B Khata: ಪ್ರಾಪರ್ಟಿದಾರರೇ ಗಮನಿಸಿ ಬಿ -ಖಾತಾ ಶಾಶ್ವತ ಪರಿಹಾರವಲ್ಲ, ಯಾಕೆ ?
B Khata: ರಾಜ್ಯ ಸರ್ಕಾರವು ಬೆಂಗಳೂರು ಸೇರಿದಂತೆ ರಾಜ್ಯದಾದ್ಯಂತ ಅನಧಿಕೃತ ಹಾಗೂ ರೆವಿನ್ಯೂ ಆಸ್ತಿಗಳಿಗೆ ಒಂದು ಬಾರಿಗೆ ಬಿ -ಖಾತಾ ಮಾಡಿಸಿಕೊಳ್ಳುವುದಕ್ಕೆ ಅವಕಾಶ ಮಾಡಿಕೊಟ್ಟಿದೆ. ಇನ್ನು ಮುಂದಿನ ಮೂರು ತಿಂಗಳ ಅವಧಿಯಲ್ಲಿ ಎಲ್ಲಾ ಅನಧಿಕೃತ ಬಡಾವಣೆಗಳ ಆಸ್ತಿದಾರರು ದುಪ್ಪಟ್ಟು ತೆರಿಗೆಯನ್ನು ಪಾವತಿ ಮಾಡುವ ಮೂಲಕ ಬಿ - ಖಾತಾ ಮಾಡಿಸಿಕೊಳ್ಳಬಹುದಾಗಿದೆ. ಆದರೆ, ಈ ರೀತಿ ಬಿ - ಖಾತಾ ಮಾಡಿಸಿಕೊಂಡು ಬಿಟ್ಟರೆ ಎಲ್ಲಾ ಸಮಸ್ಯೆ ಪರಿಹಾರವಾಗಿ ಬಿಡುತ್ತದೆ ಎಂದು ಅನಧಿಕೃತ ಬಡಾವಣೆದಾರರು ಅಂದುಕೊಂಡಿದ್ದರೆ ತಪ್ಪು. ಸರ್ಕಾರದ ದಾಖಲೆಗಳ ಪ್ರಕಾರ ಅಥವಾ ಅಧಿಕೃತವಾಗಿ ಬಿ - ಖಾತಾ ಎನ್ನುವುದು ಸರ್ಕಾರದ ಪ್ರಕಾರ ಅಧಿಕೃತವಲ್ಲ. ಅಲ್ಲದೆ ಈ ರೀತಿಯ ಖಾತಾಗಳನ್ನು ಎ -ಖಾತಾಗೆ ವರ್ಗಾವಣೆ ಮಾಡುವುದಕ್ಕೆ ಬರುವುದೇ ಇಲ್ಲ.
ಹೌದು, ರಾಜ್ಯ ಸರ್ಕಾರವು ಇದೀಗ ಅನಧಿಕೃತ ಆಸ್ತಿಗಳಿಗೆ ರಾಜ್ಯದಾದ್ಯಂತ ಬಿ - ಖಾತಾ ನೀಡುವುದಾಗಿ ಹೇಳಿದೆಯಾದರೂ. ಇದು ಶಾಶ್ವತ ಪರಿಹಾರವಲ್ಲ. ಅಲ್ಲದೆ ಈ ರೀತಿ ಬಿ - ಖಾತಾ ಹೊಂದಿರುವವರಿಗೆ ಸರ್ಕಾರದಿಂದ ಹಲವು ಸೌಲಭ್ಯಗಳು ಸಿಗುವುದಿಲ್ಲ. ಬ್ಯಾಂಕ್ ಸಾಲ ಸೇರಿದಂತೆ ಹಲವು ಸೌಲಭ್ಯಗಳು ಸಿಗುವುದಿಲ್ಲ. ಇದೀಗ ರಾಜ್ಯದಲ್ಲಿ ಆಸ್ತಿಗಳಿಗೆ ಇ ಖಾತಾ ನೀಡುವಾಗ ಬಿ -ಖಾತಾ ಗೊಂದಲ ಸರ್ಕಾರದ ಗಮನಕ್ಕೆ ಬಂದಿದ್ದು. ಸಮಸ್ಯೆಯನ್ನು ಬಗೆಹರಿಸುವ ಉದ್ದೇಶದಿಂದ ಬಿ - ಖಾತಾ ನೀಡಲು ನಿರ್ಧರಿಸಿದೆ.
