• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ವಿದ್ಯಾಪೀಠ ಸರ್ಕಲ್ ATMನಲ್ಲಿ 11ಲಕ್ಷ ದೋಚಿದ್ಯಾರು?

By Srinath
|
ಬೆಂಗಳೂರು, ಸೆ.5: ಹನುಮಂತನಗರದ ವಿದ್ಯಾಪೀಠ ಸರ್ಕಲಿನಲ್ಲಿರುವ ICICI ಬ್ಯಾಂಕಿನ ಎಟಿಎಂನಲ್ಲಿ ಭದ್ರವಾಗಿದ್ದ 11 ಲಕ್ಷ ರೂಪಾಯಿ ಕಳ್ಳತನವಾಗಿದೆ. ATM ಒಳಗೆ ಎಲ್ಲೂ ಹಣ ದೋಚಿದ ಕರುಹುಗಳಿಲ್ಲ. ವಿಡಿಯೋ ಸಹ ಯಾವುದೇ ಬೆಳಕು ಚೆಲ್ಲುತ್ತಿಲ್ಲ. ಇನ್ನು ATMಗೆ ಸಂಬಂಧಪಟ್ಟವರೂ ಎಲ್ಲ ತಮ್ಮ ತಮ್ಮ ಸ್ಥಾನಗಳಲ್ಲಿ ಸ್ವಸ್ಥವಾಗಿಯೇ ಇದ್ದಾರೆ. ಎಟಿಎಂ ಯಂತ್ರಕ್ಕೂ ಒಂದೇ ಒಂದು ತಡಚಿದ ಗಾಯವೂ ಆಗಿಲ್ಲ. ಹಾಗಾದರೆ ಯಾರಪ್ಪಾ ಈ ಪಾಟಿ 11 ಲಕ್ಷ ರೂಪಾಯಿ ಕದ್ದೋರು?

ATM ದೋಚಲಾಗಿದೆ ಎಂಬ ದೂರು ಬಂದಾಕ್ಷಣ ಹನುಮಂತನಗರ ಪೊಲೀಸ್ ಇನ್ಸ್ ಪೆಕ್ಟರ್ ವೆಂಕಟಸ್ವಾಮಿ ಸ್ಥಳಕ್ಕೆ ತೆರಳಿ ಎಲ್ಲ ಕೂಲಂಕಷ ತನಿಖೆ ನಡೆಸಿದ್ದಾರೆ. 'ಆದರೆ ಎಲ್ಲೂ ಯಾವುದೇ ಸುಳಿವು ಸಿಗಲಿಲ್ಲ, ಮೇಡಂ' ಎಂದು ಹನುಮಂತನಗರ ಇನ್ಸ್ ಪೆಕ್ಟರ್ ವರದಿ ನೀಡಿದ್ದನ್ನು ನೋಡಿ ದಕ್ಷಿಣ ಡಿಸಿಪಿ ಸೋನಿಯಾ ನಾರಂಗ್ ಅವರೂ ತಲೆಯ ಮೇಲೆ ಕೈಹೊತ್ತು ಕುಳಿತರು.

ಆದರೆ ಏನು ಮಾಡೋದು ಕರ್ತವ್ಯ ನಿಭಾಯಿಸಲೇಬೇಕು. ತಕ್ಷಣ ತಮ್ಮ ಪೊಲೀಸ್ ಬುದ್ಧಿ ಓಡಿಸಿದವರೇ 'ಆ ATMಗೆ ಹಣ ತುಂಬಿದವರನ್ನೇ ಎತ್ಹಾಕ್ಕೊಂಡು ಬನ್ನಿ. ನಾನೇ ಸ್ವಲ್ಪ ವಿಚಾರಿಸುವೆ' ಎಂದು ಆಜ್ಞಾಪಿಸಿದ್ದಾರೆ.

ಅದರಂತೆ ಪೊಲೀಸರು ATM ಯಂತ್ರಕ್ಕೆ ಹಣ ತುಂಬುವ ಸರಣಿಯಲ್ಲಿ ಎರಡನೆಯ ಹಂತದಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದ 28 ವರ್ಷದ ಎನ್ ಶಿವರಾಜ್ ಎಂಬ ಯುವಕನನ್ನು ಕರೆತಂದು ಮೇಡಂ ಮುಂದೆ ನಿಲ್ಲಿಸಿದ್ದಾರೆ.

ಖಡಕ್ ಅಧಿಕಾರಿ ಸೋನಿಯಾ ಮೇಡಂರನ್ನು ನೋಡಿದ್ದೇ ತಡ ಹಾಸನ ಜಿಲ್ಲೆ ಚನ್ನರಾಯಪಟ್ಟಣ ತಾಲೂಕಿನ ಎನ್ ಜಿ ಕೊಪ್ಪಲು ಗ್ರಾಮದ ಶಿವರಾಜ ತಡಬಡಾಯಿಸಿದ್ದಾನೆ. ವಿದ್ಯಾಪೀಠ ಸರ್ಕಲಿನ ಎಟಿಎಂ ಸಮೀಪವೇ ಶ್ರೀನಿವಾಸನಗರದಲ್ಲಿ ಮನೆ ಮಾಡಿಕೊಂಡಿರುವ ಶಿವರಾಜ ಶೋಕಿಲಾಲನಾಗಿದ್ದ. ದಿಢೀರ್ ಹಣ ಮಾಡಿ ಮೋಜಿನ ಜೀವನ ನಡೆಸಲು ಹೊಂಚುಹಾಕುತ್ತಿದ್ದ. ಅದಕ್ಕೆ ಅನ್ನಕೊಡುವ ಮನೆಗೆ ಗುನ್ನ ಇಟ್ಟಿದ್ದಾನೆ ಎಂಬುದು ಬಯಲಾಗಿದೆ.

