ಆದಾಯ ತೆರಿಗೆದಾರರ ಗಮನಕ್ಕೆ ಈ 2 ಸುದ್ದಿಗಳು

Updated: Thursday, May 5, 2016, 16:46 [IST]

ನವದೆಹಲಿ, ಮೇ 05: ವಾರ್ಷಿಕ ವರಮಾನ 50 ಲಕ್ಷ ರು. ಗೂ ಅಧಿಕವಿರುವ ವ್ಯಕ್ತಿಗಳು ತಾವು ಹೊಂದಿರುವ ಆಸ್ತಿಯ ಎಲ್ಲ ಮೂಲಗಳನ್ನು ಬಹಿರಂಗ ಮಾಡಬೇಕಾಗುತ್ತದೆ.

ಭೂಮಿ, ಚಿನ್ನ, ನಿವೇಶನ ಈ ಬಗೆಯ ಯಾವುದೇ ಆಸ್ತಿ ಹೊಂದಿದ್ದರೆ ಅದನ್ನು ಸರ್ಕಾರಕ್ಕೆ ತಿಳಿಸಬೇಕಾಗುತ್ತದೆ. ತೆರಿಗೆ ಕಟ್ಟುವುದರೊಂದಿಗೆ ಹೊಂದಿರುವ ಬೆಳ್ಳಿ, ಪ್ಲಾಟಿನಂ, ಅಮೂಲ್ಯ ಹರಳುಗಳ ವಿವರವನ್ನು ಸಲ್ಲಿಕೆ ಮಾಡಬೇಕಾಗುತ್ತದೆ. ಈ ಬಗ್ಗೆ ನಿರ್ದೇಶನ ನೀಡಿರುವ ನೇರ ತೆರಿಗೆಗಳ ಕೇಂದ್ರೀಯ ಮಂಡಳಿ(ಸಿಬಿಡಿಟಿ) ಆಸ್ತಿ ವಿವರದ ಮಾಹಿತಿ ನೀಡಲು ಕೇಳಿಕೊಂಡಿದೆ.[ಟ್ಯಾಕ್ಸ್ ರಿಟರ್ನ್ಸ್ ಸಲ್ಲಿಕೆಗೆ 6 ಉತ್ತಮ ವೆಬ್ ತಾಣಗಳು]

ತೆರಿಗೆ ಬಾಕಿದಾರರ ಗಮನಕ್ಕೆ:
ತೆರಿಗೆ ಬಾಕಿ ಉಳಿಸಿಕೊಂಡು ದಂಡ ಕಟ್ಟುವ ಸ್ಥಿತಿ ನಿರ್ಮಾಣವಾಗಿದ್ದು ಅದು 5- 10 ಸಾವಿರ ರೂ ಒಳಗೆ ಇದ್ದರೆ ನಿಮಗೆ ವಿನಾಯಿತಿ ಸಿಕ್ಕರೂ ಸಿಗಬಹುದು.[ಆನ್ ಲೈನ್ ನಲ್ಲಿ ಆದಾಯ ತೆರಿಗೆ ತುಂಬಲು ಸರಳ ವಿಧಾನ]

ಬಾಕಿ ಉಳಿಸಿಕೊಂಡವರ ಮೇಲೆ ಒತ್ತಡ ಹೇರಿ ದಂಡ ವಸೂಲಿ ಮಾಡಲು ವಿನಿಯೋಗಿಸುವ ಹಣ ಮತ್ತು ಸಮಯಕ್ಕೆ ವಸೂಲಿಯಾದ ದಂಡದ ಮೊತ್ತ ಸರಿಹೋಗುತ್ತದೆ ಎಂದು ಮನಗಂಡಿರುವ ತೆರಿಗೆ ಇಲಾಖೆ ವಿನಾಯಿತಿ ನೀಡಲು ಕೋರಿ ಕೇಂದ್ರ ಸರ್ಕಾರಕ್ಕೆ ಮನವಿ ಸಲ್ಲಿಕೆ ಮಾಡಲು ಮುಂದಾಗಿದೆ.