ಸಂತೆಕಟ್ಟೆ ಕಾಲೇಜು ವಿದ್ಯಾರ್ಥಿನಿ ರಕ್ಷಿತಾ ಆತ್ಮಹತ್ಯೆ

ಉಡುಪಿ, ಡಿ.1: ಕಲ್ಯಾಣಪುರದ ಸೇಂಟ್ ಮಿಲಾಗ್ರಿಸ್ ಕಾಲೇಜಿನ ವಿದ್ಯಾರ್ಥಿನಿಯೊಬ್ಬಳು ತನ್ನ ಮನೆಯಲ್ಲಿ ನೇಣು ಹಾಕಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ. ಸಂತೆಕಟ್ಟೆಯ ನಾಯಂಪಲ್ಲಿಯಲ್ಲಿರುವ 'ನಿಸರ್ಗ ಮನೆ'ಯಲ್ಲಿ ನಿನ್ನೆ ಶುಕ್ರವಾರ ಈ ಘಟನೆ ನಡೆದಿದೆ.

ಮೃತ ವಿದ್ಯಾರ್ಥಿನಿಯನ್ನು ರಕ್ಷಿತಾ (20) ಎಂದು ಗುರುತಿಸಲಾಗಿದೆ. ಅಂತಿಮ BSc ಓದುತ್ತಿದ್ದ ರಕ್ಷಿತಾ, ನಿತ್ಯಾನಂದ ಕೆಪಿ ಮತ್ತು ಮಾಲತಿ ಎನ್ ಅವರ ಮಗಳು. ಶುಕ್ರವಾರ ಬೆಳಗ್ಗೆ 9 ಗಂಟೆಗೆ ಎಂದಿನಂತೆ ತಿಂಡಿ ಶಾಸ್ತ್ರ ಮುಗಿಸಿದ ರಕ್ಷಿತಾ, ಓದಿಕೊಳ್ಳುತ್ತೇನೆ ಎಂದು ಹೇಳಿ ಸೀದಾ ತನ್ನ ಕೋಣೆ ಸೇರಿಕೊಂಡಿದ್ದಾಳೆ.

ಎಷ್ಟು ಹೊತ್ತಾದರೂ ಮಗಳು ಹೊರಬಾರದಿದ್ದುದ್ದಕ್ಕೆ ಗಾಬರಿಗೆ ಬಿದ್ದ ಪೋಷಕರು 10.30ರಲ್ಲಿ ಕೋಣೆಯ ಬಾಗಿಲುಬಡಿದಿದ್ದಾರೆ. ಆದರೆ ಒಳಗಿಂದ ಚಿಲಕ ಹಾಕಿಕೊಂಡಿದ್ದರಿಂದ ಬಾಗಿಲು ತೆರೆದುಕೊಂಡಿಲ್ಲ. ಅನುಮಾನ ಹೆಚ್ಚಾಗಿ ಕಿಟಕಿಯಿಂದ ನೋಡಿದಾಗ ರಕ್ಷಿತಾ ದೇಹ ನೇಣಿಗೆ ಬಿಗಿದುಕೊಂಡಿದ್ದು ಕಂಡಿದೆ.

ರಕ್ಷಿತಾ ಸಾವಿನ ಪತ್ರ ಬರೆದಿಟ್ಟಿಲ್ಲ. ಪೊಲೀಸರು ಆಕೆಯ ಸಾವಿನ ಬಗ್ಗೆ ತನಿಖೆ ನಡೆಸಿದ್ದು, ಮೊಬೈಲ್ ಕಾಲ್ ಡೀಟೇಲ್ಸ್ ಪರಿಶೀಲಿಸುತ್ತಿದ್ದಾರೆ.

English summary

Udupi Santhekatte Milagres College student Rakshitha (20) commit suicide by hanging herself on November 30, Friday. The deceased has been identified as Rakshitha. She was a final BSc student of Milagres College and the daughter of Nityananda KP and Malathi.