ಬೆಂಗಳೂರಿನಲ್ಲಿ ಮಳೆ ಬಂದರೆ ಖುಷಿಗಿಂತ ಬೇಸರವೇ ಅಧಿಕ- ಕಾರಣವೇನು ಗೊತ್ತಾ?
ಬೆಂಗಳೂರು ಏಪ್ರಿಲ್ 6: ಬೆಂಗಳೂರಿನಲ್ಲಿ ಮಳೆ ಬಂದರೆ ಸಾಕು ಜನ ಖುಷಿ ಪಡೋದಕ್ಕಿಂತ ಬೇಸರ ಪಡೋದೇ ಹೆಚ್ಚಾಗಿ ಹೋಗಿದೆ. ಯಾಕೆಂದರೆ ಕಳಪೆಮಟ್ಟದ ರಸ್ತೆ ಕಾಮಗಾರಿ, ಗುಂಡಿಗಳು, ಚರಂಡಿ ನೀರು ರಸ್ತೆ ಮಾತ್ರವಲ್ಲದೆ ಮನೆಗಳಿಗೂ ನುಗ್ಗುವುದು ಇವೆಲ್ಲವೂ ಜನಸಾಮಾನ್ಯರಿಗೆ ಕಿರಿಕಿರಿಯನ್ನುಂಟು ಮಾಡಿದೆ. ಟ್ರಾಫಿಕ್ ಜಾಮ್ ನಿಂದಾಗಿ ವಾಹನ ಸವಾರರ ಪರದಾಟ, ವಿದ್ಯುತ್ ಸಮಸ್ಯೆ, ಮರಗಳು ಉರುಳುವುದು ಇವೆಲ್ಲಾ ಕಾರಣಗಳಿಂದಾಗಿ ಜನ ಯಾಕಪ್ಪ ಬೆಂಗಳೂರಿನಲ್ಲಿ ಮಳೆ ಬರುತ್ತೆ ಅನ್ನೋ ಮನಸ್ಥಿತಿಗೆ ಬಂದಿದ್ದಾರೆ. ಇದರ ನಡುವೆ ಮುಂದಿನ ಎರಡು ದಿನ ಬೆಂಗಳೂರಿನಲ್ಲಿ ಮಳೆಯಾಗುವ ಮುನ್ಸೂಚನೆಯನ್ನು ಹವಮಾನ ಇಲಾಖೆ ನೀಡಿದೆ.
ಅಂದಹಾಗೆ ಕಳೆದ ಸೋಮವಾರ, ಮಂಗಳವಾರ ಸಂಜೆ ಸುರಿದ ಮಳೆ ಕೂಡ ಜನರಿಗೆ ಇದೇ ಬೇಸರವನ್ನ ತಂದಿದೆ. ನಗರದ ಪೂರ್ವ ಮತ್ತು ಆಗ್ನೇಯ ಭಾಗಗಳಲ್ಲಿ ಮಂಗಳವಾರ ಸಂಜೆ 30-40 ನಿಮಿಷಗಳ ಕಾಲ ಸುರಿದ ಭಾರೀ ಮಳೆಯಿಂದಾಗಿ ವಾಹನ ಸಂಚಾರ ಸ್ಥಗಿತಗೊಂಡಿತ್ತು. ಪಾದಚಾರಿಗಳು ಜಲಾವೃತಗೊಂಡು ಒಂದು ಗಂಟೆಗೂ ಹೆಚ್ಚು ಕಾಲ ಪಾದಚಾರಿಗಳು ಪರದಾಡುವಂತಾಯಿತು.
ಸೆಪ್ಟೆಂಬರ್ 2022 ರ ಪ್ರಳಯದಿಂದ ಹಾನಿಗೊಳಗಾದ ಪ್ರದೇಶಗಳು - ಕೆರೆ ಅತಿಕ್ರಮಣ ಮತ್ತು ಯೋಜಿತವಲ್ಲದ ನಿರ್ಮಾಣದಿಂದ ಉಂಟಾಗಿವೆ ಎಂದು ಗುರುತಿಸಲಾದ ಪ್ರದೇಶಗಳು ಮಂಗಳವಾರ ಸಂಜೆ ಸುರಿದ ಮಳೆಗೆ ಮತ್ತೆ ತತ್ತರಿಸಿವೆ. ಕರ್ನಾಟಕ ರಾಜ್ಯ ನೈಸರ್ಗಿಕ ವಿಕೋಪ ಮೇಲ್ವಿಚಾರಣಾ ಕೇಂದ್ರದ ಅಂಕಿಅಂಶಗಳ ಪ್ರಕಾರ, ಮಂಗಳವಾರ ಮಹದೇವಪುರ (ವೈಟ್ಫೀಲ್ಡ್) ಸುತ್ತಮುತ್ತ 6 ಸೆಂ.ಮೀ ಮಳೆ ದಾಖಲಾಗಿದೆ.
ಮೊಣಕಾಲು ಅಡಿ ಆಳದ ನೀರು
ಬೆಳ್ಳಂದೂರಿನಿಂದ ಹೋಪ್ ಫಾರ್ಮ್ ವರೆಗೆ ವಿಸ್ತರಿಸಿರುವ ನಗರದ ಬೃಹತ್ ಪ್ರದೇಶ ಮೊಣಕಾಲು ಅಡಿ ಆಳದಲ್ಲಿ ಜಲಾವೃತವಾಗಿದೆ. ಇದುಲ್ಲಿ ಬ್ರೂಕ್ಫೀಲ್ಡ್, ಕುಂದಲಹಳ್ಳಿ, ನಲ್ಲೂರಹಳ್ಳಿ, ಪೂರ್ವದಲ್ಲಿ ಮಾರತ್ತಹಳ್ಳಿ ಮತ್ತು ಪಶ್ಚಿಮದಲ್ಲಿ ವೈಟ್ಫೀಲ್ಡ್, ಮಹದೇವಪುರ ವಿಧಾನಸಭಾ ಕ್ಷೇತ್ರದ ಮೇಲೆ ಹೆಚ್ಚಿನ ಪ್ರಭಾವ ಬೀರಿದೆ.
