ಕ್ಯಾರಿ ಬ್ಯಾಗ್ಗೆ 20 ರೂಪಾಯಿ ಚಾರ್ಚ್ ಮಾಡಿದಕ್ಕೆ ಕೇಸ್ ಹಾಕಿ 3,000 ಹಿಂಪಡೆದ ಮಹಿಳೆ
ಬೆಂಗಳೂರು, ಅಕ್ಟೋಬರ್ 23: ಬೆಂಗಳೂರಿನ ಮಹಿಳೆಯೊಬ್ಬರಿಗೆ ಕಂಪನಿಯ ಲೋಗೋ ಹೊಂದಿರುವ ಕ್ಯಾರಿ ಬ್ಯಾಗ್ ನೀಡಲು 20 ರೂಪಾಯಿ ಶುಲ್ಕ ವಿಧಿಸಿದ್ದಕ್ಕಾಗಿ ಪೀಠೋಪಕರಣ ಕಂಪೆನಿ ಐಕಿಯಾ ವಿರುದ್ಧ ಮೊಕದ್ದಮೆ ಹೂಡಿ ಗ್ರಾಹಕ ನ್ಯಾಯಾಲಯ ಮೂಲಕ 3,000 ರೂಪಾಯಿ ಪರಿಹಾರವನ್ನು ಪಡೆದಿದ್ದಾರೆ ಎಂದು ಹಿಂದೂಸ್ತಾನ್ ಟೈಮ್ಸ್ ವರದಿ ಮಾಡಿದೆ.
ಬೆಂಗಳೂರಿನ ಜೋಗುಪಾಳ್ಯ ನಿವಾಸಿಯಾಗಿರುವ ಸಂಗೀತಾ ಬೋಹ್ರಾ ಎಂಬ ಮಹಿಳೆ ಕಳೆದ ವರ್ಷ ಅಕ್ಟೋಬರ್ 6 ರಂದು ನಾಗಸಂದ್ರದಲ್ಲಿರುವ ಗೃಹೋಪಯೋಗಿ ವಸ್ತುಗಳ ಅಂಗಡಿ ಐಕಿಯಾಗೆ ಭೇಟಿ ನೀಡಿದ್ದರು.
ಬೊಹ್ರಾ ಅವರು 2,428 ರೂಪಾಯಿ ಮೊತ್ತದ ವಸ್ತುಗಳನ್ನು ಖರೀದಿಸಿದ್ದರು. ಆದರೆ ಅವರಿಗೆ ಕ್ಯಾರಿ ಬ್ಯಾಗ್ಗೂ 20 ರೂಪಾಯಿ ಶುಲ್ಕ ವಿಧಿಸಿರುವುದನ್ನು ಪ್ರಶ್ನಿಸಿದ್ದರು. ಕ್ಯಾರಿ ಬ್ಯಾಗ್ಗೆ ಏಕೆ ಹೆಚ್ಚುವರಿ ಪಾವತಿಸಬೇಕು ಎಂದು ಸಿಬ್ಬಂದಿಯೊಂದಿಗೆ ಅವರು ಕೇಳಿದ್ದರು. ಕಂಪೆನಿಯವರು ಅದನ್ನು ಗ್ರಾಹಕರಿಗೆ ಉಚಿತವಾಗಿ ನೀಡಬೇಕು ಎಂದು ಹೇಳಿದ್ದರು. ಆದರೆ, ಇದು ತಮ್ಮ ಕಂಪೆನಿ ನೀತಿ ಎಂದು ನೌಕರರು ಹೇಳಿ ಅವರನ್ನು ಹಣ ಪಾವತಿಸುವಂತೆ ಮಾಡಲಾಯಿತು.
11 ದಿನಗಳ ನಂತರ ಅವರು ಹಣ ಮರುಪಾವತಿಗೆ ಒತ್ತಾಯಿಸಿದರು. ಎಲ್ಲಾ ಗ್ರಾಹಕರಿಗೆ ಕಂಪನಿಯ ಲಾಂಛನದೊಂದಿಗೆ ಕ್ಯಾರಿ ಬ್ಯಾಗ್ ಅನ್ನು ಕಡ್ಡಾಯವಾಗಿ ನೀಡಬೇಕು. ಜಾಹೀರಾತು ಎಂದು ನಿಯಮಗಳ ಮೇಲೆ ಸ್ವೀಡಿಷ್ ಕಂಪನಿಯ ಭಾರತೀಯ ಘಟಕಕ್ಕೆ ಕಾನೂನು ನೋಟೀಸ್ ಕಳುಹಿಸಿದರು. ಹಾಗೆ ಮಾಡದಿರುವುದು ಅನ್ಯಾಯ ವ್ಯಾಪಾರ ಅಭ್ಯಾಸ ಎಂದು ಹೇಳಿದರು. ಆದರೆ ಕಂಪನಿಯು ಈ ಆರೋಪಗಳನ್ನು ನಿರಾಕರಿಸಿತು, ಗ್ರಾಹಕರು ತಮ್ಮ ಲೋಗೋದೊಂದಿಗೆ ಬ್ಯಾಗ್ಗಳನ್ನು ಖರೀದಿಸುವಂತೆ ಮಾಡುವುದು ಅನ್ಯಾಯವಲ್ಲ. ಹಣ ವಾಪಸ್ ನೀಡುವಂತೆ ಮಹಿಳೆಯ ಬೇಡಿಕೆಯನ್ನೂ ನಿರಾಕರಿಸಲಾಯಿತು.
