50 ಉದ್ಯೋಗಿಗಳಿಗೆ 1,731 ಕೋಟಿ ಮೌಲ್ಯದ ಷೇರುಗಳನ್ನ ಗಿಫ್ಟ್ ನೀಡಿದ ಕಂಪನಿ ಮಾಲೀಕ
ನವದೆಹಲಿ, ಆಗಸ್ಟ್ 27: ನಿಕೋಲಾ ಮೋಟಾರ್ಸ್ನ ಸಂಸ್ಥಾಪಕ ಮತ್ತು ಅಧ್ಯಕ್ಷರಾದ ಟ್ರೆವರ್ ಮಿಲ್ಟನ್ ಅವರು ಎಲೆಕ್ಟ್ರಿಕ್ ಟ್ರಕ್ ಸ್ಟಾರ್ಟ್ಅಪ್ನ ಮೊದಲ 50 ಉದ್ಯೋಗಿಗಳಿಗೆ 6 ಮಿಲಿಯನ್ ಸ್ವಂತ ಷೇರುಗಳನ್ನು ನೀಡಿದ್ದಾರೆ.
ಫೀನಿಕ್ಸ್ ಮೂಲದ ಕಂಪನಿಯಲ್ಲಿ ಅವರು ಹಸ್ತಾಂತರಿಸುತ್ತಿರುವ ಷೇರುಗಳು, ಪ್ರಸ್ತುತ ಸುಮಾರು 233 ಮಿಲಿಯನ್ ಅಮೆರಿಕನ್ ಡಾಲರ್ ಮೌಲ್ಯದ್ದಾಗಿದೆ. ಅಂದರೆ ಭಾರತದ ರುಪಾಯಿಗಳಲ್ಲಿ ಸುಮಾರು 1,731 ಕೋಟಿ ಮೌಲ್ಯದ ಷೇರುಗಳನ್ನ ಗಿಫ್ಟ್ ನೀಡಿದ್ದಾರೆ.
ಕಂಪನಿಯು ತನ್ನ ಮೊದಲ ವಾಹನವನ್ನು ಇನ್ನೂ ಉತ್ಪಾದಿಸದಿದ್ದರೂ ಸಹ, ನಿಕೋಲಾ ಜೂನ್ ಆರಂಭದಲ್ಲಿ ರಿವರ್ಸ್ ವಿಲೀನದ ಮೂಲಕ ನಾಸ್ಡಾಕ್ನಲ್ಲಿ ವಹಿವಾಟು ಪ್ರಾರಂಭಿಸಿದಾಗಿನಿಂದ ಈ ಷೇರು ಮೌಲ್ಯ ಹೆಚ್ಚಾಗಿದೆ.
"ನಾವು ಎಂದಾದರೂ ಯಶಸ್ವಿಯಾಗುವ ಸಾಧ್ಯತೆಯು ಸದ್ಯಕ್ಕಿರಲಿಲ್ಲ ಆದರೆ, ಅದೃಷ್ಟವಶಾತ್ ಮೊದಲ ದಿನದಿಂದ ನನ್ನೊಂದಿಗೆ ಪ್ರಾರಂಭವಾದ ಅದ್ಭುತ ಉದ್ಯೋಗಿಗಳ ಗುಂಪನ್ನು ನಾನು ಕಂಡುಕೊಂಡೆ. " ಎಂದು ಟ್ರೆವರ್ ಮಿಲ್ಟನ್ ಹೇಳಿದ್ದಾರೆ.
I love our employees. They make Nikola great & are the key to our success. I'm making good on my promise when I hired the first +- 50 employees - giving 6,000,000 of my personal shares to them. You'll see a reduction in my holdings for this. They are not sold, but given.
— Trevor Milton (@nikolatrevor) August 26, 2020
ಪ್ರೌಢಶಾಲೆಗೆ ವಿದ್ಯಾಭ್ಯಾಸ ಅರ್ಧಕ್ಕೆ ನಿಲ್ಲಿಸಿದ ನಂತರ ಮಿಲ್ಟನ್, ಸಾಮಾನ್ಯ ಶೈಕ್ಷಣಿಕ ಅಭಿವೃದ್ಧಿ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿ ನಂತರ ತಮ್ಮದೇ ಆದ ಎಲೆಕ್ಟ್ರಿಕ್ ಟ್ರಕ್ ಸ್ಟಾರ್ಟ್ಅಪ್ನ್ನು ಪ್ರಾರಂಭಿಸಿದರು. ವಿಶ್ವದ 500 ಶ್ರೀಮಂತ ಜನರ ಶ್ರೇಯಾಂಕದ ಬ್ಲೂಮ್ಬರ್ಗ್ ಬಿಲಿಯನೇರ್ಸ್ ಸೂಚ್ಯಂಕದ ಪ್ರಕಾರ, 37 ವರ್ಷದ ಮಿಲ್ಟನ್ ಸಂಪತ್ತಿನ ಮೌಲ್ಯ 4.6 ಬಿಲಿಯನ್ ಆಗಿದೆ. ಷೇರು ವರ್ಗಾವಣೆ ಪೂರ್ಣಗೊಂಡ ನಂತರ ಆ ಅಂಕಿ ಅಂಶವು ಕುಸಿಯುತ್ತದೆ.
Click it and Unblock the Notifications
Sign in with Google