• search
ಬೆಂಗಳೂರು ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ಬೆಂಗಳೂರು : ಎಟಿಎಂ ವ್ಯಾನ್‌ನಲ್ಲಿದ್ದ 50 ಲಕ್ಷ ನಾಪತ್ತೆ

|

ಬೆಂಗಳೂರು, ಅಕ್ಟೋಬರ್ 21 : ಎಟಿಎಂಗೆ ಹಣ ತುಂಬಲು ಬಂದ ವ್ಯಕ್ತಿಯೇ 50 ಲಕ್ಷ ಹಣದೊಂದಿಗೆ ಪರಾರಿಯಾಗಿರುವ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ. ಹಲಸೂರು ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು, ತನಿಖೆ ನಡೆಸುತ್ತಿದ್ದಾರೆ.

ಬುಧವಾರ ಮಧ್ಯಾಹ್ನ ಎಂ.ಜಿ.ರಸ್ತೆಯಲ್ಲಿ ಈ ಘಟನೆ ನಡೆದಿದೆ. ಇಂಡಸ್ ಇಂಡ್ ಬ್ಯಾಂಕ್‌ ಎಟಿಎಂಗೆ ಹಣ ತುಂಬಲು ಬಂದಿದ್ದ ಮಹೇಶ್ ಎಂಬ ಯುವಕ ಭದ್ರತಾ ಸಿಬ್ಬಂದಿ ಮತ್ತು ವಾಹನ ಚಾಲಕನಿಗೆ ತಿಳಿಯದಂತೆ 50 ಲಕ್ಷ ಹಣದೊಂದಿಗೆ ಪರಾರಿಯಾಗಿದ್ದಾನೆ. [ಮಂಗಳೂರು : ಎಟಿಎಂನಿಂದ ಹಣ ನಾಪತ್ತೆ]

mg road

ಘಟನೆ ನಡೆದದ್ದು ಹೇಗೆ? : ಪ್ರಿಂಗ್ಸ್ ಎಂಬ ಕಂಪನಿಗೆ ಇಂಡಸ್ ಇಂಡ್ ಬ್ಯಾಂಕ್‌ ಎಟಿಎಂಗೆ ಹಣ ತುಂಬುವ ಗುತ್ತಿಗೆ ನೀಡಲಾಗಿತ್ತು. ಬುಧವಾರ ಮಧ್ಯಾಹ್ನ ಕಂಪನಿಯ ಸಿಬ್ಬಂದಿ ವ್ಯಾನ್ ಚಾಲಕ ಪ್ರಭು, ಭದ್ರತಾ ಸಿಬ್ಬಂದಿ ಮುತ್ತಣ್ಣ ಮತ್ತು ಮಹೇಶ್ ಎಂ.ಜಿ.ರಸ್ತೆಯಲ್ಲಿರುವ ಎಟಿಎಂಗೆ ಹಣ ತುಂಬಿಸಲು ಆಗಮಿಸಿದ್ದರು. [ಬೆಂಗಳೂರು : ಎಟಿಎಂ ಹಣದ ವಾಹನ ಅಪಹರಣ]

ಟಾಟಾ ಸುಮೋದಲ್ಲಿ ತಂದಿದ್ದ 1 ಕೋಟಿ ಹಣದ ಪೈಕಿ ಒಂದು ಬಾಕ್ಸ್ ಅನ್ನು ಹಿಡಿದುಕೊಂಡು ಪ್ರಭು ಮತ್ತು ಮುತ್ತಣ್ಣ ಎಟಿಎಂಗೆ ಹಣ ತುಂಬಿಸಲು ಹೊರಟಿದ್ದಾರೆ. ಆಗ ಮಹೇಶ್ ಶೌಚಾಲಯಕ್ಕೆ ಹೋಗಿ ಬರುವೆ ಎಂದು ಹೇಳಿ ವ್ಯಾನ್ ಬಳಿಯೇ ಉಳಿದಿದ್ದಾನೆ. ಇಬ್ಬರು ಎಟಿಎಂ ವೊಳಗೆ ಹೋಗುತ್ತಿದ್ದಂತೆ ಮಹೇಶ್ ವ್ಯಾನ್‌ನಲ್ಲಿದ್ದ ಇನ್ನೊಂದು ಬಾಕ್ಸ್‌ನಲ್ಲಿದ್ದ 50 ಲಕ್ಷ ಹಣವನ್ನು ತೆಗೆದುಕೊಂಡು ಪರಾರಿಯಾಗಿದ್ದಾನೆ. [ಮಿತಿ ಮೀರಿದ ಎಟಿಎಂ ಬಳಕೆ ಕೈ ಕಚ್ಚಲಿದೆ]

ಕೆಲವು ಸಮಯ ಕಳೆದರೂ ಮಹೇಶ್ ಬಾರದಿದ್ದರಿಂದ ಅನುಮಾನಗೊಂಡ ಪ್ರಭು ಮತ್ತು ಮುತ್ತಣ್ಣ ಮಹೇಶ್ ಮೊಬೈಲ್‌ಗೆ ಕರೆ ಮಾಡಿದ್ದಾರೆ. ಆಗ ಮೊಬೈಲ್ ಸ್ವಿಚ್ ಆಫ್ ಆಗಿತ್ತು. ಅನುಮಾನಗೊಂಡ ಅವರು ವಾಹನವನ್ನು ಪರಿಶೀಲಿಸಿದಾಗ 50 ಲಕ್ಷ ಹಣ ನಾಪತ್ತೆಯಾಗಿರುವುದು ತಿಳಿದುಬಂದಿದೆ. ತಕ್ಷಣ ಅವರು ಈ ಕುರಿತು ಹಲಸೂರು ಠಾಣೆ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ಇನ್ನಷ್ಟು ಬೆಂಗಳೂರು ಸುದ್ದಿಗಳುView All

English summary
At least Rs 50 lakh were stolen from Indus ind bank ATM cash van in M.G.Road Bengaluru on Wednesday, October 21, 2015.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more