10 ಲಕ್ಷ ಮತ್ತು ಹೆಚ್ಚಿನ ಚಿನ್ನದ ಆಭರಣಗಳ ಖರೀದಿಗೆ ಕೆವೈಸಿ ಅನ್ವಯ
ನವದೆಹಲಿ, ಜನವರಿ 08: ಚಿನ್ನ , ಬೆಳ್ಳಿ ಅಥವಾ ಇನ್ನಾವುದೇ ಅಮೂಲ್ಯವಾದ ಲೋಹಗಳ ಖರೀದಿಗೆ ಯಾವುದೇ ಹೊಸ ಕೆವೈಸಿ ಬಹಿರಂಗಪಡಿಸುವಿಕೆಯನ್ನು ಕಡ್ಡಾಯಗೊಳಿಸಲಾಗಿಲ್ಲ ಮತ್ತು ಹೆಚ್ಚಿನ ವಹಿವಾಟುಗಳಿಗೆ ಮಾತ್ರ ಕೆವೈಸಿ ಅಗತ್ಯವಿರುತ್ತದೆ ಎಂದು ಹಣಕಾಸು ಸಚಿವಾಲಯದ ಮೂಲಗಳು ಶುಕ್ರವಾರ ತಿಳಿಸಿವೆ
2020 ರ ಡಿಸೆಂಬರ್ 28 ರ ಅಧಿಸೂಚನೆಯನ್ನು ಸ್ಪಷ್ಟಪಡಿಸಿದ ಸಚಿವಾಲಯ ಹೆಚ್ಚಿನ ಮೌಲ್ಯದ ನಗದು ವಹಿವಾಟುಗಳಿಗೆ ಮಾತ್ರ ಪ್ಯಾನ್ ಅಥವಾ ಬಯೋಮೆಟ್ರಿಕ್ ಐಡಿ ಆಧಾರ್ನಂತಹ ದಾಖಲೆಗಳನ್ನು ಸಲ್ಲಿಸುವ ಅಗತ್ಯವಿರುತ್ತದೆ ಎಂದು ತಿಳಿಸಿವೆ.
ಕಂದಾಯ ಇಲಾಖೆ ಕಳೆದ ಕೆಲವು ವರ್ಷಗಳಿಂದ ದೇಶದಲ್ಲಿ ಕೆವೈಸಿ ಇಲ್ಲದೆ ಆಭರಣಗಳು, ಬೆಳ್ಳಿಯ ಮತ್ತು ಅಮೂಲ್ಯ ರತ್ನಗಳು ಮತ್ತು 2 ಲಕ್ಷ ರೂ.ಗಿಂತ ಹೆಚ್ಚಿನ ಮೌಲ್ಯದ ಅಮೂಲ್ಯ ಲೋಹಗಳನ್ನು ಖರೀದಿಸಲು ಅನುಮತಿಸುವುದಿಲ್ಲ ಎಂದು ಹೇಳಿದೆ.
ಆದರೆ ಹೊಸ ಅಧಿಸೂಚನೆ ಪ್ರಕಾರ 10 ಲಕ್ಷ ಅಥವಾ ಅದಕ್ಕಿಂತ ಹೆಚ್ಚಿನ ಮೌಲ್ಯದ ನಗದು ವಹಿವಾಟಿನಲ್ಲಿ ಚಿನ್ನ, ಬೆಳ್ಳಿ, ಆಭರಣ ಅಥವಾ ಅಮೂಲ್ಯವಾದ ಲೋಹಗಳನ್ನು ಖರೀದಿಸಲು ಕೆವೈಸಿ ದಾಖಲೆ ಒದಗಿಸಬೇಕಿದೆ. ಇದು ಎಫ್ಎಟಿಎಫ್ (ಫೈನಾನ್ಷಿಯಲ್ ಆಕ್ಷನ್ ಟಾಸ್ಕ್ ಫೋರ್ಸ್) ನ ಅವಶ್ಯಕತೆಯಾಗಿದೆ. ಭಯೋತ್ಪಾದಕ ಧನಸಹಾಯ ಮತ್ತು ಮನಿ ಲಾಂಡರಿಂಗ್ನಲ್ಲಿ ಕಾನೂನುಬಾಹಿರ ಚಟುವಟಿಕೆಗಳನ್ನು ತಡೆಯುವ ಗುರಿಯನ್ನು ಹೊಂದಿದೆ.
Click it and Unblock the Notifications
Sign in with Google