ಕೇಂದ್ರದಿಂದ ತರಂಗಾಂತರ ಹಕ್ಕಿಗೆ ಮೂಲ ದರ ನಿಗದಿ

Updated: Wednesday, January 28, 2015, 20:02 [IST]

ನವದೆಹಲಿ,ಜ. 28: ಬಹು ನಿರೀಕ್ಷಿತ 3ಜಿ ಸ್ಪೆಕ್ಟ್ರಂ ತರಂಗಾಂತರ ಮರು ಹಂಚಿಕೆಗೆ ಕೇಂದ್ರ ಸರ್ಕಾರ ಮುಂದಾಗಿದ್ದು ಬುಧವಾರ ನಡೆದ ಕೇಂದ್ರ ಸಚಿವ ಸಂಪುಟ ಸಭೆ ಕನಿಷ್ಠ ಮೂಲ ದರವನ್ನು ನಿಗದಿ ಮಾಡಿದೆ.

ಟೆಲಿಕಾಂ ಸಚಿವಾಲಯ ಈ ಬಗ್ಗೆ ಅಧಿಕೃತ ಪ್ರಕಟಣೆ ಹೊರಡಿಸಿದ್ದು 3ಜಿ ಮೆಗಾಹರ್ಟ್ಜ್ ಒಂದಕ್ಕೆ 3,705 ಕೋಟಿ ರೂ. ದರ ನಿಗದಿ ಮಾಡಿದೆ. ಮಾರ್ಚ್ 4 ರಿಂದ ಹರಾಜು ಪ್ರಕ್ರಿಯೆ ಆರಂಭಗೊಳ್ಳಲಿದೆ. ಕಳೆದ 2010ರ ಹರಾಜು ಪ್ರಕ್ರಿಯೆ ಗೆ ಹೋಲಿಸಿದಲ್ಲಿ ಈ ಬಾರಿ ಮೌಲ್ಯ ಶೇ. 11 ರಷ್ಟು ಹೆಚ್ಚಾಗಿದೆ.[ತರಂಗಾಂತರ ಹಂಚಿಕೆ ನಂತರ ಮೊಬೈಲ್ ದರ ದುಪ್ಪಟ್ಟು?]

ಈ ಹಿಂದೆ ಹೇಳಿದಂತೆ ಹಂಚಿಕೆಯಲ್ಲಿ ಉಂಟಾಗುವ ದರ ಏರಿಳಿದತ ನೇರವಾಗಿ ಮೊಬೈಲ್ ಕರೆ ಮತ್ತು ಅಂತರ್ಜಾಲ ಬಳಕೆ ಮೇಲೆ ಪರಿಣಾಮ ಬೀರಲಿದೆ.

ಕೋಲ್ ಇಂಡಿಯಾ ಷೇರು ಮಾರಾಟಕ್ಕೆ ನಿರ್ಧಾರ
ಕೇಂದ್ರ ಸರ್ಕಾರ ಕೋಲ್ ಇಂಡಿಯಾದ ಶೇ.10 ಷೇರು ಮಾರಾಟಕ್ಕೂ ನಿರ್ಧಾರ ಮಾಡಿದೆ. ಈ ಮಾರಾಟದಿಂದ 24 ಸಾವಿರ ಕೋಟಿ ರೂ. ಆದಾಯ ನಿರೀಕ್ಷೆ ಮಾಡಲಾಗಿದೆ.

ಶುಕ್ರವಾರ ಸರ್ಕಾರ ತನ್ನ ಒಡೆತನದ ಕೋಲ್ ಇಂಡಿಯಾ ಷೇರುಗಳ ಪೈಕಿ ಶೇ.10 ನ್ನು ಮಾರಾಟ ಮಾಡಲಿದ್ದು ಇದು ಮುಂಬರುವ ಬಜೆಟ್ ಗೆ ಬಂಡವಾಳ ಕ್ರೋಢಿಕರಣ ಮಾಡುವ ಪ್ರಕ್ರಿಯೆ ಎಂದೇ ವಿಶ್ಲೇಷಿಸಲಾಗಿದೆ.