ಐಟಿ: ಬೆಂಗಳೂರಿಗೆ ಅಪ್ಪಳಿಸಲಿದೆ ಮತ್ತೊಂದು ಧೂಮಕೇತು

ಬೆಂಗಳೂರು, ಜೂನ್ 5: ಅದೊಮ್ಮೆ ತಣ್ಣಗೆ ನಿದ್ರಿಸುತ್ತಿದ್ದ, ಪಿಂಚಣಿದಾರರ ಸ್ವರ್ಗ, ಗಾರ್ಡನ್ ಸಿಟಿ ಎಂದೆಲ್ಲ ಅನ್ವರ್ಥನಾಮಗಳನ್ನು ಹೊಂದಿದ್ದ ಕರ್ನಾಟಕದ ರಾಜಧಾನಿ ಬೆಂಗಳೂರು ನಗರವು Thanks to IT boom ಇಂದು ಏನಾಗಿದೆ ಎಂಬುದನ್ನು ಇಲ್ಲಿ ಬಿಡಿಸಿ ಹೇಳುವ ಅಗತ್ಯವಿಲ್ಲ. ಏಕೆಂದರೆ ಅನುಕ್ಷಣವೂ ಬೆಂಗಳೂರಿಗರು ಸಿಲಿಕಾನ್ ಕಣಿವೆಯಲ್ಲಿ ಐಟಿ ಬೂಮ್ ನಿಂದಾಗಿ ಪರಿತಪಿಸುತ್ತಿರುವುದು ದೃಗ್ಗೋಚರವಾಗಿದೆ.

ಹೀಗಿರುವಾಗ ಧೂಮಕೇತುವಿನಂತೆ ಬೆಂಗಳೂರು ಸಮೀಪ ಮತ್ತೊಂದು ಐಟಿ ಯೋಜನೆ ತಲೆಯೆತ್ತುತ್ತಿದೆ. ಕೇಂದ್ರ ಸರಕಾರವೇ ಇದಕ್ಕೆ ಶ್ರೀಕಾರ ಹಾಕಿದೆ. ಬೆಂಗಳೂರಿಗೆ ಅನತಿ ದೂರದಲ್ಲೇ ಬೃಹತ್ ಪ್ರಮಾಣದ ಭಾರಿ ಐಟಿ ವಿಸ್ತರಣೆ ಯೋಜನೆಯನ್ನು ( Information Technology Investment Region -ITIR) ಕಾರ್ಯಗತಗೊಳಿಸಲು ಕೇಂದ್ರ ಸರಕಾರ ಅಸ್ತು ಅಂದಿದೆ.

ರಾಜಧಾನಿ ಬೆಂಗಳೂರಿನಲ್ಲಿ ಮಾಹಿತಿ ತಂತ್ರಜ್ಞಾನ ಕ್ಷೇತ್ರವನ್ನು ವಿಸ್ತರಿಸುವ ಜರೂರತ್ತನ್ನು ಮನಗಂಡು ರಾಜ್ಯ ಸರಕಾರವೇ ಈ ಪ್ರಸ್ತಾಪವನ್ನು ಕೇಂದ್ರದ ಮುಂದಿಟ್ಟಿತ್ತು. ಇದೀಗ ಪ್ರಧಾನಿ ಸಿಂಗ್ ನೇತೃತ್ವದ ಸಚಿವ ಸಂಪುಟವು ಮಂಗಳವಾರ ಪ್ರಸ್ತಾವನೆಗೆ ಒಪ್ಪಿಗೆಯ ಮುದ್ರೆಯೊತ್ತಿದೆ. ಇದು ಹೊಸೂರು ಅಥವಾ ದೇವನಹಳ್ಳಿ ಕಡೆ 2082 ಎಕರೆ ಪ್ರದೇಶದಲ್ಲಿ ತಲೆಯೆತ್ತಲಿದೆ.

ಈ ಯೋಜನೆಗೆ 2013ರಿಂದ 2032ರ ವರೆಗೂ ಒಟ್ಟು 2 ಲಕ್ಷ ಕೋಟಿ ರೂ. ಹಣ ಹೂಡಿಕೆಯಾಗುವ ಅಂದಾಜಿದೆ. ತತ್ಫಲವಾಗಿ 12 ಲಕ್ಷ ನೇರ ಉದ್ಯೋಗ ಮತ್ತು 28 ಲಕ್ಷ ಪರೋಕ್ಷ ಉದ್ಯೋಗ ಸೃಷ್ಟಿಯಾಗಲಿದೆ ಎಂದು ಕೇಂದ್ರ ಹೇಳಿದೆ. ಆದರೆ ಬೆಂಗಳೂರು... ನಿಮ್ಮ ಅನಿಸಿಕೆಯೇನು?

English summary

India Union Govt clears another IT Tech Hub - Information Technology Investment Region (ITIR) for Bangalore which is suppoosed to be established at Hosur Road. Its is a Rs 2 lakh crore project to be established shortly. These ITIR is conceptualized keeping in view the need to boost the growth of both IT/ITES and Electronic Hardware Manufacturing (EHM) Units.