನ ಯೋಜನೆಯಾಗಿರುವ ನನಸಾಗುವ ಸಮಯ ಬಂದಿದೆ. ಮೆಟ್ರೋ ಮಾದರಿಯಲ್ಲಿ ಧಾರವಾಡದಲ್ಲಿ ಬಸ್ ಗಳು ರಸ್ತೆಗಿಳಿಯಲಿವೆ.
ಕಳೆದ ಮೂರು ವರ್ಷಗಳಿಂದ ಅವಳಿ ನಗರಕ್ಕೆ ಸುಗಮ ಹಾಗೂ ಉತ್ತಮ ಸಂಚಾರಕ್ಕೆ ಕೇಂದ್ರ ಸರ್ಕಾರ ಬಿಆರ್ ಟಿ ಎಸ್ ಯೋಜನೆಯನ್ನು ಮೂರು ವರ್ಷಗಳ ಹಿಂದೆ ಪ್ರಾರಂಭಿಸಿತ್ತು. ಇದು ಪ್ರಾರಂಭದಲ್ಲಿ ಸುಮಾರು 750 ಕೋಟಿ ವೆಚ್ಚದ ಯೋಜನೆಯಾಗಿದ್ದು. ಮುಂದುವರೆದು ಇದೀಗ, ಕಾಮಗಾರಿಯ ಅಂತಿಮ ಹಂತವು 900 ಕೋಟಿಗೆ ತಲುಪಿದೆ.
ಹುಬ್ಬಳ್ಳಿ-ಧಾರವಾಡ ಅವಳಿ ನಗರದ ಮಧ್ಯದ 20 ಕಿ.ಮೀ ದೂರದ ರಸ್ತೆ ಕಾಮಗಾಗಿ ನಡೆಯುತ್ತಿದ್ದು, ಇದು ಮಾರ್ಚ್ ಅಂತ್ಯದೊಳಗೆ ಪೂರ್ಣಗೊಳ್ಳಲಿದೆ. ಅವಳಿ ನಗರದ ಮಧ್ಯದಲ್ಲಿ ಒಟ್ಟು 130 ಬಸ್ಗಳು ಸಂಚಾರ ಮಾಡಲಿದ್ದು, ಇವುಗಳಲ್ಲಿ 85 ಲಕ್ಷ ದ ಸ್ಟ್ಯಾಂಡರ್ಡ್ ಬಸ್ 100 ಹಾಗೂ 1 ಕೋಟಿ 25 ಲಕ್ಷ ವೆಚ್ಚದ ಆರ್ಟಿಕ್ಯೂಲೆಟೆಡ್ ವಿಶೇಷ ಬಸ್ಗಳು 30 ಇವೆ. ಇವುಗಳು ಈ ಬಸ್ ಗಳು ಹಲವು ವಿಶೇಷತೆಗಳನ್ನು ಹೊಂದಿವೆ.
ಪ್ರತಿಯೊಂದು ಬಸ್ನಲ್ಲಿ 2 ಸಿಸಿ ಕ್ಯಾಮರಾ, ಪ್ರತಿಯೊಂದು ಬಸ್ ನಿಲ್ದಾಣದಲ್ಲಿ 4 ಸಿಸಿಟಿವಿ ಅಳವಡಿಸಲಾಗಿದೆ. ಅಲ್ಲದೇ ಪ್ರಯಾಣಿಕರ ಹಿತದೃಷ್ಟಿಯಿಂದ ಆಂಬುಲೆನ್ಸ್ ಮಾದರಿಯ ಸೈರನ್ ಕೂಡಿಸಲಾಗಿದೆ. ಪೊಲೀಸ್ ವೈಯರ್ಲೆಸ್ ಹಾಕಲಾಗಿದ್ದು, ಭದ್ರತಾ ವ್ಯವಸ್ಥೆಯನ್ನು ಮಾಡಲಾಗಿದೆ. ಇಂತಹ ವಿಶೇಷ ಸೌಲ್ಯಭವುಳ್ಳ ಬಸ್ ಇನ್ನು ಮುಂದೆ ಹುಬ್ಬಳ್ಳಿ- ಧಾರವಾಡದಲ್ಲಿ ಸಂಚಾರ ಮಾಡಲಿವೆ.
ಸುಮಾರು 900 ಕೋಟಿ ಮೌಲ್ಯದ ಯೋಜನೆ ಈಗಾಗಲೇ ಅಂತಿಮ ಹಂತಕ್ಕೆ ಬಂದಿದ್ದು, ಮಾರ್ಚ್ ಅಂತ್ಯದೊಳಗೆ ಹುಬ್ಬಳ್ಳಿ- ಧಾರವಾಡ ಮಹಾನಗರ ಮತ್ತಷ್ಟು ತನ್ನ ಹಿರಿಮೆಯನ್ನು ಹೆಚ್ಚಿಸಿಕೊಳ್ಳಲಿದೆ.
Click it and Unblock the Notifications
Sign in with Google