ಸತತ 5ನೇ ತಿಂಗಳು 8 ಕೈಗಾರಿಕಾ ವಲಯದ ಉತ್ಪಾದನೆ ಕುಸಿತ: ಜುಲೈನಲ್ಲಿ ಶೇ.9.6 ರಷ್ಟು ಇಳಿಕೆ

ನವದೆಹಲಿ, ಆಗಸ್ಟ್ 31: ಭಾರತದ ಎಂಟು ಪ್ರಮುಖ ಕೈಗಾರಿಕಾ ವಲಯದ ಉತ್ಪಾದನೆಯು ಸತತ ಐದನೇ ತಿಂಗಳು ಕುಸಿತ ಕಂಡಿದ್ದು, ಜುಲೈ ತಿಂಗಳಲ್ಲಿ ಶೇ.9.6 ರಷ್ಟು ಇಳಿಕೆ ದಾಖಲಾಗಿದೆ.

ಜುಲೈ ತಿಂಗಳಲ್ಲಿ 8 ಪ್ರಮುಖ ಮೂಲಸೌಕರ್ಯ ಕೈಗಾರಿಕೆ ವಲಯಗಳು ಒಟ್ಟಾರೆ ಸೂಚ್ಯಂಕ ಶೇ.119.9 ರಷ್ಟಿದ್ದು, 2019 ಕ್ಕೆ ಹೋಲಿಕೆ ಮಾಡಿದರೆ ಶೇ.9.6 ರಷ್ಟು ಕುಸಿದಿದೆ. 2020-21 ರ ಒಟ್ಟಾರೆ ಬೆಳವಣಿಗೆ ಶೇ.20.5 ರಷ್ಟಿತ್ತು ಎಂದು ಅಂಕಿ-ಅಂಶಗಳ ಮೂಲಕ ತಿಳಿದುಬಂದಿದೆ.

ಜುಲೈ 2019 ರಲ್ಲಿ ಎಂಟು ಪ್ರಮುಖ ವಲಯಗಳ ಉತ್ಪಾದನೆಯು ಶೇಕಡಾ 2.6 ರಷ್ಟು ವಿಸ್ತರಿಸಿದೆ ಎಂದು ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವಾಲಯ ಸೋಮವಾರ ಬಿಡುಗಡೆ ಮಾಡಿದ ಅಂಕಿ ಅಂಶಗಳು ತಿಳಿಸಿವೆ

ರಸಗೊಬ್ಬರವನ್ನು ಹೊರತುಪಡಿಸಿ, ಎಲ್ಲಾ ಏಳು ವಲಯಗಳು - ಕಲ್ಲಿದ್ದಲು, ಕಚ್ಚಾ ತೈಲ, ನೈಸರ್ಗಿಕ ಅನಿಲ, ಸಂಸ್ಕರಣಾಗಾರ ಉತ್ಪನ್ನಗಳು, ಉಕ್ಕು, ಸಿಮೆಂಟ್ ಮತ್ತು ವಿದ್ಯುತ್, ಜುಲೈನಲ್ಲಿ ನಕಾರಾತ್ಮಕ ಬೆಳವಣಿಗೆಯನ್ನು ದಾಖಲಿಸಿದೆ.

English summary

Contracting for fifth consecutive month the output of eight core infrastructure dropped by 9.6 percent in July