ರಾಮೇಶ್ವರಂನಲ್ಲಿ ಎಲ್.ಟಿ.ಟಿ.ಇಗೆ ಸೇರಿದ್ದೆನ್ನಲಾದ ಮದ್ದು ಗುಂಡುಗಳು ಪತ್ತೆ

ರಾಮನಾಥಪುರಂ, ಜುಲೈ 26: ತಮಿಳುನಾಡಿನ ರಾಮನಾಥಪುರಂನಲ್ಲಿ ಭಾರೀ ಪ್ರಮಾಣದಲ್ಲಿ ಹಳೆಯ ಗುಂಡುಗಳು, ಸ್ಪೋಟಕಗಳು ಪತ್ತೆಯಾಗಿವೆ. ಇವು ಲಿಬರೇಷನ್ ಆಫ್ ತಮಿಳು ಟೈಗರ್ಸ್ ಈಳಂ (ಎಲ್.ಟಿ.ಟಿ.ಇ) ಗೆ ಸೇರಿದ್ದಿರಬಹುದು ಎಂದು ಶಂಕಿಸಲಾಗಿದೆ.

ರಾಮನಾಥಪುರಂ ಜಿಲ್ಲೆಯಲ್ಲಿ ರಾಮೇಶ್ವರಂ ದ್ವೀಪವಿದೆ. ಇಲ್ಲಿನ ತಂಗಚಿಮಡಮ್ ಸಮೀಪದ ಸಣ್ಣ ಜನವಸತಿ ಪ್ರದೇಶ ಅಂಥೋನಿಯಾರ್ಪುರಂನಲ್ಲಿ ಈ ಭಾರೀ ಮದ್ದು ಗುಂಡುಗಳು ಪೊಲೀಸರಿಗೆ ಸಿಕ್ಕಿವೆ. ಕಬ್ಬಿಣದ ಪೆಟ್ಟಿಗೆಗಳಲ್ಲಿ ಇದನ್ನು ಪೇರಿಸಿಡಲಾಗಿತ್ತು.

ಇದು 1980ರ ಸುಮಾರಿನದ್ದು ಎಂದು ಪೊಲೀಸರು ಅಂದಾಜಿಸಿದ್ದು, ಎಲ್.ಟಿ.ಟಿ.ಇಗೆ ಸೇರಿದ್ದಿರಬಹುದು ಎಂದುಕೊಳ್ಳಲಾಗಿದೆ.

ಮಾಧ್ಯಮಗಳ ವರದಿಗಳ ಪ್ರಕಾರ ಶೌಚಾಲಯದ ಹೊಂಡಕ್ಕಾಗಿ ಇಲ್ಲಿನ ನಿವಾಸಿಯೊಬ್ಬರಿಗೆ ಬಾಕ್ಸ್ ಗ ಳಲ್ಲಿ ತುಂಬಿಸಿಟ್ಟ ಬುಲೆಟ್ ಗಳು ಸಿಕ್ಕಿವೆ. ಇದನ್ನು ಕಂಡು ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.

ಈ ಮಾಹಿತಿ ಬೆನ್ನಿಗೆ ಅದೇ ಸ್ಥಳದಲ್ಲಿ ಪೊಲೀಸರು ಮತ್ತಷ್ಟು ಮಣ್ಣು ಅಗೆದು ಹುಡುಕಾಟ ನಡೆಸಿದ್ದಾರೆ. ಈ ಸಂದರ್ಭದಲ್ಲಿ ಆ ಸ್ಥಳದಲ್ಲಿ ಡಿಟೊನೇಟರ್ ಗಳು, ಡಿಟೊನೇಟರ್ ಲಾಂಚರ್ ಮತ್ತು 50 ಬಾಕ್ಸಿಗೂ ಮಿಕ್ಕಿ ಬುಲೆಟ್ ಗಳು ಸಿಕ್ಕಿವೆ. ಈ ವಸ್ತುಗಳು ಸಿಕ್ಕಿರುವ ಜಾಗ ಸಮುದ್ರ ದಂಡೆಯಿಂದ ಕೇವಲ 50 ಮೀಟರ್ ದೂರದಲ್ಲಿದೆ.

English summary

A huge cache of ammunition, trinitrotoluene detonators and detonator launchers was recovered at Rameswaram on Monday.