BBMP: 2 ದಿನದಲ್ಲಿ ಗಡುವು ಅಂತ್ಯ: ಈವರೆಗೆ 60% ಕನ್ನಡ ಕಡ್ಡಾಯವಾಗಿದ್ದೆಷ್ಟು? ವಲಯವಾರು ಮಾಹಿತಿ ಇಲ್ಲಿದೆ
ಬೆಂಗಳೂರು, ಮಾರ್ಚ್ 14: ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ (ಬಿಬಿಎಂಪಿ) ವ್ಯಾಪ್ತಿಯಲ್ಲಿ ವಾಣಿಜ್ಯ ಉದ್ದಿಮೆ ನಾಮಫಲಕಗಳಲ್ಲಿ ಶೇಕಡಾ 60ರಷ್ಟು ಕನ್ನಡ ಭಾಷೆ ಕಡ್ಡಾಯದ ಗಡುವು ಮುಗಿಯಲು ಎರಡೇ ದಿನ ಬಾಕಿ (ಮಾರ್ಚ್ 15) ಇದೆ. ಹಾಗಾದರೆ ಈ ವರೆಗೆ ಎಷ್ಟು ಅನುಷ್ಠಾನಗೊಂಡಿವೆ, ಬಾಕಿ ಇವೆ ಎಂಬ ಅಪ್ಡೇಟ್ ಮಾಹಿತಿ ನಿಮ್ಮ ಮುಂದೆ.
ರಾಜಧಾನಿಯ ಅಂಗಡಿ ಮುಂಗಟ್ಟುಗಳು, ಮಳಿಗೆಗಳು, ಶಾಪಿಂಗ್ ಮಾಲ್ಗಳ ಸೇರಿದಂತೆ ವಾಣಿಜ್ಯ ಉದ್ದಿಮೆಗಳ ನಾಮಫಲಕದಲ್ಲಿ ಶೇಕಡಾ 60ರಷ್ಟು ಕನ್ನಡ ಕಡ್ಡಾಯ ಮಾಡಿ ಆದೇಶಿಸಲಾಗಿದೆ. ಕೊನೆ ದಿನವಾಗಿದ್ದ ಫೆಬ್ರುವರಿ 28 ಅನ್ನು ಮಾರ್ಚ್ 15ರವರೆಗೆ ವಿಸ್ತರಣೆ ಮಾಡಿ ಡಿಸಿಎಂ ಡಿಕೆ ಶಿವಕುಮಾರ್ ಆದೇಶಿಸಿದ್ದರು.
ಮಾರ್ಚ್ 13ರವರೆಗೆ ಬಿಬಿಎಂಪಿ ವ್ಯಾಪ್ತಿಯಲ್ಲಿ 50,357 ವಾಣಿಜ್ಯ ಸಂಸ್ಥೆಗಳು 49, 732 ಕನ್ನಡವನ್ನು ಕಡ್ಡಾಯಗೊಳಿಸಿವೆ. ಒಟ್ಟು 625 ಕಡೆಗಳಲ್ಲಿ ಕನ್ನಡ ಕಡ್ಡಾಯ ಬಾಕಿ ಇದೆ ಎಂದು ಬಿಬಿಎಂಪಿಯು ಮಾಹಿತಿ ನೀಡಿದೆ. ಜೊತೆಗೆ ಇರುವ ಎಂಟು ವಲಯಗಳಲ್ಲಿ ವಲಯವಾರು ಎಷ್ಟು ಬಾಕಿ ಇದೆ, ಅನುಷ್ಠಾನಗೊಂಡಿದ್ದೆಷ್ಟು ಎಂಬ ಮಾಹಿತಿ ನೀಡಿದೆ.
* ಬೊಮ್ಮನಹಳ್ಳಿ ವಲಯ ವ್ಯಾಪ್ತಿಯಲ್ಲಿ ನೋಟಿಸ್ ಪಡೆದ 8411ರ ಉದ್ದಿಮೆಗಳಲ್ಲಿ 8341 ಅನುಷ್ಠಾನಗೊಂಡಿವೆ, 70 ಉದ್ದಿಮೆಗಳಲ್ಲಿ ಕನ್ನಡ ಕಡ್ಡಾಯ ಬಾಕಿ ಉಳಿದಿವೆ.
* ದಾಸರಹಳ್ಳಿ ವಲಯದಲ್ಲಿ ನೋಟಿಸ್ ಪಡೆದ 1548 ರ ಉದ್ದಿಮೆಗಳಲ್ಲಿ 1522 ಅನುಷ್ಠಾನಗೊಂಡಿವೆ, 26 ಉದ್ದಿಮೆಗಳಲ್ಲಿ ಕನ್ನಡ ಕಡ್ಡಾಯ ಬಾಕಿ ಉಳಿದಿವೆ.
