ಪ್ರಯಾಣಿಕರೇ ಗಮನಿಸಿ: ಬೆಂಗಳೂರಿನ 'ಈ' ಏರಿಯಾಗಳಿಗೆ BMTC ಬಸ್ ಬರಲ್ಲ.!

Updated: Tuesday, May 19, 2020, 10:07 [IST]

ಬೆಂಗಳೂರು, ಮೇ 19: ಲಾಕ್ ಡೌನ್ 4.0 ಜಾರಿಗೆ ಬಂದ ಮೇಲೆ, ಕರ್ನಾಟಕ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಬಿ.ಎಂ.ಟಿ.ಸಿ ಮತ್ತು ಕೆ.ಎಸ್.ಆರ್.ಟಿ.ಸಿ ಬಸ್ ಗಳ ಸಂಚಾರಕ್ಕೆ ಗ್ರೀನ್ ಸಿಗ್ನಲ್ ನೀಡಿದರು.

ಇಂದಿನಿಂದ ಬಿ.ಎಂ.ಟಿ.ಸಿ ಮತ್ತು ಕೆ.ಎಸ್.ಆರ್.ಟಿ.ಸಿ ಬಸ್ ಗಳು ರಸ್ತೆಗಿಳಿದು, ಸಂಚಾರ ಆರಂಭಿಸಿವೆ. ಬೆಳಗ್ಗೆ 7 ರಿಂದ ಸಂಜೆ 7 ರವರೆಗೆ ಮಾತ್ರ ಬಸ್ ಸಂಚಾರಕ್ಕೆ ಅನುಮತಿ ನೀಡಲಾಗಿದೆ.

ಇಂದಿನಿಂದ ಸಿಲಿಕಾನ್ ಸಿಟಿಯಲ್ಲಿ 2000 ಬಿ.ಎಂ.ಟಿ.ಸಿ ಬಸ್ ಗಳು ಓಡಾಟ ನಡೆಸಲಿವೆ. ಬೆಂಗಳೂರಿನ 198 ವಾರ್ಡ್ ಗಳ ಪೈಕಿ 181 ವಾರ್ಡ್ ಗಳಲ್ಲಿ ಮಾತ್ರ ಬಿ.ಎಂ.ಟಿ.ಸಿ ಬಸ್ ಗಳು ಓಡಾಡಲಿವೆ. ಉಳಿದ ವಾರ್ಡ್ ಗಳಲ್ಲಿ ಅರ್ಥಾತ್ ಕಂಟೇನ್ಮೆಂಟ್ ಝೋನ್ ಎಂದು ಗುರುತಿಸಲಾದ ವಾರ್ಡ್ ಗಳಲ್ಲಿ ಬಿ.ಎಂ.ಟಿ.ಸಿ ಸೇವೆ ಲಭ್ಯವಿರುವುದಿಲ್ಲ.