ಜಯಲಲಿತಾ 100 ಕೋಟಿ ದಂಡವನ್ನು ಕೊರ್ಟ್ ಹೀಗೆ ವಸೂಲಿ ಮಾಡುತ್ತೆ!

ವಿಚಾರಣಾ ನ್ಯಾಯಾಲಯದ ಆದೇಶವನ್ನೇ ಎತ್ತಿ ಹಿಡಿದಿರುವುದರಿಂದ ಇದೀಗ ತಮಿಳುನಾಡು ಸರಕಾರ 130 ಕೋಟಿ ಹಣ ವಸೂಲಿಗೆ ಸಿದ್ಧವಾಗಬೇಕಿದೆ. ಜಯಲಲಿತಾ ಬದುಕಿಲ್ಲದೇ ಇರುವುದರಿಂದ ಆಕೆಯ ಪಾಲಿನ ದಂಡವನ್ನು ಆಕೆಗೆ ಸೇರಿದ ಮನೆ, ಆಸ್ತಿಗಳಿಂದ ವಸೂಲಿ ಮಾಡಬೇಕಿದೆ

By ವಿಕಾಸ್ ನಂಜಪ್ಪ

Published: Wednesday, February 15, 2017, 13:24 [IST]

ಬೆಂಗಳೂರು, ಫೆಬ್ರವರಿ 15: ಜಯಲಲಿತಾ ಅಕ್ರಮ ಆಸ್ತಿ ಗಳಿಕೆ ಪ್ರಕರಣದಲ್ಲಿ ಮಂಗಳವಾರ ಸಿಬಿಐ ವಿಶೇಷ ನ್ಯಾಯಾಲಯದ ಆದೇಶವನ್ನೆ ಸುಪ್ರಿಂ ಕೋರ್ಟ್ ಎತ್ತಿ ಹಿಡಿದಿದೆ. ವಿಚಾರಣಾ ನ್ಯಾಯಾಲಯ ಜಯಲಲಿತಾಗೆ 100 ಕೋಟಿ ಹಾಗೂ ಶಶಿಕಲಾ ಮತ್ತು ಇತರರಿಗೆ ತಲಾ 10 ಕೋಟಿ ಸೇರಿ ಒಟ್ಟು 130 ಕೋಟಿ ದಂಡ ವಿಧಿಸಿತ್ತು.

ವಿಚಾರಣಾ ನ್ಯಾಯಾಲಯದ ಆದೇಶವನ್ನೇ ಎತ್ತಿ ಹಿಡಿದಿರುವುದರಿಂದ ಇದೀಗ ತಮಿಳುನಾಡು ಸರಕಾರ 130 ಕೋಟಿ ಹಣ ವಸೂಲಿಗೆ ಸಿದ್ಧವಾಗಬೇಕಿದೆ. ಸದ್ಯ ಜಯಲಲಿತಾ ಬದುಕಿಲ್ಲದೇ ಇರುವುದರಿಂದ ಆಕೆಯ ಪಾಲಿನ ದಂಡವನ್ನು ಆಕೆಗೆ ಸೇರಿದ ಮನೆ, ಆಸ್ತಿಗಳಿಂದ ವಸೂಲಿ ಮಾಡಬೇಕಿದೆ.

ಆಕೆಯ ಚಪ್ಪಲಿ, ಸೀರೆ ಸೇರಿದಂತೆ ಹಲವು ವಸ್ತುಗಳು ಈಗಾಗಲೇ ಸರಕಾರದ ವಶದಲ್ಲಿವೆ. ಆದರೆ ಅವುಗಳಿಂದ ದಂಡ ಪ್ರಮಾಣದ 100 ಕೋಟಿ ರೂಪಾಯಿ ಹಣಂ ಹೊಂದಿಸುವುದು ಕಷ್ಟ. ಹೀಗಾಗಿ ಸರಕಾರ ಆಕೆಗೆ ಸೇರಿದ ಆಸ್ತಿಗಳ ಬುಡಕ್ಕೆ ಕೈ ಹಾಕಬೇಕಾಗಿದೆ.