NISAR Satellite: ಅಮೆರಿಕಾದ NASAದಿಂದ ಬೆಂಗಳೂರಿಗೆ ಬಂದ 'ನಿಸಾರ್' ಉಪಗ್ರಹ, ಇದರ ವಿಶೇಷತೆ, ಉಪಯೋಗ ತಿಳಿಯಿರಿ

ಅಮೆರಿಕಾದ NASA ಮತ್ತು ಭಾರತದ ISRO ಅಭಿವೃದ್ಧಿ ಪಡಿಸಿದ 'ಉಪಗ್ರಹ' ಒಂದು ಅಮೆರಿಕಾದಿಂದ ಕರ್ನಾಟಕ ರಾಜ್ಯಧಾನಿ ಸಿಲಿಕಾನ್ ಸಿಟಿ ಬೆಂಗಳೂರಿಗೆ ಆಗಮಿಸಿದೆ.

ಬೆಂಗಳೂರು, ಮಾರ್ಚ್ 09: ಭಾರತ ಬಾಹ್ಯಾಕಾಶ ಸಂಶೋಧನೆಯಲ್ಲಿ ಒಂದಡಿ ಮುಂದೆ ಸಾಗುತ್ತಿದೆ. ಸಾಕಷ್ಟು ಪ್ರಯೋಜನ ನೀಡಬಹುದಾದ ಅಮೆರಿಕಾದ NASA ಮತ್ತು ಭಾರತದ ISRO ಅಭಿವೃದ್ಧಿ ಪಡಿಸಿದ 'ಉಪಗ್ರಹ' ಒಂದು ಅಮೆರಿಕಾದಿಂದ ಕರ್ನಾಟಕ ರಾಜ್ಯಧಾನಿ ಸಿಲಿಕಾನ್ ಸಿಟಿ ಬೆಂಗಳೂರಿಗೆ ಆಗಮಿಸಿದೆ.

Touchdown in Bengaluru! @ISRO receives NISAR (@NASA-ISRO Synthetic Aperture Radar) on a @USAirforce C-17 from @NASAJPL in California, setting the stage for final integration of the Earth observation satellite, a true symbol of #USIndia civil space collaboration. #USIndiaTogether pic.twitter.com/l0a5pa1uxV

— U.S. Consulate General Chennai (@USAndChennai) March 8, 2023

ಹೌದು, ಅಮೆರಿಕಾದ (US) National Aeronautics and Space Administration (NASA) ಹಾಗೂ ಭಾರತದ Indian Space Research Organisation (ISRO) ಜಂಟಿಯಾಗಿ ಅಮೆರಿಕದಲ್ಲಿ 'ನಿಸಾರ್' ಎಂಬ ಉಗ್ರಹವನ್ನು ಅಭಿವೃದ್ಧಿಪಡಿಸಿವೆ. ಬುಧವಾರ ಅದನ್ನು ಅಮೆರಿಕಾದ ವಾಯುಪಡೆಯ C-17 ವಿಮಾನದ ಮೂಲ ಬೆಂಗಳೂರಿಗೆ ತರಲಾಗಿದೆ ಎಂದು ಚೆನ್ನೈನ ಕಾನ್ಸುಲೇಟ್ ಟ್ವೀಟ್ ನಲ್ಲಿ ಹಂಚಿಕೊಂಡಿದೆ.

ದೇಶದಲ್ಲಿ ಭೂ ಕುಸಿತದಂತಹ ಅಪಾಯ ಎದುರಿಸುವ ಪ್ರದೇಶಗಳ ಅಧ್ಯಯನ, ಕೃಷಿ ಮ್ಯಾಪಿಂಗ್, ಅಪರ್ಚರ್ ರಾಡಾರ್ ಸೇರಿದಂತೆ ವಿವಿಧ ಕಾರ್ಯಗಳಿಗೆ ಈ ನಿಸಾರ್ ಉಪಗ್ರಹ ಬಳಸಲು ಇಸ್ರೋ (ISRO) ನಿರ್ಧರಿಸಿದೆ. ಈ ಉಪಗ್ರಹವು ಅಮೆರಿಕ ಮತ್ತು ಭಾರತದ ಮಧ್ಯದ ಬಾಹ್ಯಾಕಾಶ ಕ್ಷೇತ್ರದಲ್ಲಿನ ಬಾಂಧವ್ಯದ ಪ್ರತೀಕವಾಗಿದೆ ಎಂದು ಕಾನ್ಸುಲೇಟ್‌ ತಿಳಿಸಿದೆ.

ಪ್ರಸಕ್ತ ಈ ಉಪಗ್ರಹವು ಆಂಧ್ರಪ್ರದೇಶದ ಶ್ರೀಹರಿಕೋಟಾದಲ್ಲಿರುವ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ ಮುಂದಿನ ವರ್ಷ ಉಡಾವಣೆ ಮಾಡುವ ಸಾಧ್ಯತೆ ಇದೆ. ಈ ಮೂಲಕ ಭಾರತ ಭೂಕೂಸಿತವನ್ನು ಆಯಾ ಪ್ರದೇಶಗಳ ಭೌಗೋಳಿಕ ಲಕ್ಷಣಗಳು, ಅಧ್ಯಯನಗಳ ಆಧಾರದ ಮೇಲೆ ಶೀಘ್ರ ತಿಳಿದುಕೊಳ್ಳಲು ಸಾಧ್ಯವಾಗಲಿದೆ. ಇದರಿಂದ ಸಂಭವನೀಯ ಅಪಾಯ ತಡೆಯುವ ಸಾಧ್ಯತೆ ಇದೆ ಎಂದು ಮೂಲಗಳು ತಿಳಿಸಿವೆ.

English summary

ISRO receives Earth observation satellite NISAR. This is the joint program by Indian Space Research Organisation (ISRO) and the National Aeronautics and Space Administration (NASA).