ನಂತರ ಮಹಿಳೆ ಮಾರ್ಚ್ನಲ್ಲಿ ಶಾಂತಿನಗರದಲ್ಲಿರುವ ಬೆಂಗಳೂರು ನಗರ ಮೊದಲ ಹೆಚ್ಚುವರಿ ಜಿಲ್ಲಾ ಗ್ರಾಹಕರ ವ್ಯಾಜ್ಯಗಳ ಪರಿಹಾರ ಆಯೋಗಕ್ಕೆ ದೂರು ತಂದರು. ಕಂಪನಿಯ ಕಾನೂನು ಸಲಹೆಗಾರರಿಂದ ಐಕಿಯಾ ವಿರುದ್ಧ ಆಕೆಯ ದೂರನ್ನು ಸುಳ್ಳು, ಕ್ಷುಲ್ಲಕ. ಗ್ರಾಹಕರು ಪೇಪರ್ ಬ್ಯಾಗ್ಗಳನ್ನು ಖರೀದಿಸಲು ಯಾವುದೇ ನೇರ ಅಥವಾ ಪರೋಕ್ಷ ಒತ್ತಾಯ ಮಾಡಿಲ್ಲ. ಯಾವುದೇ ಗುಪ್ತ ಶುಲ್ಕಗಳಿಲ್ಲದೆ ಅದರ ಮಾರಾಟದ ಬಗ್ಗೆ ಅನುಮಾನಾಸ್ಪವಾದುದು ಏನೂ ಇಲ್ಲ ಎಂದು Ikea ನ ವಕೀಲರು ವಾದಿಸಿದರು.
ವಾದ ಆಲಿಸಿದ ಗ್ರಾಹಕ ನ್ಯಾಯಾಲಯದ ನ್ಯಾಯಾಧೀಶರು ಅಕ್ಟೋಬರ್ 4 ರಂದು ಘೋಷಿಸಿದ ತಮ್ಮ ತೀರ್ಪಿನಲ್ಲಿ ಕಂಪನಿಯು ಅನ್ಯಾಯ ವ್ಯಾಪಾರದ ಅಭ್ಯಾಸದಲ್ಲಿ ತಪ್ಪಿತಸ್ಥರಾಗಿದ್ದಾರೆ. ಮಾರಾಟಗಾರನು ಸರಕುಗಳನ್ನು ವಿತರಿಸಬಹುದಾದ ಸ್ಥಿತಿಯಲ್ಲಿ ಇರಿಸುವ ಎಲ್ಲಾ ಗ್ರಾಹಕ ವೆಚ್ಚಗಳನ್ನು ಭರಿಸಬೇಕಾಗುತ್ತದೆ ಎಂದು ಹೇಳಿದರು.
ಅಲ್ಲದೆ ಮಹಿಳೆಗೆ ಕಿರುಕುಳದ ಪರಿಹಾರವಾಗಿ ಪ್ರತ್ಯೇಕ 1,000 ರೂಪಾಯಿ ಮತ್ತು ನ್ಯಾಯಾಲಯದ ವೆಚ್ಚಕ್ಕಾಗಿ ಹೆಚ್ಚುವರಿ 2,000 ರೂಪಾಯಿ ಜೊತೆಗೆ ಕ್ಯಾರಿ ಬ್ಯಾಗ್ಗಾಗಿ ಸಂಗ್ರಹಿಸಿದ₹20 ಅನ್ನು ಬಡ್ಡಿಯೊಂದಿಗೆ ಮರುಪಾವತಿಸುವಂತೆ ನ್ಯಾಯಾಲಯವು ಕಂಪನಿಗೆ ಆದೇಶಿಸಿತು.
Click it and Unblock the Notifications
Sign in with Google