* ಪೂರ್ವ ವಲಯದಲ್ಲಿ ಬಿಬಿಎಂಪಿ ಅಧಿಕಾರಿಗಳು ಒಟ್ಟು 8634 ಉದ್ದಿಮೆಗಳಿಗೆ ನೋಟಿಸ್ ನೀಡಿತ್ತು. ಇದರಿಂದಾಗಿ ಮಾರ್ಚ್ 13ರವರೆಗೆ 8487 ಅನುಷ್ಠಾನಗೊಂಡಿದ್ದು, 147 ಉದ್ದಿಮೆಗಳಲ್ಲಿ ಕನ್ನಡ ಕಡ್ಡಾಯ ಬಾಕಿ ಉಳಿದಿವೆ.
* ಮಹಾದೇವಪುರ ವಲಯದಲ್ಲಿ ಒಟ್ಟು 5967 ಉದ್ದಿಮೆಗಳಿಗೆ ನೋಟಿಸ್ ನೀಡಲಾಗಿತ್ತು. ಅದರಲ್ಲಿ 5893 ಅನುಷ್ಠಾನಗೊಂಡಿವೆ, 74 ಉದ್ದಿಮೆಗಳಲ್ಲಿ ಕನ್ನಡ ಕಡ್ಡಾಯ ಬಾಕಿ ಉಳಿದಿವೆ.
* ರಾಜರಾಜೇಶ್ವರಿ ನಗರ ವಲಯದಲ್ಲಿ 6537 ಉದ್ದಿಮೆಗಳಲ್ಲಿ 6492 ಅನುಷ್ಠಾನಗೊಂಡಿವೆ, 45 ಉದ್ದಿಮೆಗಳಲ್ಲಿ ಕನ್ನಡ ಕಡ್ಡಾಯ ಬಾಕಿ ಉಳಿದಿವೆ.
* ದಕ್ಷಿಣ ವಲಯದಲ್ಲಿ ನೋಟಿಸ್ ಪಡೆದ 5982 ಉದ್ದಿಮೆಗಳಲ್ಲಿ 5933 ಅನುಷ್ಠಾನಗೊಂಡಿವೆ, 49 ಉದ್ದಿಮೆಗಳಲ್ಲಿ ಕನ್ನಡ ಕಡ್ಡಾಯ ಬಾಕಿ ಉಳಿದಿವೆ.
* ಪಶ್ಚಿಮ ವಲಯದಲ್ಲಿ ನೋಟಿಸ್ ಪಡೆದ 7113 ಉದ್ದಿಮೆಗಳಲ್ಲಿ 7074 ಅನುಷ್ಠಾನಗೊಂಡಿವೆ, 39 ಉದ್ದಿಮೆಗಳಲ್ಲಿ ಕನ್ನಡ ಕಡ್ಡಾಯ ಬಾಕಿ ಉಳಿದಿವೆ.
* ಯಲಹಂಕ ವಲಯದಲ್ಲಿ ನೋಟಿಸ್ ಪಡೆದ 6165 ಉದ್ದಿಮೆಗಳಲ್ಲಿ 5900 ಅನುಷ್ಠಾನಗೊಂಡಿವೆ, 175 ಉದ್ದಿಮೆಗಳಲ್ಲಿ ಕನ್ನಡ ಕಡ್ಡಾಯ ಬಾಕಿ ಉಳಿದಿವೆ.
ಕರ್ನಾಟಕದಲ್ಲಿ ಕನ್ನಡ ಕಡ್ಡಾಯಗೊಳಿಸಬೇಕು ಎಂದು ಕನ್ನಡಪರ ಸಂಘಟನೆಗಳು ಹಿಂದಿನಿಂದಲೂ ಬಿಬಿಎಂಪಿ ಒಳಗೊಂಡಂತೆ ರಾಜ್ಯ ಸರ್ಕಾರದ ಮೇಲೆ ಒತ್ತಡ ಹೇರುತ್ತಲೆ ಬಂದಿವೆ. ಈ ನಾಮಫಲಕದಲ್ಲಿ ಕನ್ನಡ ಬಳಕೆ ವಿಚಾರವಾಗಿ ಬೆಂಗಳೂರಿನಲ್ಲಿ ತಿಂಗಳುಗಳ ಹಿಂದೆ 'ಕರವೇ' ಸೇರಿದಂತೆ ಕನ್ನಡಪರ ಸಂಘಟನೆಗಳು, ಕನ್ನಡಿಗರು ದೊಡ್ಡ ಆಂದೋಲನವನ್ನೇ ಮಾಡಿದ್ದರು. ಆಂಗ್ಲ ನಾಮಪಲಕ ಕಿತ್ತಾಕಿ ಬುದ್ಧಿ ಕಲಿಸಿದರು. ಇದರ ಬೆನ್ನಲ್ಲೆ ಬಿಬಿಎಂಪಿ ನೋಟಿಸ್ ನೀಡಿ ಗಡುವು ನೀಡಿದೆ.
