ಎಲಾನ್ ಮಸ್ಕ್ ಆಫರ್ಗೆ ಟ್ವಿಟ್ಟರ್ ಹೇಳಿದ್ದೇನು?
ಟ್ವಿಟ್ಟರ್ ಅನ್ನು ಖರೀದಿ ಮಾಡುತ್ತೇನೆ ಎಂಬ ಟೆಸ್ಲಾ ಮುಖ್ಯಸ್ಥ ಎಲಾನ್ ಮಸ್ಕ್ ಆಫರ್ಗೆ ಟ್ವಿಟರ್ನ ಮಂಡಳಿಯು ಪ್ರತಿಕ್ರಿಯೆ ನೀಡಿದೆ. ಎಲಾನ್ ಮಸ್ಕ್ರಿಂದ ಬಂದ ಅನಪೇಕ್ಷಿತ ಆಫರ್ ಬಗ್ಗೆ ಚಿಂತನೆ ನಡೆಸಲಾಗುವುದು ಎಂದು ಹೇಳಿದೆ.
"ಟ್ವಿಟರ್ ಬೋರ್ಡ್ ಆಫ್ ಡೈರೆಕ್ಟರ್ಸ್ ಕಂಪನಿಯ ಮತ್ತು ಎಲ್ಲಾ ಟ್ವಿಟರ್ ಷೇರುದಾರರ ಹಿತದೃಷ್ಟಿಯಿಂದ ಈ ಬಗ್ಗೆ ಸರಿಯಾಗಿ ಚರ್ಚಿಸಿ ಎಚ್ಚರಿಕೆಯಿಂದ ಪರಿಶೀಲಿಸುತ್ತದೆ," ಎಂದು ಟ್ವಿಟ್ಟರ್ ಹೇಳಿದೆ. ಕಂಪನಿಯ ಮೌಲ್ಯವನ್ನು 43.4 ಶತಕೋಟಿ ಎಂದು ಮಸ್ಕ್ ಗೊತ್ತು ಮಾಡಿದ್ದಾರೆ ಎಂದು ಟ್ವಿಟ್ಟರ್ ಖಚಿತಪಡಿಸಿದೆ.
"ಪ್ರತಿ ಷೇರಿಗೆ $54.20 ನಗದು ರೂಪದಲ್ಲಿ ಕಂಪನಿಯ ಎಲ್ಲಾ ಬಾಕಿ ಉಳಿದಿರುವ ಸಾಮಾನ್ಯ ಸ್ಟಾಕ್ ಅನ್ನು ಸ್ವಾಧೀನಪಡಿಸಿಕೊಳ್ಳಲು ಎಲಾನ್ ಮಸ್ಕ್ ಅವರಿಂದ ಅಪೇಕ್ಷಿಸದ ಪ್ರಸ್ತಾಪವನ್ನು ಸ್ವೀಕರಿಸಲಾಗಿದೆ" ಎಂದಿದೆ.
ಮಸ್ಕ್ ಈ ಬೆಲೆಯನ್ನು ತನ್ನ ಅತ್ಯುತ್ತಮ ಮತ್ತು ಅಂತಿಮ ಕೊಡುಗೆ ಎಂದು ಹೇಳಿದ್ದಾರೆ. ಆದರೂ ಅವರು ಹಣಕಾಸಿನ ಬಗ್ಗೆ ಯಾವುದೇ ವಿವರಗಳನ್ನು ನೀಡಲಿಲ್ಲ. ಆದರೆ ಹಣಕಾಸಿನ ವಿಚಾರವನ್ನು ಟ್ವಿಟ್ಟರ್ ತಿಳಿಸಿದೆ. ಟ್ವಿಟರ್ನ ಪ್ರತಿ ಷೇರಿಗೆ 54.20 ಡಾಲರ್ (₹4,124.81) ಕೊಡುವುದಾಗಿ ಎಲಾನ್ ಮಸ್ಕ್ ಷೇರುಪೇಟೆ ನಿಯಂತ್ರಣ ಮಂಡಳಿಗೆ ಸಲ್ಲಿಸಿರುವ ದಾಖಲೆ ಪತ್ರದಲ್ಲಿ ಉಲ್ಲೇಖಿಸಿರುವುದಾಗಿ ತಿಳಿದು ಬಂದಿದೆ. ಪ್ರಸ್ತುತ ಟ್ವಿಟರ್ನ ಪ್ರತಿ ಷೇರು 45.85 ಡಾಲರ್ಗಳಲ್ಲಿ (₹3,489.35) ವಹಿವಾಟು ನಡೆದಿದೆ.
ಎಲಾನ್ ಮಸ್ಕ್ ಎಂದು ಹೇಳಿದ್ದು ಏನು?
"ಮುಕ್ತ ಅಭಿವ್ಯಕ್ತಿಗೆ ಜಗತ್ತಿನ ಎಲ್ಲೆಡೆ ವೇದಿಕೆಯಾಗಬಲ್ಲ ಶಕ್ತಿ ಟ್ವಿಟರ್ಗೆ ಇದೆ ಎಂಬ ನಂಬಿಕೆಯಿಂದ ನಾನು ಟ್ವಿಟರ್ನಲ್ಲಿ ಹೂಡಿಕೆ ಮಾಡಿದ್ದೇನೆ. ಆದರೆ, ಟ್ವಿಟರ್ ಕಂಪನಿಯು ಈಗಿನ ಸ್ವರೂಪದಲ್ಲಿ ಈ ಉದ್ದೇಶವನ್ನು ಈಡೇರಿಸುವುದಿಲ್ಲ, ಬೆಳೆಯುವುದೂ ಇಲ್ಲ ಎಂಬುದು ನನಗೆ ಅರಿವಾಗಿದೆ. ಟ್ವಿಟರ್ಅನ್ನು ಖಾಸಗಿ ಕಂಪನಿಯನ್ನಾಗಿ ಪರಿವರ್ತಿಸಬೇಕು," ಎಂದು ಎಲಾನ್ ಮಸ್ಕ್ ಟ್ವೀಟ್ ಮಾಡಿದ್ದಾರೆ.
ಆದರೂ ನನ್ನ ಹೂಡಿಕೆಯನ್ನು ಮಾಡಿದ ನಂತರ ಕಂಪನಿಯು ಅಭಿವೃದ್ಧಿ ಹೊಂದುವುದಿಲ್ಲ. ಪ್ರಸ್ತುತ ರೂಪದಲ್ಲಿ ಈ ಸಾಮಾಜಿಕ ಅಗತ್ಯವನ್ನು ಪೂರೈಸುವುದಿಲ್ಲ ಎಂದು ನಾನು ಈಗ ಅರಿತುಕೊಂಡೆ ಎಂದು ಸಹ ಟೆಸ್ಲಾ ಮುಖ್ಯಸ್ಥ ಎಲಾನ್ ಮಸ್ಕ್ ಅರಿತುಕೊಂಡಿದ್ದಾಗಿ ತಿಳಿಸಿದ್ದಾರೆ.
Click it and Unblock the Notifications
Sign in with Google