ಬೆಂಗಳೂರು: ಟ್ರಾಫಿಕ್ ನಿಯಮ ಉಲ್ಲಂಘಿಸುವವರ ಪತ್ತೆಗೆ ಬಿಎಂಟಿಸಿಯಿಂದ ಹೊಸ ಪ್ಲ್ಯಾನ್
ಬೆಂಗಳೂರು,ಫೆಬ್ರವರಿ 22:ಬೆಂಗಳೂರಿನಲ್ಲಿ ಟ್ರಾಫಿಕ್ ನಿಯಮ ಉಲ್ಲಂಘನೆ ಮಾಡುವವರನ್ನು ಪತ್ತೆ ಹಚ್ಚಲು ಹೊಸ ಪ್ಲ್ಯಾನ್ ಸಿದ್ಧವಿದೆ.
ಡೈರೆಕ್ಟೋರೇಟ್ ಆಫ್ ಅರ್ಬನ್ ಲ್ಯಾಂಡ್ ಟ್ರಾನ್ಸ್ಪೋರ್ಟ್(ಡಲ್ಟ್) ಪಾರ್ಕಿಂಗ್ 2.0 ಪಾಲಿಸಿ ತಯಾರಿಸಿದೆ.
ಎಲ್ಲಾ ಸಾರಿಗೆ ಬಸ್ಗಳು ಹಾಗೂ ಬಿಎಂಟಿಸಿ ಬಸ್ಗಳಲ್ಲಿ ಕ್ಯಾಮೆರಾಗಳನ್ನು ಅಳವಡಿಸಲಿದೆ. ಆ ಕ್ಯಾಮರಾಗಳಿಂದ, ಟ್ರಾಫಿಕ್ ನಿಯಮಗಳನ್ನು ಉಲ್ಲಂಘಿಸುವವರನ್ನು ಪತ್ತೆಹಚ್ಚಬಹುದಾಗಿದೆ. ಇದಕ್ಕೆ ಸರ್ಕಾರ ಹಣ ನೀಡಲಿದೆ.
ಪಾರ್ಕಿಂಗ್ ನಿಯಮ ಉಲ್ಲಂಘನೆ ಹಾಗೂ ಟ್ರಾಫಿಕ್ ನಿಯಮ ಉಲ್ಲಂಘಿಸುವವರ ಕುರಿತು ಮಾಹಿತಿ ಲಭ್ಯವಾಗಲಿದೆ. ಇದನ್ನು ನಿರ್ಭಯಾ ಯೋಜನೆಯಡಿ ಅಭಿವೃದ್ಧಿಪಡಿಸಲಾಗುತ್ತದೆ. ಕಳೆದ ವರ್ಷ ಪ್ರತಿ ಬಸ್ನಲ್ಲಿಯೂ ಮೂರು ಕ್ಯಾಮೆರಾಗಳನ್ನು ಅಳವಡಿಸಬೇಕು ಎಂದು ನಿರ್ಧರಿಸಲಾಗಿತ್ತು.
ಈ ಕ್ಯಾಮರಾಗಳು ಆಟೊಮೆಟಿಕ್ ಆಗಿ ನಂಬರ್ ಪ್ಲೇಟ್ನ್ನು ಸೆರೆ ಹಿಡಿಯಲಿದೆ. ಅದು ಆರ್ಟಿಫಿಷಿಯಲ್ ಇಂಟೆಲಿಜೆನ್ಸ್ ಕ್ಯಾಮೆರಾಗಳಾಗಿರಲಿವೆ.
ಒಂದು ಕ್ಯಾಮರಾವು ಚಾಲಕನ ನಡವಳಿಕೆ ಬಗ್ಗೆ ನಿಗಾ ಇಟ್ಟರೆ, ಮತ್ತೊಂದು ಕ್ಯಾಮೆರಾ ಮಹಿಳೆಯರ ಸುರಕ್ಷತೆಗೆ ಸಹಕಾರಿಯಾಗಲಿದೆ. ಬಳಿಕ ಮೂರು ಕ್ಯಾಮರಾಗಳು ಬೇಡ ಎರಡನೇ ಕ್ಯಾಮರಾಗಳನ್ನು ಅಳವಡಿಸಬೇಕು ಎಂದು ನಿರ್ಧಾರ ಕೈಗೊಳ್ಳಲಾಗಿದೆ.
ಈ ಕ್ಯಾಮರಾಗಳು ಬಸ್ಗಳ ಅತಿ ವೇಗದ ಚಾಲನೆ,ನಡವಳಿಕೆ, ಹಾರ್ಡ್ ಟರ್ನಿಂಗ್ ಸೇರದಂತೆ ಹಲವು ವಿಷಯಗಳ ಕಡೆ ಗಮನವಹಿಸಲಿದೆ.ಸಿಲ್ಕ್ಬೋರ್ಡ್ ಹಾಗೂ ಔಟರ್ ರಿಂಗ್ ರಸ್ತೆಯಲ್ಲಿ ಒಟ್ಟು 40 ಬಸ್ಗಳಿಗೆ ಕ್ಯಾಮೆರಾ ಅಳವಡಿಸಲು ಮುಂದಾಗಿದೆ.
ಬಳಿಕ ಟ್ರಾಫಿಕ್ ನಿಯಮ ಉಲ್ಲಂಘಿಸುವವರಿಂದ ತೆಗೆದುಕೊಂಡಿರುವ ದಂಡದಲ್ಲಿ ಬಿಎಂಟಿಸಿಗೂ ಕೂಡ ಪಾಲಿದೆ ಎಂದು ಹೇಳಲಾಗಿದೆ.
Click it and Unblock the Notifications
Sign in with Google