-
Karnataka Budget 2026: ಮಾ.6 ಸಿದ್ದರಾಮಯ್ಯ 17ನೇ ಬಜೆಟ್ ಮಂಡನೆ, ಸಮಯ, ನೇರ ಪ್ರಸಾರ ಲಿಂಕ್, ವಿವರ -
Karnataka Weather: ಮಾರ್ಚ್ 12ರ ವರೆಗೆ ಬೆಂಗಳೂರು ಸೇರಿ ರಾಜ್ಯದ ಬಹುತೇಕ ಜಿಲ್ಲೆಗಳಲ್ಲಿ ಒಣಹವೆ ಮುನ್ಸೂಚನೆ -
ಬೆಂಗಳೂರು, ವಿದ್ಯಾಕಾಶಿ ಧಾರವಾಡದಲ್ಲಿ "ವಿದ್ಯಾರ್ಥಿ ಇಂದಿರಾ ಕ್ಯಾಂಟೀನ್" ಆರಂಭ: ಬಜೆಟ್ನಲ್ಲಿ ಘೋಷಣೆ -
Karnataka Highways: 1846 ಕಿಮೀ ರಾಜ್ಯ ಹೆದ್ದಾರಿ ಅಭಿವೃದ್ಧಿಗೆ 5000 ಕೋಟಿ ರೂ ಘೋಷಣೆ -
ಕರ್ನಾಟಕದ 66 ಆರ್ಟಿಓಗಳಲ್ಲಿ ಡಿಜಿಟಲ್ ವ್ಯವಸ್ಥೆ: ವಾಹನ ತೋರಿಸಿದರಷ್ಟೇ ಫಿಟ್ನೆಸ್ ಪ್ರಮಾಣಪತ್ರ, ಏನಿದು? -
ಮಕ್ಕಳಿಗೆ ಸಾಮಾಜಿಕ ಜಾಲತಾಣ ಬಳಕೆ ನಿಷೇಧ: ಇದು ನಿಜಕ್ಕೂ ಕಾರ್ಯಸಾಧುವೆ? ತಜ್ಞರು ಹೇಳುವುದೇನು? -
ಅನಧಿಕೃತವಾಗಿ ಪ್ರವೇಶಿಸಿದರೆ ಗುಂಡು ಹಾರಿಸಲಾಗುವುದು: ಸಾಮಾಜಿಕ ಮಾಧ್ಯಮದಲ್ಲಿ ಚರ್ಚೆ ಹುಟ್ಟುಹಾಕಿದ ವಾಯುಪಡೆಯ ಸೂಚನಾ ಫಲಕ -
Tamarind Cultivation: ಹೊಸಪೇಟೆ ಹುಣಸೆ ಘಟಕಕ್ಕೆ ವಿಶ್ವಬ್ಯಾಂಕ್ ಉನ್ನತ ಮಟ್ಟದ ತಂಡ ಭೇಟಿ, ರೈತರಿಗೆ ಗುಡ್ನ್ಯೂಸ್ ನಿರೀಕ್ಷೆ -
Saaniya Chandok: ಕ್ರಿಕೆಟ್ ದೇವರು ಸಚಿನ್ ತೆಂಡ್ಯೂಲ್ಕರ್ ಕುಟುಂಬಕ್ಕೆ ಸೊಸೆಯಾಗಿ ಬಂದ ಸಾನಿಯಾ ಚಾಂದೋಕ್ ಯಾರು? -
Abhishek Sharma: 'ಅಭಿಷೇಕ್ ಶರ್ಮಾ ಒಬ್ಬ ಬ್ಲೈಂಡ್ ಸ್ಲಾಗರ್': ರೊಚ್ಚಿಗೆದ್ದ ಅಭಿಮಾನಿಗಳು -
Horoscope March 5: ಇಂದಿನ ದ್ವಾದಶ ರಾಶಿಗಳ ಫಲಾಫಲ ಇಲ್ಲಿದೆ, ಯಾರಿಗೆ ಶುಭ-ಯಾರಿಗೆ ಅಶುಭ -
Jacob Bethell: ಟೀಂ ಇಂಡಿಯಾ ವಿರುದ್ಧ ಸೋತರೂ ಕನ್ನಡಿಗರ ಮನಗೆದ್ದ 22 ವರ್ಷದ ಜೇಕಬ್ ಬೆಥೆಲ್
Click it and Unblock the Notifications
Sign in with Google