ಗುಂಡ್ಲುಪೇಟೆಯಲ್ಲಿ ಅಂಬ್ಯುಲೆನ್ಸ್ ಗೆ ಸಿಲುಕಿ ಕಾಡಂದಿಗಳು ಸಾವು

ಗುಂಡ್ಲುಪೇಟೆ, ಆಗಸ್ಟ್ 14: ವೇಗವಾಗಿ ಸಂಚರಿಸುತ್ತಿದ್ದ ಅಂಬ್ಯುಲೆನ್ಸ್ ವಾಹನಕ್ಕೆ ಸಿಲುಕಿದ ಎರಡು ಕಾಡುಹಂದಿಗಳು ಸ್ಥಳದಲ್ಲಿಯೇ ಸಾವನ್ನಪ್ಪಿರುವ ಘಟನೆ ತಾಲೂಕಿನ ದೊಡ್ಡತುಪ್ಪೂರು ಗೇಟ್ ಬಳಿ ನಡೆದಿದೆ.

ಸೋಮವಾರ ಸಂಜೆ 4.30ರ ಸಮಯದಲ್ಲಿ ತೆರಕಣಾಂಬಿಯಿಂದ ಗುಂಡ್ಲುಪೇಟೆಗೆ ರೋಗಿಯನ್ನು ಕೊಂಡೊಯ್ಯುತ್ತಿದ್ದ ಅಂಬ್ಯುಲೆನ್ಸ್ ವಾಹನಕ್ಕೆ ರಸ್ತೆ ದಾಟುತ್ತಿದ್ದ ಕಾಡುಹಂದಿಗಳು ಅಡ್ಡ ಬಂದಿವೆ. ಈ ವೇಳೆ 7 ಹಂದಿಗಳ ಪೈಕಿ 5 ಹಂದಿಗಳು ಪಾರಾಗಿದ್ದು ರಸ್ತೆಯ ನಡುವೆ ಚಕ್ರಕ್ಕೆ ಸಿಲುಕಿದ ಎರಡು ಹಂದಿಗಳು ಸ್ಥಳದಲ್ಲಿಯೇ ಸಾವನ್ನಪ್ಪಿವೆ.

ಘಟನೆ ಬಳಿಕ ನಂತರ ಅಂಬುಲೆನ್ಸ್ ವಾಹನ ವೇಗವಾಗಿ ಸಾಗಿದೆ ಎನ್ನಲಾಗಿದೆ. ಆ ನಂತರ ದಾರಿಹೋಕರು ಅರಣ್ಯ ಇಲಾಖೆಗೆ ಸುದ್ದಿ ಮುಟ್ಟಿಸಿದ್ದು ಅರಣ್ಯ ಸಿಬ್ಬಂದಿಯು ಹಂದಿಗಳ ಕಳೇಬರವನ್ನು ರಸ್ತೆಯಿಂದ ತೆರವುಗೊಳಿಸಿದ್ದಾರೆ.

English summary

Two wild pigs that fell into the ambulance vehicle were killed at the spot near the Doddathuppur gate in Gundlupet taluk. Out of the 7 pigs, five pigs were killed and two pigs that fell into the wheel died at the site.