• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಭಾರತದಲ್ಲಿ ಮತ್ತೊಂದು ಚೀನಾ ಸ್ಮಾರ್ಟ್ ಫೋನ್ 'ಬ್ಯಾನ್'

By Mahesh
|

ನವದೆಹಲಿ, ಡಿ.17: ಚೀನಾ ಮೂಲದ ಶಿಯೋಮಿ ರೆಡ್ಮಿ ಮೊಬೈಲ್ ಹ್ಯಾಂಡ್ ಸೆಟ್ ಮಾರಾಟ ನಿಷೇಧದ ನಂತರ ಒನ್ ಪ್ಲಸ್ ಒನ್ ಮೊಬೈಲ್ ಮಾರಾಟಕ್ಕೆ ಕುತ್ತುಂಟಾಗಿದೆ. ಗುರ್ ಗಾಂವ್ ಮೂಲದ ಮೈಕ್ರೋ ಮ್ಯಾಕ್ಸ್ ಸಂಸ್ಥೆ ಮನವಿ ಮೇರೆಗೆ ಶೆನ್ ಝೆನ್ ಕಂಪನಿಯ ಒನ್ ಪ್ಲಸ್ ಮಾರಾಟಕ್ಕೆ ನಿರ್ಬಂಧ ಹೇರಿ ಹೈಕೋರ್ಟ್ ಮಧ್ಯಂತರ ತಡೆಯಾಜ್ಞೆ ನೀಡಿದೆ.

ಡಿ.18ರಂದು ಮೈಕ್ರೋ ಮ್ಯಾಕ್ಸ್ ತನ್ನ ಹೊಚ್ಚ ಹೊಸ ಉತ್ಪನ್ನವಾದ ವೈಯು ಸೈನೊಜೆನ್(Cyanogen) ಫೋನ್ ಮಾರುಕಟ್ಟೆಗೆ ಬಿಡುತ್ತಿದೆ.ಈ ಸಂದರ್ಭದಲ್ಲಿ ಮಾರುಕಟ್ಟೆಯಲ್ಲಿ ಇದೇ ಸೈನೋಜೆನ್ ಒಸ್ ಹೊಂದಿರುವ ಚೀನಾ ಮೂಲದ ಶೆನ್ ಝೆನ್ ಒನ್ ಪ್ಲಸ್ ಟೆಕ್ನಾಲಜಿ ಕೊ. ಲಿ ಸಂಸ್ಥೆಯ ಮೊಬೈಲ್ ಫೋನ್ ಗಳಿದ್ದರೆ ನಮ್ಮ ಮೊಬೈಲ್ ಫೋನ್ ಗಳ ಮಾರಾಟಕ್ಕೆ ತೊಂದರೆಯಾಗುತ್ತದೆ ಎಂದು ಕಾರಣ ನೀಡಿ ಒನ್ ಪ್ಲಸ್ ಮಾರಾಟಕ್ಕೆ ಮಧ್ಯಂತರ ತಡೆ(Injunction) ನೀಡಬೇಕೆಂದು ಮೈಕ್ರೋಮ್ಯಾಕ್ಸ್ ಸಂಸ್ಥೆ ಮನವಿ ಸಲ್ಲಿಸಿತ್ತು. [ರೆಡ್ಮಿ ಸ್ಮಾರ್ಟ್ ಫೋನ್ ಮಾರಾಟಕ್ಕೆ ತಾತ್ಕಾಲಿಕ ಒಪ್ಪಿಗೆ]

ಮೈಕ್ರೋಮ್ಯಾಕ್ಸ್ ಮನವಿ ಪುರಸ್ಕರಿಸಿದ ಹೈಕೋರ್ಟ್ ಜಸ್ಟೀಸ್ ಮನಮೋಹನ್ ಸಿಂಗ್, ಒನ್ ಪ್ಲಸ್ ಸ್ಮಾರ್ಟ್ ಫೋನ್ ಮಾರ್ಕೆಟಿಂಗ್, ಮಾರಾಟ, ಶಿಪ್ಪಿಂಗ್ ಮಾಡುವುದನ್ನು ನಿಲ್ಲಿಸುವಂತೆ ಶೆನ್ ಝೆನ್ ಕಂಪನಿ ಹಾಗೂ ಅಮೆಜಾನ್ ಇಂಡಿಯಾ ಸಂಸ್ಥೆಗೆ ಆದೇಶಿಸಿದೆ. ಮಂಗಳವಾರ (ಡಿ.16) ದಿಂದ ಈ ಆದೇಶ ಜಾರಿಗೆ ಬರಲಿದೆ.

