ಗೋಹತ್ಯೆ ಪ್ರೇರೇಪಿದ ಫೇಸ್ ಬುಕ್ ವಿರುದ್ಧ FIR

ಲಖನೌ, ಮೇ 22: ಗೋ ಹತ್ಯೆಯನ್ನು ಉತ್ತೇಜಿಸುವ/ಪ್ರೇರೇಪಿಸುವ ಬರಹಗಳನ್ನು ಹೊಂದಿದ್ದ ಅಮೆರಿಕ ಮೂಲದ ಫೇಸ್‌ ಬುಕ್ ಕಂಪನಿಯ ವಿರುದ್ಧ ಇಲ್ಲಿನ ಗೋಮ್ತಿನಗರ ಪೊಲೀಸ್ ಠಾಣೆಯಲ್ಲಿ ಸೋಮವಾರ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ. ಈ ಸಂಬಂಧ, ಐಪಿಎಸ್ ಅಧಿಕಾರಿ ಅಮಿತಾಭ್ ಠಾಕೂರ್ ಹಾಗೂ ಇವರ ಪತ್ನಿ ಮತ್ತು ಸಾಮಾಜಿಕ ಕಾರ್ಯಕರ್ತೆ ನೂತನ್ ಠಾಕೂರ್ ದೂರು ದಾಖಲಿಸಿದ್ದರು.

Aao mil kar kaaten aay (ಬನ್ನಿ, ಒಟ್ಟಿಗೆ ಸೇರಿ ಹಸುವನ್ನು ತಿನ್ನೋಣ) ಎಂಬ ತಲೆಬರಹದಡಿ ವಿಷಯ ಪ್ರಸ್ತಾಪಿಸಲಾಗಿತ್ತು. ಐಪಿಸಿ ಸೆಕ್ಷನ್ಸ್ ಹಾಗೂ ಮಾಹಿತಿ ತಂತ್ರಜ್ಞಾನ ಕಾಯಿದೆ-2000 ಅಡಿ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ.

ವಿವಾದಿತ ಗೋಹತ್ಯೆ ಬಗ್ಗೆ ಮಾಹಿತಿ ಇರುವ ಪುಟವನ್ನು ಫೇಸ್‌ ಬುಕ್‌ ಗೋಡೆಗೆ ಪೋಸ್ಟ್ ಮಾಡುವ ಮುನ್ನ ಫೇಸ್‌ ಬುಕ್ ಕಂಪನಿ ಅದರ ಬಗ್ಗೆ ಮುನ್ನೆಚ್ಚರಿಕೆ ತೆಗೆದುಕೊಂಡಿರಲಿಲ್ಲ. ಆದಾಗ್ಯೂ, ಎಚ್ಚರಿಕೆ ನೀಡಲಾಗಿತ್ತು. ಆದರೂ ಅದು ಕಾರ್ಯರೂಪಕ್ಕೆ ಬಂದಿರಲಿಲ್ಲ. ಇದು ಕಾನೂನಿನ ಸ್ಪಷ್ಟ ಉಲ್ಲಂಘನೆ ಎಂದು ಐಪಿಎಸ್ ಅಮಿತಾಭ್ ಠಾಕೂರ್ ಅಸಮಾಧಾನ ವ್ಯಕ್ತಪಡಿಸಿದ್ದರು.

ಗೋಹತ್ಯೆ ವಿಷಯ ಧಾರ್ಮಿಕ ಭಾವನೆಗಳನ್ನು ಕೆರಳಿಸುವಂತದ್ದು. ಅದನ್ನು ಸಾಮಾಜಿಕ ಜಾಲ ತಾಣದಲ್ಲಿ ಉತ್ತೇಜಿಸುವುದರಿಂದ ಸಾಮಾಜಿಕ ಸಾಮರಸ್ಯಕ್ಕೆ ಭಂಗವುಂಟಾಗುತ್ತದೆ ಎಂದು ಅಮಿತಾಭ್ ಕಿಡಿಕಾರಿದ್ದರು.

English summary

An FIR is registered in Lucknow against social networking site Facebook on a complaint filed by senior police officer Amitabh Thakur that claimed a group on the site exhorts people to slaughter cows, police said.