ICICI ಬ್ಯಾಂಕಿನ ಎಟಿಎಂಗೆ ಹಣ ತುಂಬುವ ಹೊಣೆ ಹೊತ್ತಿರುವ Writer Safeguard Ltd ಸಂಸ್ಥೆಯವರು ಆಗಸ್ಟ್ 14ರಂದು ATM ಯಂತ್ರಕ್ಕೆ 14 ಲಕ್ಷ ರೂಪಾಯಿಯನ್ನು ತುಂಬಿದ್ದಾರೆ. ಆದರೆ 2 ದಿನಗಳ ನಂತರ ಆಗಸ್ಟ್ 16ರಂದು audit ಮಾಡಿದಾಗ ಭಾರಿ ಮೊತ್ತದ ನಗದು ನಾಪತ್ತೆಯಾಗಿರುವುದು ಬೆಳಕಿಗೆ ಬಂದಿದೆ.

ಆದರೆ ಯಾವಾಗ ಶಿವರಾಜನನ್ನು ಸೋನಿಯಾ ಮೇಡಂ ಮುಂದೆ ತಂದು ನಿಲ್ಲಿಸಿದರೋ ಅವ 'ಹೌದು ಮೇಡಂ ಐದು ವರ್ಷದ ಹಿಂದೆಯೇ ನಮ್ಮೂರು ಹಾಸನ ಬಿಟ್ಟು ಬೆಂಗಳೂರಿಗೆ ಬಂದೆ. ಇಲ್ಲಿನ ಥಳಕುಬಳಕು ಬದುಕು ನೋಡಿ ಮಾರುಹೋದೆ. ನಾನೂ ಐಷಾರಾಮಿಯಾಗಿ ಬದುಕಬೇಕು ಅಂತ ಕನಸು ಕಂಡೆ. ಅದಕ್ಕಾಗಿ ಹಗಲಿನಲ್ಲೇ ನಾನು ಕೆಲಸ ಮಾಡುತ್ತಿದ್ದ ATM ಯಂತ್ರಕ್ಕೇ ಗುನ್ನವಿಟ್ಟೆ.

ಆಗಸ್ಟ್ 16ರಂದು ಬೆಳಗ್ಗೆಯೇ ATM ಕೇಂದ್ರಕ್ಕೆ ಬಂದೆ. ATM ಕೋಡ್ ಎಲ್ಲ ನನಗೆ ತಿಳಿದಿತ್ತು. ಅದಕ್ಕೆ ಸಲೀಸಾಗಿ ATM cash box ಓಪನ್ ಮಾಡಿದೆ. ಅಷ್ಟೂ ಹಣ ದೋಚುವ ಆಲೋಚನೆ ಬಂತು. ಆದರೆ ಅನುಮಾನ ಬರುತ್ತದೆ ಎಂದು ಒಂದಷ್ಟು ಹಣವನ್ನು ಅಲ್ಲಿಯೇ ಬಿಟ್ಟು ಸುಮಾರು 11 ಲಕ್ಷ ರೂಪಾಯಿಯಷ್ಟು ನಗದನ್ನು ಎತ್ತಿಕೊಂಡು ಹೋದೆ.

ಯಾರಿಗೂ ಅನುಮಾನ ಬಂದಿರಲಿಲ್ಲ. ಆದರೆ ಕೆಲವೇ ಗಂಟೆಗಳಲ್ಲಿ ನಮ್ಮ ಸಂಸ್ಥೆಯವರು audit ಮಾಡಿದ್ದಾರೆ. ಆಗ ಹಣ ಮಾಯವಾಗಿರುವುದು ಬೆಳಕಿಗೆ ಬಂದಿದೆ. ಆವಾಗ ನನ್ನತ್ತಲೇ ಅನುಮಾನದ ಮುಳ್ಳು ತಿರುಗಿದೆ. ಹಾಗಾಗಿ ಸುಲಭವಾಗಿ ಸಿಕ್ಕಿಹಾಕಿಕೊಂಡೆ' ಎಂದು ಹಾಸನದ ಶಿವರಾಜ ಮಾಯ್ಬಿಟ್ಟಿದ್ದಾನೆ.

lok-sabha-home

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Writer Safeguard Ltd employee Shivaraj, 28, who hails from Hassan district breaks codes, steals Rs 11 lakh from ICICI ATM in Vidyapeetha Circle in Hanumanthnagar

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X

Loksabha Results

PartyLWT
BJP+000
CONG+000
OTH000

Arunachal Pradesh

PartyLWT
CONG000
BJP000
OTH000

Sikkim

PartyLWT
SDF000
SKM000
OTH000

Odisha

PartyLWT
BJD000
CONG000
OTH000

Andhra Pradesh

PartyLWT
TDP000
YSRCP000
OTH000

AWAITING

Utham Kumar Reddy - INC
Nalgonda
AWAITING
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more