ಮನೆ ಮುಂದೆ ಕಾರ್ ಪಾರ್ಕ್ ಮಾಡಿದರೂ ಬೀಳುತ್ತೆ ದಂಡ
Recommended Video
ಬೆಂಗಳೂರು, ಸೆಪ್ಟೆಂಬರ್ 05: ರಸ್ತೆ ನಿಯಮ ಉಲ್ಲಂಘನೆಗೆ ಭಾರಿ ದಂಡ ವಿಧಿಸಲಾಗುತ್ತಿರುವ ಹೊಸ ಟ್ರಾಫಿಕ್ ನಿಯಮಗಳು ಸೆಪ್ಟೆಂಬರ್ ಒಂದರಿಂದಲೇ ಜಾರಿಗೆ ಬಂದಿವೆ. ಈ ದಂಡಗಳ ಸಾಲಿಗೆ ಬೆಂಗಳೂರು ನಗರ ಪೊಲೀಸರು ಹೊಸ ದಂಡವೊಂದನ್ನು ಸೇರಿಸಿದ್ದಾರೆ.
ಮನೆಯ ಮುಂದೆ ರಸ್ತೆಯಲ್ಲಿ ಕಾರು ಮಾರ್ಕ್ ಮಾಡಿದರೂ ದಂಡ ಬೀಳುತ್ತೆ ಎಂದು ಬೆಂಗಳೂರು ಸಿಟಿ ಪೊಲೀಸ್ ಆಯುಕ್ತ ಭಾಸ್ಕರ ರಾವ್ ಅವರು ಇಂದು ಹೇಳಿದ್ದಾರೆ.
ಕಾರು ತೆಗೆದುಕೊಳ್ಳಬೇಕು ಎಂದರೆ ಅದನ್ನು ಪಾರ್ಕ್ ಮಾಡಲು ಮನೆಯ ಕಾಂಪೌಂಡ್ ಒಳಗೆ ಜಾಗ ಇರಲೇಬೇಕು. ಮನೆಯ ಮುಂದಿನ ರಸ್ತೆಯಲ್ಲಿ ಕಾರನ್ನು ಪಾರ್ಕ್ ಮಾಡಿದರೆ ಮಾಲೀಕರು ದಂಡ ಪಾವತಿಸಬೇಕಾಗುತ್ತದೆ.
ಜನದಟ್ಟಣೆಯಿಂದಾಗಿ ಕಿಷ್ಕಿಂದೆಯಂತಾಗಿರುವ ಬೆಂಗಳೂರಲ್ಲಿ ಬೆಂಕಿಪೊಟ್ಟಣದ ಸಾಲುಗಳಂತೆ ಮನೆಗಳು ಅಪಾರ್ಟ್ಮಿಂಟ್ಗಳು ನಿರ್ಮಾಣವಾಗಿವೆ. ಇದರಲ್ಲಿ ಬಹುತೇಕ ಮನೆಗಳಿಗೆ ಕಾರು ಪಾರ್ಕ್ ಮಾಡಲು ಸ್ಥಳವಿಲ್ಲ. ಅವರೆಲ್ಲ ಮನೆಯ ಮುಂದಿನ ರಸ್ತೆಯಲ್ಲಿಯೇ ಕಾರು ಪಾರ್ಕ್ ಮಾಡುತ್ತಿದ್ದಾರೆ. ಹೀಗಿದ್ದಾಗ ಆಯುಕ್ತರ ಸೂಚನೆ ಕಾರು ಮಾಲೀಕರಿಗೆ ಆತಂಕ ತಂದಿದೆ.
ಮೋಟಾರು ಕಾಯ್ದೆ ಹೊಸ ತಿದ್ದುಪಡಿ ಅನ್ವಯ ಸಣ್ಣ ಸಂಚಾರಿ ನಿಯಮ ಉಲ್ಲಂಘನೆಗೂ ಭಾರಿ ದಂಡ ತೆರಬೇಕಾಗಿದೆ. ಬೆಂಗಳೂರು ನಗರ ಒಂದರಲ್ಲೇ ಒಂದೇ ದಿನದಲ್ಲಿ ಬರೋಬ್ಬರಿ 30 ಲಕ್ಷ ರೂಪಾಯಿ ದಂಡದಿಂದ ವಸೂಲಿ ಆಗಿದೆ. ಮನೆಗಳ ಮುಂದೆ ನಿಲ್ಲಿಸಿರುವ ವಾಹನಗಳಿಗೂ ದಂಡ ವಿಧಿಸಲು ಪ್ರಾರಂಭಿಸಿದರೆ ಇನ್ನೂ ಹೆಚ್ಚು ಪ್ರಮಾಣದಲ್ಲಿ ದಂಡ ವಸೂಲಿ ಆಗಲಿದೆ.
Click it and Unblock the Notifications
Sign in with Google