ಬಿ -ಖಾತಾ ಎನ್ನುವುದು ಶಾಶ್ವತ ಪರಿಹಾರವಲ್ಲ. ಅನಧಿಕೃತ ಬಡಾವಣೆಯಲ್ಲಿ ನಿವೇಶನ / ಜಾಗ ಖರೀದಿ ಮಾಡಿದ್ದರೆ ಸಣ್ಣ ರಿಲೀಫ್ ಮಾತ್ರ ಅಂತಲೇ ಹೇಳಲಾಗುತ್ತದೆ. ಬಿ ಖಾತೆ ಇದ್ದರೂ ಅದು ಕಾನೂನು ಪ್ರಕಾರ ಅಥವಾ ಕಾನೂನಿನ ಮಾನ್ಯತೆ ಈ ಆಸ್ತಿಗಳಿಗೆ ಸಿಗುವುದಿಲ್ಲ! ಆಸ್ತಿಗೆ ಸಂಬಂಧಿಸಿದ ಸೇವೆ ಪಡೆಯಲು ತಾತ್ಕಾಲಿಕ ದಾಖಲೆ ಅಂತಷ್ಟೇ ಇದನ್ನು ಪರಿಗಣಿಸಲಾಗುತ್ತದೆ. ಇನ್ನು ಮುಖ್ಯವಾಗಿ ಮಾಲೀಕತ್ವದ ದಾಖಲೆಗಳು ಇದ್ದರೆ ಕೂಡ ಅಕ್ರಮ ಆಸ್ತಿ ಅಂತಲೇ ಪರಿಗಣಿಸಲಾಗುತ್ತದೆ.
ಬಿ ಖಾತಾಗೆ ಎಲ್ಲಾ ಸೌಲಭ್ಯ ಸಿಗಲ್ಲ
* ಬಿ ಖಾತಾ ಇರುವವರಿಗೆ ಹಲವು ಸೌಲಭ್ಯ ಸಿಗುವುದಿಲ್ಲ.
* ಎಲ್ಲಾ ಬ್ಯಾಂಕ್ಗಳು ಸಹ ಇದಕ್ಕೆ ಸಾಲ ಕೊಡಲ್ಲ.
* ಕೆಲವೇ ಹಣಕಾಸು ಸಂಸ್ಥೆಗಳು ಬಿ ಖಾತೆಯನ್ನು ಪರಿಗಣಿಸುತ್ತೆ.
* ತೆರಿಗೆ ಪಾವತಿಸಿ ಕೆಲವೇ ಕೆಲವು ಸೌಲಭ್ಯ ಸಿಗುತ್ತೆ. ಎ - ಖಾತಾ ಮಾದರಿ ಸೇವೆ ಇರಲ್ಲ.
* ಆಸ್ತಿ ಮಾರಾಟ ಅಥವಾ ಖರೀದಿ ಸಮಯದಲ್ಲಿ ಸಮಸ್ಯೆ.
* ಸರ್ಕಾರ ಹೊಸ ನಿಯಮ ಉದಾ: ಇ- ಖಾತಾ ಮಾದರಿ ಜಾರಿ ಮಾಡಿದಾಗ ಸಮಸ್ಯೆ.
ಸರ್ಕಾರದ ನಿಯಮಗಳೇನು: ಇನ್ನು ಈ ವಿಚಾರದಲ್ಲಿ ಹಲವು ನಿಯಮಗಳಿವೆ. ರೆವಿನ್ಯೂ ನಿವೇಶನದಾರರು ಆಸ್ತಿ ಅಥವಾ ಜಾಗದ ಖರೀದಿ ಪತ್ರವನ್ನು ಪಡೆದುಕೊಂಡಿರಬೇಕು. ಅಲ್ಲದೆ ನೋಂದಣಿ ಇಲಾಖೆಯಲ್ಲಿ ನೋಂದಣಿ ಆಗಿರಬೇಕು. ಈಗಾಗಲೇ ಈ ಸಂಬಂಧ ಸರ್ಕಾರ ಬಿ - ಖಾತಾ ಬಗ್ಗೆ ಸ್ಪಷ್ಟನೆ ಕೊಟ್ಟಿದ್ದು. ಈ ತೀರ್ಮಾನ ಒಮ್ಮೆ ಮಾತ್ರ ಅನ್ವಯ ಆಗಲಿದೆ. ಕಟ್ ಆಫ್ ದಿನಾಂಕ ಹಾಗೂ ಬಿ ಖಾತೆ ಪಡೆದುಕೊಳ್ಳುವ ವಿಧಾನದ ಬಗ್ಗೆ ಸರ್ಕಾರ ಇನ್ನಷ್ಟು ಮಾರ್ಗಸೂಚಿ ಬಿಡುಗಡೆ ಮಾಡುವ ಸಾಧ್ಯತೆ ಇದೆ.
Click it and Unblock the Notifications
Sign in with Google