74 ವರ್ಷದ ವ್ಯಕ್ತಿಯೊಬ್ಬರ ತಲೆ ಮೇಲೆ ಬೆಳೆದಿದ್ದ 'ಕೊಂಬಿಗೆ' ಆಪರೇಷನ್

ಭೋಪಾಲ್ (ಮಧ್ಯಪ್ರದೇಶ), ಸೆಪ್ಟೆಂಬರ್ 19: 74 ವರ್ಷದ ವ್ಯಕ್ತಿಯೊಬ್ಬರ ತಲೆಯ ಮೇಲೆ 'ಕೊಂಬಿನಂತೆ' ಆಗಿದ್ದ ಬೆಳವಣಿಗೆಯನ್ನು ಶಸ್ತ್ರಚಿಕಿತ್ಸೆ ಮಾಡಿ ತೆಗೆಯಲಾಗಿದೆ. ಮಧ್ಯಪ್ರದೇಶದ ಬುಂದೇಲ್ ಖಂಡ್ ನ ದೂರದ ಹಳ್ಳಿ ಪಾಟ್ನಾ- ಬುಜುರ್ಗ್ ನಿವಾಸಿ ಶಾಮ್ ಲಾಲ್ ಶಸ್ತ್ರಚಿಕಿತ್ಸೆಗೆ ಒಳಗಾದವರು. ಕೃಷಿಕ ಕುಟುಂಬಕ್ಕೆ ಸೇರಿದ ಅವರಿಗೆ ತಲೆ ಮಧ್ಯ ಭಾಗದಲ್ಲಿ ಕಳೆದ 5 ವರ್ಷದಿಂದ 4 ಇಂಚಿನ ಕೊಂಬಿನಂಥ ಬೆಳವಣಿಗೆ ಆಗುತ್ತಿತ್ತು.

ಐದು ವರ್ಷದ ಹಿಂದೆ ತಲೆಗೆ ಗಾಯವಾಗಿತ್ತು. ಆ ನಂತರ ತಲೆ ಮೇಲೆ ಕೊಂಬಿನಂತೆ ಬೆಳವಣಿಗೆ ಆಗಲು ಆರಂಭವಾಯಿತು. ಅದಾದ ಮೇಲೆ ಸಮಯ ಕಳೆದ ಮೇಲೆ ದೊಡ್ಡದಾಗುತ್ತಾ ಬಂದಿದೆ ಎಂದು ಕಳೆದ ವಾರ ಸಾಗರ್ ನ ಭಾಗ್ಯೋದಯ ತೀರ್ಥ ಆಸ್ಪತ್ರೆ ವೈದ್ಯರು ಹೇಳಿದ್ದಾರೆ. ಸೆಪ್ಟೆಂಬರ್ ಹದಿಮೂರನೇ ತಾರೀಕು ಶಸ್ತ್ರಚಿಕಿತ್ಸೆ ಮಾಡಲಾಗಿದೆ.

ಆರಂಭದಲ್ಲಿ ಅದು ಹೊರೆಯಂತೆ ಅನಿಸತೊಡಗಿದೆ. ಅಗಾಗ ಬ್ಲೇಡ್ ನಿಂದ ಅದನ್ನು ಕತ್ತರಿಸುತ್ತಿದ್ದರಂತೆ. ಮತ್ತೆ ಬೆಳೆಯುತ್ತಿತ್ತಂತೆ. ಹೀಗೆ ಆಗುತ್ತಿದ್ದಂತೆ ಆಸ್ಪತ್ರೆಯಿಂದ ಆಸ್ಪತ್ರೆಗೆ, ವೈದ್ಯರಿಂದ ವೈದ್ಯರ ಬಳಿಗೆ ಎಡತಾಕಿದ್ದಾರೆ. ಕೊನೆಗೆ ಸಾಗರ್ ನಲ್ಲಿರುವ ಆಸ್ಪತ್ರೆಗೆ ಭೇಟಿ ನೀಡುವಂತೆ ಸಲಹೆ ಬಂದ ಮೇಲೆ ಈ ಆಸ್ಪತ್ರೆಗೆ ಬಂದು, ಶಸ್ತ್ರಚಿಕಿತ್ಸೆ ಮಾಡಿಸಿಕೊಂಡಿದ್ದಾರೆ.

ಆಸ್ಪತ್ರೆಯ ವೈದ್ಯರು ನೀಡಿದ ಮಾಹಿತಿ ಪ್ರಕಾರ, ಕೊಂಬಿನಂಥ ಬೆಳವಣಿಗೆ ತಲೆಯ ಸೆಬಾಸಿಯಸ್ ಗ್ರಂಥಿ ಮೇಲೆ ಆಗುತ್ತಿತ್ತು. ಸೂರ್ಯನಿಗೆ ತೆರೆದುಕೊಂಡಿರುವ ತಲೆಯ ಮೇಲಿನ ಚರ್ಮದ ಮೇಲೆ ಇಂಥ ಬೆಳವಣಿಗೆ ಆಗುತ್ತದೆ. ಇದನ್ನು ಸೆಬಾಸಿಯಸ್ ಹಾರ್ನ್ ಎಂದು ಕರೆಯಲಾಗುತ್ತದೆ. ಆದರೆ ಶ್ಯಾಮ್ ಲಾಲ್ ಪ್ರಕರಣದಲ್ಲಿ ಆ 'ಕೊಂಬು' ತೀರಾ ಉದ್ದವಿತ್ತು.

WHAT THE...?
A man in India recently had a horn-like growth removed from his head after the pain became unbearable.

A barber made several attempts to trim it.

"We want to put a battery-powered light bulb on top"

The 74-year-old reportedly injured his head about five years ago. pic.twitter.com/mxdO2C8bOl

— Jeff Simmons (I-TX) (@JeffSimmons6) September 17, 2019

ಸೆಬಾಸಿಯಸ್ ಹಾರ್ನ್ ಇಷ್ಟು ದೊಡ್ಡ ಪ್ರಮಾಣದಲ್ಲಿ ಬೆಳೆದಿದ್ದನ್ನು ಈ ವರೆಗೆ ಕೇಳಿರಲಿಲ್ಲ ಎನ್ನುತ್ತಾರೆ ವೈದ್ಯರು. ಇದೀಗ ಶ್ಯಾಮ್ ಲಾಲ್ ಅವರಿಗೆ ಶಸ್ತ್ರಚಿಕಿತ್ಸೆ ಮಾಡಿ, 'ಕೊಂಬು' ತೆಗೆದುಹಾಕಿ, ಪ್ಲಾಸ್ಟಿಕ್ ಸರ್ಜರಿ ಮಾಡಲಾಗಿದೆ.

English summary

Shyamlal, 74 year old man undergone surgery to remove horn like growth on head in Madhya Pradesh.