ಮಂಗಳವಾರ ಸಂಜೆ ಎಚ್ಎಎಲ್ ವಿಮಾನ ನಿಲ್ದಾಣದ ಐಎಂಡಿ ನಿಲ್ದಾಣದಲ್ಲಿ 4. 3 ಸೆಂ.ಮೀ ಮಳೆ ದಾಖಲಾಗಿದ್ದರೆ, ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ 4. 5 ಸೆಂ.ಮೀ ಮಳೆಯಾಗಿದೆ. ನಗರದ ಹೃದಯ ಭಾಗದಲ್ಲಿರುವ ನಿಲ್ದಾಣದಲ್ಲಿ 0. 1ಮಿ.ಮೀ.ಗಿಂತ ಕಡಿಮೆ ಮಳೆಯಾಗಿದೆ.
BMRCL: ಮೆಟ್ರೊ ನಿಲ್ದಾಣಗಳಲ್ಲಿ ಮಳೆನೀರು ಸಮಸ್ಯೆ ಸೃಷ್ಟಿ
ನಲ್ಲೂರಹಳ್ಳಿ ಮತ್ತು ಪಟ್ಟಂದೂರು ಮೆಟ್ರೊ ನಿಲ್ದಾಣಗಳಲ್ಲಿ ಮಳೆನೀರು ಸಮಸ್ಯೆ ಸೃಷ್ಟಿಸುತ್ತಿರುವ ಕುರಿತು ನಮ್ಮ ಮೆಟ್ರೊದ ಸಾರ್ವಜನಿಕ ಸಂಪರ್ಕ ವಿಭಾಗದ ಮುಖ್ಯಸ್ಥರು ಕ್ರಮ ಕೈಗೊಳ್ಳುವುದಾಗಿ ತಿಳಿಸಿದ್ದಾರೆ. "ವಿಸ್ತರಣಾ ಜಾಯಿಂಟ್ಗಳಲ್ಲಿ ನೀರು ಮೆಟ್ರೊ ನಿಲ್ದಾಣದ ಒಳಗೆ ಹರಿದು ಹೋಗಿರಬಹುದು. ಮಳೆಯ ನೀರು ಚಿಮ್ಮಿ ಒಳಗೆ ನುಗ್ಗಿದ್ದರಿಂದ ಇದು ಸಂಭವಿಸಿರಬಹುದು. ಸರಿಪಡಿಸುವ ಕ್ರಮಗಳನ್ನು ಕೈಗೊಳ್ಳಲಾಗುತ್ತಿದೆ. ಆದರೆ ಕೆಲವರು ಹೇಳಿಕೊಂಡಂತೆ ಯಾವುದೇ ಸೋರಿಕೆ ಇಲ್ಲ ಮತ್ತು ಪ್ರಯಾಣಿಕರ ಸುರಕ್ಷತೆಗೆ ಯಾವುದೇ ಅಪಾಯವಿಲ್ಲ" ಎಂದಿದ್ದಾರೆ.
ಮುಂದಿನ ಎರಡು ದಿನ ಹೆಚ್ಚಿನ ಮಳೆ- IMD ಮುನ್ಸೂಚನೆ
ಮುಂದಿನ ಎರಡು ದಿನಗಳಲ್ಲಿ ಇನ್ನಷ್ಟು ಗುಡುಗು ಸಹಿತ ಮಳೆಯಾಗುವ ನಿರೀಕ್ಷೆಯಿದೆ ಎಂದು ಭಾರತೀಯ ಹವಾಮಾನ ಇಲಾಖೆಯ ಅಧಿಕಾರಿಗಳು TOI ಗೆ ತಿಳಿಸಿದ್ದಾರೆ. "ಬಹಳಷ್ಟು ಜಲಮೂಲಗಳು ಭರ್ತಿಯಾಗುವ ಸಾಧ್ಯತೆ ಇದೆ. ಗುಡುಗು ಸಹಿತ ಮಳೆಗೆ ಸೂಕ್ತವಾದ ಪರಿಸ್ಥಿತಿಗಳನ್ನು ಸೃಷ್ಟಿಸಬೇಕು. ಹವಾಮಾನವು ಈಗ ಬಿಸಿಯಾಗಿರುತ್ತದೆ ಮತ್ತು ಆದ್ದರಿಂದ ತುಂತುರು ಮಳೆಯಾಗಬಹುದು. ಗಾಳಿಯಲ್ಲಿ ಸಾಕಷ್ಟು ತೇವಾಂಶ ಇರುತ್ತದೆ. ವಾತಾವರಣದಲ್ಲಿ ತೇವಾಂಶವುಳ್ಳ ಗಾಳಿಯನ್ನು ಬಿಸಿ ಮಾಡುವುದು ಮತ್ತು ಗಾಳಿಯಲ್ಲಿರುವ ತೇವಾಂಶ ಗುಡುಗು ಸಿಡಿಲುಗಳಿಂದ ಮಳೆಯಾಗಿ ಪರಿವರ್ತಿತವಾಗಬಹುದು "ಎಂದು IMD ಅಧಿಕಾರಿಯೊಬ್ಬರು ವಿವರಿಸಿದರು.
Click it and Unblock the Notifications
Sign in with Google