ಬೆಂಗಳೂರಲ್ಲಿ ಕೇಬಲ್ ಕಾರ್ ಇನ್ನೂ ತಡ: ಅನುಮೋದನೆ ಕೊಡ್ತಿಲ್ಲ ಬಿಬಿಎಂಪಿ
ಬೆಂಗಳೂರು, ಜು.13: ಬೆಂಗಳೂರಲ್ಲಿ ಸಂಚಾರ ದಟ್ಟಣೆ ವಿಪರೀತವಾಗಿದೆ, ರಸ್ತೆ ಗುಂಡಿಗಳಿಂದ ಜನರು ಬೇಸತ್ತಿದ್ದಾರೆ. ಇದೆಲ್ಲಕ್ಕೂ ಬ್ರೇಕ್ ಹಾಕಲು ಪಾಡ್ ಟ್ಯಾಕ್ಸಿ(ಕೇಬಲ್ ಕಾರ್) ಯೋಜನೆ ಜಾರಿಗೆ ಬಿಬಿಎಂಪಿ ಮುಂದಾಗಿತ್ತು.
ಆದರೆ ಯಾಕೋ ಇದರ ಬಗ್ಗೆ ಆಕ್ತಿಯನ್ನು ಬಿಬಿಎಂಪಿ ಕಳೆದುಕೊಂಡಂತಿದೆ. ಪಾಡ್ ಟ್ಯಾಕ್ಸಿ ಯೋಜನೆಯನ್ನು ಖಾಸಗಿ, ಸಾರ್ವಜನಿಕ ಸಹಭಾಗಿತ್ವದಲ್ಲಿ ಜಾರಿಗೊಳಿಸಲಾಗುತ್ತದೆ. ಜಂಟಿಯಾಗಿ ಗುತ್ತಿಗೆ ಪಡೆದಿರುವ ಸ್ಮಾರ್ಟ್ ಪರ್ಸನಲ್ ರಾಪಿಡ್ ಟ್ರಾನ್ಸಿಸ್ಟ್ ಸಿಸ್ಟಂ ಪ್ರೈ.ಲಿ. ಅಲ್ಟಾ ಪಿಆರ್ಟಿ ಲಿ, ಎಂಬೆಸ್ಸಿ ಪ್ರಾಪರ್ಟಿ ಡೆವಲಪ್ಮೆಂಟ್ಸ್ ಪ್ರೈ.ಲಿ. ಸಂಸ್ಥೆಗಳಿಗೆ ಕಾರ್ಯಾದೇಶ ನೀಡಲು ಸಿದ್ಧತೆ ನಡೆಸಲಾಗಿದೆ.
ಮಾಜಿ ಸಚಿವ ಕೆ.ಜೆ.ಜಾರ್ಜ್ ಪಾಲುದಾರಿಕೆಯ ಎಂಬೆಸ್ಸಿ ಸಂಸ್ಥೆಗೆ ಗುತ್ತಿಗೆ ನೀಡುತ್ತಿರುವ ಬಗ್ಗೆ ವಿವಾದ ಉಂಟಾಗಿತ್ತು. ಆದರೆ ಇದಕ್ಕೆ ಅಧಿಕಾರಿಗಳು ತಲೆಕೆಡಿಸಿಕೊಂಡಿರಲಿಲ್ಲ. ಎಂಬೆಸ್ಸಿ ಸಂಸ್ಥೆಗೆ ಗುತ್ತಿಗೆ ನೀಡುವ ವಿವಾದ ಮತ್ತೆ ಆರಂಭವಾಗಿರುವುದರಿಂದ ಕೌನ್ಸಿಲ್ ಸಭೆಯಲ್ಲಿ ಅನುಮೋದನೆ ಪಡೆಯಲು ಹಿಂದೇಟು ಹಾಕಲಾಗುತ್ತಿದೆ ಎಂಬ ಮಾತುಗಳು ಕೇಳಿಬರುತ್ತಿವೆ.
ಆರಂಭದಲ್ಲಿ ಹಳೆ ವಿಮಾನ ನಿಲ್ದಾಣ ರಸ್ತೆಯ ಟ್ರಿನಿಟಿ ವೃತ್ತದಿಂದ ವೈಟ್ಫೀಲ್ಡ್ವರೆಗೆ ಹಾಗ ಹೊರವರ್ತುಲ ರಸ್ತೆಯಿಂದ ಹೋಮ್ ಫಾರ್ಮ್ ಜಂಕ್ಷನ್ವರೆಗೆ ಒಟ್ಟು 30 ಕಿ.ಮೀ ಉದ್ದದ ಪಾಡ್ ಟ್ಯಾಕ್ಸಿ ಯೋಜನೆ ಜಾರಿಗೊಳಿಸಲಾಗುತ್ತಿದೆ.
ಮೆಟ್ರೋ ಫೀಡರ್ ಸೇವೆಯನ್ನಾಗಿ ಪಾಡ್ ಟ್ಯಾಕ್ಸಿ ಜಾರಿಗೆ ತರಲಾಗುತ್ತದೆ.
Click it and Unblock the Notifications
Sign in with Google