ನಾರದ ಜಯಂತಿ ಪ್ರಯುಕ್ತ ಪತ್ರಕರ್ತರಿಗಾಗಿ ಮಾಧ್ಯಮ ಪುರಸ್ಕಾರ

ಬೆಂಗಳೂರು, ಜೂ.09: ರಾಜ್ಯದ ಮಾಧ್ಯಮ ಸಂವಹನ ಸಂಸ್ಥೆಗಳಲ್ಲೊಂದಾದ 'ವಿಶ್ವ ಸಂವಾದ ಕೇಂದ್ರ, ಕರ್ನಾಟಕ'ವು ಮುಂಬರುವ ಜುಲೈ 5 ರಂದು 'ನಾರದ ಜಯಂತಿ'ಯನ್ನು ಆಚರಿಸಲಿದೆ. ಈ ಸಂದರ್ಭದಲ್ಲಿ 2014-15ರ ಸಾಲಿನಲ್ಲಿ ನಾಡಿನ ಪತ್ರಿಕೋದ್ಯಮ ಕ್ಷೇತ್ರದಲ್ಲಿ ವಿಶಿಷ್ಟ ಸಾಧನೆ ತೋರಿರುವ ಪತ್ರಕರ್ತರಿಗಾಗಿ ಮಾಧ್ಯಮ ಪುರಸ್ಕಾರವನ್ನು 2 ವಿಭಾಗಗಳಲ್ಲಿ ಆಯೋಜಿಸಲಾಗಿದೆ.

1. 2014-15ರ ಸಾಲಿನಲ್ಲಿ ಸಾಮಾಜಿಕ ಪ್ರಭಾವ ಬೀರಿದ ಅತ್ಯುತ್ತಮ ಅತ್ಯುತ್ತಮ ವರದಿ (ಒಬ್ಬರಿಗೆ)
2. ಸಾಮಾಜಿಕ ಜಾಲತಾಣ ಮಾಧ್ಯಮ ಅಥವಾ ನಾಗರಿಕ ಪತ್ರಿಕೋದ್ಯಮದ ಮೂಲಕ ಸಾಮಾಜಿಕ ಪ್ರಭಾವ ಬೀರಿದ ಅತ್ಯುತ್ತಮ ವರದಿ/ಪೋಸ್ಟ್ (ಒಬ್ಬರಿಗೆ)

ನಾಡಿನ ಹೆಸರಾಂತ ಪತ್ರಿಕಾಕರ್ಮಿಗಳಾದ ತಿ.ತಾ. ಶರ್ಮ, ಬೆ.ಸು.ನಾ. ಮಲ್ಯರ ಹೆಸರಿನಲ್ಲಿ ಪ್ರಶಸ್ತಿಗಳನ್ನು ನೀಡಲಾಗುವುದು. ಪ್ರಶಸ್ತಿಯು ನಗದು ಹಣ, ಪ್ರಶಸ್ತಿ ಫಲಕಗಳನ್ನೊಳಗೊಂಡಿರುತ್ತದೆ. ಕರ್ನಾಟಕದ ಪತ್ರಿಕೋದ್ಯಮದಲ್ಲಿ ಕಳೆದ ಒಂದು ವರ್ಷದಲ್ಲಿ ಮೇಲೆ ಉಲ್ಲೇಖಿಸಿದ 2 ವಿಭಾಗಗಳಲ್ಲಿ ಉತ್ತಮ ಸಾಧನೆ ತೋರಿದ ಪತ್ರಕರ್ತರ ಹೆಸರನ್ನು ಸೂಚಿಸಲು ಈ ಮೂಲಕ ಕೋರಲಾಗಿದೆ.

ಹಿರಿಯ-ಅನುಭವೀ ಪತ್ರಕರ್ತರ ಆಯ್ಕೆ ಸಮಿತಿಯೊಂದರ ಮೂಲಕ ಹೆಸರುಗಳನ್ನು ಅಂತಿಮಗೊಳಿಸಿ, ವ್ಯಕ್ತಿಗಳನ್ನು ಪ್ರಶಸ್ತಿಗೆ ಆಯ್ಕೆ ಮಾಡಲಾಗುವುದು. ಜೂನ್ 25 ರ ಮುಂಚಿತವಾಗಿ ಹೆಸರುಗಳನ್ನು ಈ ಕೆಳಗಿನ ವಿಳಾಸಕ್ಕೆ ಕಳುಹಿಸಿಕೊಡಲು ಕೋರಲಾಗಿದೆ.

ಸಂಯೋಜಕರು,
ರಾಜೇಶ್ ಪದ್ಮಾರ್
ವಿಶ್ವ ಸಂವಾದ ಕೇಂದ್ರ, ಕರ್ನಾಟಕ
# 106, 5ನೇ ಮುಖ್ಯರಸ್ತೆ,
ಚಾಮರಾಜಪೇಟೆ,
ಬೆಂಗಳೂರು - 560 018
ದೂ: 9880621824
[email protected]
[email protected]

ಜುಲೈ 5 ರಂದು ಬೆಂಗಳೂರಿನ ಮಿಥಿಕ್ ಸೊಸೈಟಿಯ ಸಭಾಂಗಣದಲ್ಲಿ ಜರುಗಲಿರುವ ಸಮಾರಂಭದಲ್ಲಿ ಪ್ರಶಸ್ತಿಗಳನ್ನು ಪ್ರದಾನ ಮಾಡಲಾಗುವುದು. (ಒನ್ ಇಂಡಿಯಾ ಸುದ್ದಿ)

English summary

Vishwa Samvad Kendra, Karnataka has invited applications from journalists in various field for the Media Award to be presented on the occasion of Narada Jayanti to be held on July.5.