ಟೆರೆಸ್ ಮೇಲೆ ನಿಂತು ಕೈ ಬೀಸಿ ಮೆಟ್ರೊ ರೈಲು ಸ್ವಾಗತಿಸಿದ ಜನ
ನಮ್ಮ ಮೆಟ್ರೋ ದ ಹಸಿರು ಮಾರ್ಗ ಉದ್ಘಾಟನೆ ವೇಳೆ, ಈ ಮಾರ್ಗದಲ್ಲಿ ಮೊದಲ ರೈಲು ಸಾಗುತ್ತಿದ್ದಾಗ ಜಯನಗರ ಮುಂದಾದೆಡೆ ಜನರು ತಮ್ಮ ಟೆರೆಸ್ ಮೇಲೆ ಬಂದು ಕೈ ಬೀಸಿ ರೈಲನ್ನು ಸ್ವಾಗತಿಸಿದರು. ಒಟ್ಟಾರೆಯಾಗಿ, ಜನರು ತುಂಬಾ ಖುಷಿಪಟ್ಟರು.
ಬೆಂಗಳೂರು, ಜೂನ್ 17: ದಶಕಗಳಿಂದ ಜನರು ನಿರೀಕ್ಷಿಸುತ್ತಿದ್ದ ನಮ್ಮ ಮೆಟ್ರೋ ಯೋಜನೆಯ ಹಸಿರು ಮಾರ್ಗದ ಉದ್ಘಾಟನೆಯನ್ನು ಜನರು ಹರ್ಷದಿಂದ ಸ್ವಾಗತಿಸುತ್ತಿದ್ದರು.
ಶನಿವಾರ ಸಂಜೆ, ಮೆಟ್ರೋ ರೈಲು ಸಂಪಿಗೆ ರಸ್ತೆ ನಿಲ್ದಾಣದಿಂದ ಯಲಚೇನ ಹಳ್ಳಿ ಕಡೆಗೆ ಸಾಗುತ್ತಿದ್ದರೆ, ಜಯ ನಗರ, ಲಾಲ್ ಬಾಗ್ ಮುಂತಾದ ಕಡೆಗೆ ಜನರು ತಮ್ಮ ಮನೆಗಳ ಟೆರೆಸ್ ಮೇಲೆ ಬಂದು ಕಾಯುತ್ತಿದ್ದರು.
ಹಾಗೆ ಕಾಯುತ್ತಿದ್ದ ಜನರು ಉದ್ಘಾಟನಾ ರೈಲು ಬಂದ ಕೂಡಲೇ ಹರ್ಷದಿಂದ ಕುಣಿಯುತ್ತಾ ರೈಲಿನತ್ತ ಕೈ ಬೀಸಿ ಟಾಟಾ ಮಾಡುತ್ತಿದ್ದು ಆಪ್ಯಾಯಮಾನವಾಗಿತ್ತು.
ಮಾರ್ಗದ ಅಲ್ಲಲ್ಲಿ ಹೀಗೆ ಟೆರೆಸ್ ಗಳ ಮೇಲೆ ನಿಂತು ಕೈ ಬೀಸುತ್ತಿದ್ದ ಜನರು, ತಮ್ಮ ಮೊಬೈಲ್ ಗಳಿಂದ ಫೋಟೋ ಗಳನ್ನು ಕ್ಲಿಕ್ಕಿಸುತ್ತಿದ್ದುದು ಸಾಮಾನ್ಯವಾಗಿತ್ತು.
ಒಟ್ಟಾರೆಯಾಗಿ ಹೇಳಬೇಕೆಂದರೆ, ಜನರಿಗೆ ತಮ್ಮ ಮನೆಗಳ ಸೂರುಗಳ ಮೇಲೆ ಮೆಟ್ರೋ ಹಾದು ಹೋಗುತ್ತಿರುವುದು ಪುಳಕಿತನ್ನಾಗಿಸಿದ್ದು ಸುಳ್ಳಲ್ಲ.
(ಚಿತ್ರಗಳು: ಚೇತನ್ ಓ.ಆರ್)
ಪ್ರಮಾಣಿಕರ ಗಮನಕ್ಕೆ:
- ನಾಗಸಂದ್ರದಿಂದ ಯಲಚೇನ ಹಳ್ಳಿವರೆಗೆ ಒಟ್ಟು ದೂರ - 24.2 ಕಿ.ಮೀ.
- ಮಾರ್ಗದಲ್ಲಿ ಬರುವ ನಿಲ್ದಾಣಗಳ ಸಂಖ್ಯೆ -24
- ಮಾರ್ಗದಲ್ಲಿ ಬರುವ ಸುರಂಗ - 1
- ಸುರಂಗದ ಉದ್ದ - 8.82 ಕಿ.ಮೀ.
- ದರಗಳು ಗರಿಷ್ಠ 55 ರು. (ನಿಲ್ದಾಣವಾರು ದರ ಪ್ರಕಟಗೊಂಡಿಲ್ಲ)
Click it and Unblock the Notifications
Sign in with Google