ಡಿ.2 ರಂದು ಇ ಕಾಮರ್ಸ್ ವೆಬ್ ಸೈಟ್ ಅಮೆಜಾನ್. ಕಾಂ ಮೂಲಕ ಭಾರತಕ್ಕೆ ಪ್ರವೇಶಿಸಿದ ಒನ್ ಪ್ಲಸ್ ಮೊಬೈಲ್ ಗಳು ಮಾರುಕಟ್ಟೆಯಲ್ಲಿ ಹೊಸ ಸಂಚಲನವನ್ನು ಸೃಷ್ಟಿಸಿತ್ತು. ರೆಡ್ಮಿ ಮೊಬೈಲ್ ಗಳಂತೆ ಆಹ್ವಾನದ ಮೇರೆಗೆ ಆನ್ ಲೈನ್ ಮೂಲಕ ಈ ಮೊಬೈಲ್ ಗಳು ಮಾರಾಟವಾಗುತ್ತಿದೆ.

ಅದರೆ, ಕಳೆದ ಫೆಬ್ರವರಿಯಲ್ಲಿ ಸೈಯೊಜನ್ ಸಂಸ್ಥೆ ಶೆನ್ ಝೆನ್ ಕಂಪನಿ ಜೊತೆ ತನ್ನ ಒಪ್ಪಂದವನ್ನು ಮುರಿದುಕೊಂಡು ಮೈಕ್ರೋಮ್ಯಾಕ್ಸ್ ಜೊತೆಗೂಡಿತ್ತು. ಆದರೆ, ಡಿ.2 ರ ಮಾರಾಟಕ್ಕೆ ತೊಂದರೆ ಬಾರದಂತೆ ಒನ್ ಪ್ಲಸ್ ನಿಗಾವಹಿಸಿತ್ತು. ಚೀನಾ ಹೊರತುಪಡೆಸಿ ಸೈಯೋಜನ್ ಸಂಸ್ಥೆ ಒದಗಿಸಿರುವ ಸಾಫ್ಟ್ ವೇರ್, ಟ್ರೇಡ್ ಮಾರ್ಕ್ ವಿಶ್ವದೆಲ್ಲೆಡೆ ಬಳಕೆ ಮಾಡಲು ನಾವು ಅನುಮತಿ ಪಡೆದುಕೊಂಡಿದ್ದೇವೆ ಎಂದು ಶೆನ್ ಝೆನ್ ಒನ್ ಪ್ಲಸ್ ಹೇಳಿತ್ತು. [ಪೇಟೆಂಟ್ ಪ್ರಾಬ್ಲಂ ಚೀನಾ ಮೊಬೈಲ್ ಸೇಲ್ ಬಂದ್!]

ರೆಡ್ಮಿ ಗೂ ಪ್ರಾಬ್ಲಂ: ಎರಿಕ್ಸನ್ ಸಂಸ್ಥೆ ತಂತ್ರಜ್ಞಾನ ಬಳಸುತ್ತಿರುವ ಶಿಯೋಮಿ ರೆಡ್ಮಿ ಮೊಬೈಲ್ ಗಳು ಪೇಟೆಂಟ್ ಕಾಯ್ದೆ ಉಲ್ಲಂಘಿಸಿದ ಆರೋಪ ಎದುರಿಸುತ್ತಿದೆ. ಈ ಪ್ರಕರಣ ಇತ್ಯರ್ಥವಾಗುವ ತನಕ ಶಿಯೋಮಿ ಮೊಬೈಲ್ ಮಾರಾಟಕ್ಕೆ ನಿರ್ಬಂಧ ವಿಧಿಸಿ ದೆಹಲಿ ಹೈಕೋರ್ಟ್ ಮಧ್ಯಂತರ ಆದೇಶ ಹೊರಡಿಸಿದೆ. ಈ ಹಿಂದೆ ಚೀನಾ ಮೂಲದ ಹ್ಯಾಂಡ್ ಸೆಟ್ ಬಳಸದಂತೆ ಭಾರತೀಯ ವಾಯುಸೇನೆ ಎಚ್ಚರಿಕೆ ನೀಡಿದ್ದನ್ನು ಇಲ್ಲಿ ಸ್ಮರಿಸಬಹುದು. ಭದ್ರತಾ ವೈಫಲ್ಯ, [ಚೀನಾ ಮೊಬೈಲ್ ಸಂಸ್ಥೆ ಹೇಳಿದ್ದೇನು?]

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Ahead of the launch of its YU Cyanogen phone in India on 18 December, Gurgaon-based consumer electronics manufacturer Micromax Informatics Ltd on Tuesday secured a temporary injunction from the Delhi high court against rival Chinese phone maker Shenzhen OnePlus Technology Co. Ltd.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more