ಅಸಾರಾಂ ರೇಪ್ ಖಂಡಿಸಿ ಮರ್ಮಾಂಗ ಕತ್ತರಿಸಿಕೊಂಡ ಸಾಧು

ಅಮೇಠಿ, ಸೆ. 5: ಅತ್ತ ಪಾಕಿಸ್ತಾನದಿಂದ ಓಡಿಬಂದು ಟಾಂಗಾ ಓಡಿಸಿಕೊಂಡಿದ್ದ ಅಸಾರಾಂ ಬಾಪು ಮುಂದೆ ಅಧ್ಯಾತ್ಮ ಗುರುವಾಗಿ ಪ್ರಭಾವಳಿ ಸೃಷ್ಟಿಸಿಕೊಂಡು ಇದೀಗ ಜೈಲಿನಲ್ಲಿ ಸೊಳ್ಳೆಗಳಿಂದ ಕಚ್ಚಿಸಿಕೊಳ್ಳುತ್ತಿದ್ದರೆ ಅತ್ತ ಉತ್ತರಪ್ರದೇಶದಲ್ಲಿ 60 ವರ್ಷ ವಯೋವೃದ್ಧರೊಬ್ಬರು ಅಸಾರಾಮನ ಕೃತ್ಯವನ್ನು ಖಂಡಿಸಿ, ಪ್ರತಿಭಟನಾರ್ಥವಾಗಿ ತಮ್ಮ ಮರ್ಮಾಂಗವನ್ನೇ ಕತ್ತರಿಸಿಕೊಂಡಿದ್ದಾರೆ!

ಸ್ವಯಂಘೋಚಿತ ದೇವಮಾನವ ಅಸಾರಾಂ ಬಾಪು ವಿರುದ್ಧ ಬಾಲಕಿಯೊಬ್ಬಳು ರೇಪ್ ಕೇಸ್ ಹಾಕಿರುವುದನ್ನು ಅರಿತ ಬಾಬಾ ಪ್ರೇಮದಾಸ ಎಂಬ ಸದರಿ ಹಿಂದೂ ಸಂತ ಅಸಾರಾಮನ ಕುಕೃತ್ಯ ಅಕ್ಷಮ್ಯ. ಇದನ್ನು ನಾನು ತೀವ್ರವಾಗಿ ಖಂಡಿಸಿ/ ಪ್ರತಿಭಟಿಸುತ್ತೇನೆ ಎಂದು ಆವೇಶದಿಂದ ಕೂಗಾಡುತ್ತಾ ಆ ವೃದ್ಧ ಮಹಾಶಯ ತನ್ನ ಮರ್ಮಾಂಗಕ್ಕೆ ಕತ್ತರಿ ಇರುಕಿಸಿಯೇ ಬಿಟ್ಟರು.

ಅಮೇಠಿ ಜಿಲ್ಲೆಯ ಮಾಧೋಪುರ ಗ್ರಾಮದಲ್ಲಿ ಬುಧವಾರ ಸಂಜೆ ಈ ಘಟನೆ ನಡೆದಿದೆ. ತೀವ್ರ ರಕ್ತಸ್ರಾವಕ್ಕೀಡಾದ ಬಾಬಾ ಪ್ರೇಮದಾಸ ಅವರನ್ನು ತಕ್ಷಣ ಅಮೇಠಿ ಆಸ್ಪತ್ರೆಗೆ ದಾಖಲಿಸಲಾಯಿತು. ಆತನ ಸ್ಥಿತಿ ಗಂಭೀರವಾಗಿದೆ ಎಂದು ವೈದ್ಯರು/ಪೊಲೀಸರು ಹೇಳಿದ್ದಾರೆ.

English summary

A 60-year-old Hindu seer Baba Premdas from Madhopur village in Amethi dist UP, chopped off his genitals in an apparent protest against the alleged sexual assault on a girl by self-styled godman Asaram on Wednesday.