ಭಾರಿ ಮೊತ್ತದ ಸಾಲಗಾರರ ಹೆಸರು ಬಹಿರಂಗ ಪಡಿಸಿ : ಸುಪ್ರೀಂಕೋರ್ಟ್
ಸುಮಾರು 57 ಮಂದಿ ಸುಸ್ತಿದಾರರು 85 ಸಾವಿರ ಕೋಟಿ ರೂಪಾಯಿ ಬಾಕಿ ಇರಿಸಿಕೊಂಡಿರುವ ಮಾಹಿತಿಯುಳ್ಳ ಮುಚ್ಚಿದ ಲಕೋಟೆಯನ್ನು ಸುಪ್ರೀಂಕೋರ್ಟಿಗೆ ಭಾರತೀಯ ರಿಸರ್ವ್ ಬ್ಯಾಂಕ್ ಸಲ್ಲಿಸಿದೆ.
ನವದೆಹಲಿ, ಅಕ್ಟೋಬರ್ 25: ಸುಮಾರು 57 ಮಂದಿ ಸುಸ್ತಿದಾರರು 85 ಸಾವಿರ ಕೋಟಿ ರೂಪಾಯಿ ಬಾಕಿ ಇರಿಸಿಕೊಂಡಿರುವ ಮಾಹಿತಿಯುಳ್ಳ ಮುಚ್ಚಿದ ಲಕೋಟೆಯನ್ನು ಸುಪ್ರೀಂಕೋರ್ಟಿಗೆ ಭಾರತೀಯ ರಿಸರ್ವ್ ಬ್ಯಾಂಕ್ ಸಲ್ಲಿಸಿದೆ.
ಈ
ಪೈಕಿ
500
ಕೋಟಿ
ರೂಪಾಯಿಗಿಂತ
ಹೆಚ್ಚು
ಮೊತ್ತದ
ಸುಸ್ತಿ
ಬಾಕಿ
ಹೊಂದಿರುವವರ
ವ್ಯಕ್ತಿ
ಅಥವಾ
ಸಂಸ್ಥೆಗಳ
ಹೆಸರನ್ನು
ಏಕೆ
ಬಹಿರಂಗಗೊಳಿಸಬಾರದು
ಎಂದು
ಆರ್
ಬಿಐಗೆ
ಸುಪ್ರೀಂಕೋರ್ಟ್
ಮುಖ್ಯ
ನ್ಯಾಯಮೂರ್ತಿ
ಟಿಎಸ್
ಠಾಕೂರ್
ಪ್ರಶ್ನಿಸಿದ್ದಾರೆ.
ಫೆಬ್ರವರಿ 16ರಂದು ಸುಪ್ರೀಂಕೋರ್ಟ್ ನಿರ್ದೇಶನದಂತೆ ಆರ್ಬಿಐ ಈ ಪಟ್ಟಿ ಸಲ್ಲಿಸಿತ್ತು. ಮುಖ್ಯ ನ್ಯಾಯಮೂರ್ತಿ ಟಿ.ಎಸ್.ಠಾಕೂರ್ ಹಾಗೂ ನ್ಯಾಯಮೂರ್ತಿಗಳಾದ ಡಿ.ವೈ.ಚಂದ್ರಚೂಡ್ ಹಾಗೂ ಎಲ್.ಎನ್.ರಾವ್ ಅವರು ಸುದೀರ್ಘ ಚರ್ಚೆ ಬಳಿಕ 57 ಸಾಲಗಾರರ ಪಟ್ಟಿಯನ್ನು ಬಹಿರಂಗಪಡಿಸಿ, ಇವರು ಪಾವತಿಸಬೇಕಾಗಿರುವ ಸುಸ್ತಿಸಾಲ 85 ಸಾವಿರ ಕೋಟಿ ರು ಎಂದು ಪ್ರಕಟಿಸಿದ್ದಾರೆ. ಆದರೆ, ಸಾಲಗಾರರ ಹೆಸರು ಬಹಿರಂಗವಾಗಿಲ್ಲ.[62,250 ಕೋಟಿ ರು ಕಪ್ಪುಹಣ ಘೋಷಣೆ: ಅರುಣ್ ಜೇಟ್ಲಿ]
ಅರ್ಜಿದಾರ ಸ್ವಯಂಸೇವಾ ಸಂಸ್ಥೆಯ ವಕೀಲ ಪ್ರಶಾಂತ್ ಭೂಷಣ್ ಅವರು, ಈ ಹೆಸರುಗಳನ್ನು ಬಹಿರಂಗಪಡಿಸುವಂತೆ ಒತ್ತಾಯಿಸುತ್ತಲೇ ಇದ್ದಾರೆ. ಇದೇ ರೀತಿ ಆರ್ ಟಿಐ ಕಾರ್ಯಕರ್ತರು ಮನವಿ ಸಲ್ಲಿಸಿದರೆ, ದೇಶದ ಹಿತದೃಷ್ಟಿಯಿಂದ ಹೆಸರುಗಳನ್ನು ಬಹಿರಂಗಪಡಿಸಬೇಕಾಗುತ್ತದೆ ಎಂದು ಆರ್ ಬಿಐಗೆ ಸೂಚಿಸಲಾಗಿದೆ.
ಕನಿಷ್ಟ ಸುಸ್ತಿ ಮೊತ್ತವನ್ನು 500 ಕೋಟಿ ರುಗಳಿಗಿಂತ ಕಡಿಮೆ ಮಾಡಿದರೆ, ಸುಸ್ತಿ ಪ್ರಮಾಣ 1 ಲಕ್ಷ ಕೋಟಿಯನ್ನು ಮೀರಲಿದೆ. ಈ ಸುಸ್ತಿದಾರರ ಪಟ್ಟಿಯನ್ನು ಏಕೆ ಬಹಿರಂಗಪಡಿಸಬಾರದು? ಎಂದು ನ್ಯಾಯಪೀಠ, ಭಾರತೀಯ ರಿಸರ್ವ್ ಬ್ಯಾಂಕನ್ನು ಪ್ರಶ್ನಿಸಿದೆ. ಗೌಪ್ಯತೆಯ ಹಿನ್ನೆಲೆಯಲ್ಲಿ ಈ ಹೆಸರುಗಳನ್ನು ಬಹಿರಂಗಪಡಿಸಬಾರದು ಎನ್ನುವುದು ಆರ್ಬಿಐ ನಿಲುವಾಗಿದೆ.