ಬಿಗ್ ಎಫ್ಎಂ ಪಟ್ ಪಟಾಕಿ ಶ್ರುತಿಗೆ ಪ್ರಶಸ್ತಿಗಳ ಸುರಿಮಳೆ

By Mahesh

Updated: Monday, May 28, 2018, 17:24 [IST]

ಬೆಂಗಳೂರು, ಮೇ 28, 2018: ಭಾರತದ ಅತಿದೊಡ್ಡ ರೇಡಿಯೊ ಜಾಲಗಳಲ್ಲೊಂದಾದ ಬಿಗ್ ಎಫ್ ಎಂ, ಇತ್ತೀಚೆಗೆ ನಡೆದ ಇಂಡಿಯಾ ರೇಡಿಯೊ ಫೋರಂ 2018ರಲ್ಲಿ ಒಟ್ಟು ಎಂಟು ಪ್ರಶಸ್ತಿಗಳನ್ನು ಗೆದ್ದುಕೊಂಡಿದೆ.

ಇದರ ಜೊತೆಗೆ ಇದು ರೇಡಿಯೊ ಉದ್ಯಮದಲ್ಲಿ ಅತ್ಯುತ್ತಮ ವಿಷಯಗಳು ಮತ್ತು ಸೃಜನಶೀಲತೆಯನ್ನು ಗುರುತಿಸಿ, ಗೌರವಿಸುವ ಪ್ರತಿಷ್ಠಿತ ಪ್ರಶಸ್ತಿ ವೇದಿಕೆಯಲ್ಲಿ ಆರು ರನ್ನರ್ ಅಪ್ ಸ್ಥಾನಗಳನ್ನೂ ಪಡೆದುಕೊಂಡಿದೆ.

ಗೆದ್ದಿರುವ ಎಂಟು ಶೀರ್ಷಿಕೆಗಳಲ್ಲಿ 92.7 ಬಿಗ್ ಎಫ್ ಎಂ ಬೆಂಗಳೂರಿನ ಬಿಗ್ ಎಂಜೆ ಶೃತಿಯ ಬಿಗ್ ಕಾಫಿ ಕಾರ್ಯಕ್ರಮವು ಅತ್ಯುತ್ತಮ ರೇಡಿಯೊ ಕಾರ್ಯಕ್ರಮ - ಕನ್ನಡ ವರ್ಗದಲ್ಲಿ ಪ್ರಥಮ ಸ್ಥಾನ ಪಡೆಯಿತು ಮತ್ತು ಅವರಿಗೆ ಕನ್ನಡ ವರ್ಗದಲ್ಲಿ ವರ್ಷದ ಆರ್ ಜೆ ಯ ರನ್ನರ್ ಅಪ್ ಸ್ಥಾನವನ್ನೂ ನೀಡಲಾಯಿತು.

ಪ್ರಶಸ್ತಿ ಗೆದ್ದ ತನ್ನ ಅನುಭವದ ಬಗ್ಗೆ ಮಾತನಾಡುತ್ತ, ಬಿಗ್ ಎಂಜೆ ಶೃತಿ 'ಇದಕ್ಕಿಂತ ಉತ್ತಮವಾದ ಸಮಯವಿರಲಿಲ್ಲ. ನಾನು ಮೇ ತಿಂಗಳಲ್ಲಿ ನನ್ನ ಕೆಲಸದ ವಾರ್ಷಿಕೋತ್ಸವ, ನನ್ನ ಹುಟ್ಟು ಹಬ್ಬವನ್ನು ಆಚರಿಸುತ್ತೇನೆ ಮತ್ತು ಜೊತೆಗೆ ಈ ಮೇ ನಲ್ಲಿ ಎರಡು ಐ ಆರ್ ಎಫ್ ಗಳೂ ಕೂಡ. ನನ್ನ ಕಾರ್ಯಕ್ರಮವಾದ ಬಿಗ್ ಕಾಫಿ ವಿತ್ ಶೃತಿಗೆ ಬಂದ ಪ್ರಶಸ್ತಿ ಮತ್ತು ವರ್ಷದ ಆರ್ ಜೆ - ಕನ್ನಡ ವರ್ಗ ದಲ್ಲಿ ಪಡೆದ ರನ್ನರ್ ಅಪ್ ಸ್ಥಾನದಿಂದ ನನಗೆ ಬಹಳ ಹರ್ಷವಾಗಿದೆ, ಗೌರವವೆನಿಸಿದೆ' ಎಂದರು.