ಬಿಜೆಪಿ ಬ್ಲೂ ಫಿಲಂ ಮುಗಿದ ಸರಕು: ಮಾಳವಿಕಾ
ಬೆಂಗಳೂರು, ಏಪ್ರಿಲ್ 10: ಬಿಜೆಪಿ ಶಾಸಕರ ಬ್ಲೂ ಫಿಲಂ ಪುರಾಣಗಳು ಮುಗಿದ ಸರಕು/ ಅಧ್ಯಾಯಗಳಾಗಿವೆ ಎಂದು ಬಿಜೆಪಿ ವಕ್ತಾರರಾದ ಕಿರುತೆರೆ ನಟಿ ಮಾಳವಿಕಾ ಅವಿನಾಶ್ ಅವರು ತಿಳಿಸಿದ್ದಾರೆ. ಆದರೆ ಜನ ಅದರಲ್ಲೂ ಮತದಾರ ಸ್ಮೃತಿಪಟಲದಿಂದ ಅದು ಅಳಸಿಹೋಗಿದೆಯಾ? ಎಂಬುದಕ್ಕೆ ಉತ್ತರ ಮೇ 16ರಂದು ದೊರೆಯಲಿದೆ.
ಪ್ರಜಾಪ್ರಭುತ್ವದ ಪವಿತ್ರ ದೇಗುಲ ವಿಧಾನಸಭೆಯಲ್ಲಿ ಈ ಹಿಂದೆ ಬಿಜೆಪಿಯ ಮೂವರು ಶಾಸಕರು ಮೊಬೈಲ್ ಫೋನಿನಲ್ಲಿ ಬ್ಲೂ ಫಿಲಂ ವಿಡಿಯೋ ವೀಕ್ಷಣೆ ಮಾಡಿದ್ದರು. ಜತೆಗೆ, ಕೆಲ ಶಾಸಕ/ಸಚಿವರಿಂದ ಮಹಿಳೆಯರ ಮೇಲೆ ದೌರ್ಜನ್ಯ/ ಹಿಂಸಾಚಾರಗಳೂ ನಡೆದಿದ್ದವು. ಆದರೆ ಅದೆಲ್ಲಾ ಈಗ ಗತಿಸಿಹೋದ ಸಂಗತಿಗಳಾಗಿವೆ. ಅಂತಹ ಕಳಂಕಿತರ ವಿರುದ್ಧ ಪಕ್ಷವು ಕಾಲಕಾಲಕ್ಕೆ ಖಡಕ್ ನಿರ್ಧಾರಗಳನ್ನು ತೆಗೆದುಕೊಂಡಿದೆ ಎಂದು ಮಾಳವಿಕಾ ಅವಿನಾಶ್ ಅವರು ಸುದ್ದಿಗಾರರಿಗೆ ತಿಳಿಸಿದ್ದಾರೆ.
ಬಿಜೆಪಿಯ ಚುನಾವಣಾ ಪ್ರಣಾಳಿಕೆಯಲ್ಲಿ ಮಹಿಳೆಯರಿಗಾಗಿ ಅನೇಕ ಕಾರ್ಯಕ್ರಮ/ ಯೋಜನೆಗಳನ್ನು ಹಾಕಿಕೊಳ್ಳಲಾಗಿದೆ. ಈ ಭರವಸೆಗಳನ್ನಾಧರಿಸಿ ಮಹಿಳೆಯರು ಹೆಚ್ಚಿನ ಸಂಖ್ಯೆಯಲ್ಲಿ ಬಿಜೆಪಿಗೆ ಮತ ಹಾಕಬೇಕು. ಮೋದಿ ಅವರನ್ನು ಪ್ರಧಾನ ಮಂತ್ರಿ ಮಾಡುವಂತೆ ಕೋರುವುದಾಗಿ ಅವರು ಹೇಳಿದರು.
ಬಿಜೆಪಿಯ ಚುನಾವಣಾ ಪ್ರಣಾಳಿಕೆಯಲ್ಲಿ ದೇಶದ ಅಭಿವೃದ್ಧಿಗಾಗಿ ಅನೇಕ ಕಾರ್ಯಕ್ರಮನಗಳಿವೆ. ಎಲ್ಲ ಸಮುದಾಯದ ಜನರಿಗೂ ಕಲ್ಯಾಣ ಯೀಜನೆಗಳಿವೆ. ಮೋದಿ ಆಡಳಿತದಲ್ಲಿ ದೇಶ ಪ್ರಗತಿ ಕಾಣಲಿದೆ; ಸುಭಿಕ್ಷವಾಗಲಿದೆ ಎಂದು ಮಾಳವಿಕಾ ವಿಶ್ವಾಸ ವ್ಯಕ್ತಪಡಿಸಿದರು.
ಒಟ್ಟು 7 ಕ್ಷೇತ್ರಗಳಲ್ಲಿ ಮಹಿಳೆಯರಿಗೆ ಟಿಕೆಟ್ ನೀಡುವಂತೆ ರಾಜ್ಯ ಬಿಜೆಪಿ ಮಹಿಳಾ ಮೋರ್ಚಾ ಘಟಕ ವರಿಷ್ಠರಲ್ಲಿ ಮನವಿ ಮಾಡಿತ್ತು. ಆದರೆ ಒಬ್ಬರಿಗೆ ಮಾತ್ರ (ಶೋಭಾ ಕರಂದ್ಲಾಜೆ) ಟಿಕೆಟ್ ನೀಡಲಾಗಿದೆ ಎಂದು ಇದೇ ಸಂದರ್ಭದಲ್ಲಿ ಮಾಳವಿಕಾ ಸ್ಪಷ್ಟಪಡಿಸಿದರು.
Click it and Unblock the Notifications
Sign in with Google