• search

ಹಾವಿಗೆ ಹಾಲು ಎರೆಯುತ್ತೀರಾ? ಪ್ಲೀಸ್ ಗಮನಿಸಿ

Posted By:
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    PETA urges use of artificial snakes
    ಪುಣೆ, ಜು.22: ಶ್ರಾವಣ ಮಾಸದ ಮೊದಲ ಹಬ್ಬ ನಾಗರ ಚೌತಿ-ಪಂಚಮಿ ದಿನದಂದು ನಾಗರ ಹಾವುಗಳಿಗ ತನಿ(ಹಾವಿಗೆ ಹಾಲು ಎರೆಯುವುದು) ನೀಡುವ ಮೂಲಕ ಹಿಂಸೆ ಮಾಡಬೇಡಿ. ಹಬ್ಬದ ಆಚರಣೆಗೆ ಸಾಂಕೇತಿಕವಾಗಿ ಕೃತಕ ಹಾವು ಅಥವಾ ಬೆಳ್ಳಿ ಪ್ರತಿಮೆಗಳನ್ನು ಬಳಸಿಕೊಳ್ಳಿ. ಜೀವಂತ ಹಾವನ್ನು ಹಿಂಸಿಸಬೇಡಿ ಎಂದು ಪ್ರಾಣಿ ದಯಾ ಸಂಘಟನೆ ಪೆಟಾ ಆಗ್ರಹಿಸಿದೆ. ಈ ಬಗ್ಗೆ ಹಾವಾಡಿಗರ ಸಂಘಟನೆಗೆ ಪತ್ರ ಬರೆದಿದೆ. ಪೆಟಾ ತನ್ನ ಪತ್ರದ ಜತೆಗೆ ಕೆಲವು ಕೃತಕ ಹಾವುಗಳ ಮಾದರಿಗಳನ್ನು ಕಳುಹಿಸಿದೆ.

    ನಾಗರಪಂಚಮಿಯಂದು ನಾಗದೇವತೆಯನ್ನು ಪೂಜಿಸಬೇಕು. ಆದರೆ ಜೀವಂತ ಹಾವುಗಳನ್ನು ಹಿಡಿದು ಪೂಜೆಯ ನೆಪದಲ್ಲಿ ಅವುಗಳಿಗೆ ಹಾಲು ಮತ್ತು ಇತರ ವಸ್ತುಗಳನ್ನು ಎರೆದು ಹಿಂಸಿಸಲಾಗುತ್ತಿದೆ. ಈ ಬಗ್ಗೆ ಪುರಾಣದಲ್ಲೂ ಉಲ್ಲೇಖವಿಲ್ಲ. ನಿಮ್ಮ ಶಕ್ತ್ಯಾನುಸಾರ ಪೂಜೆ ಮಾಡಿ ಎಂದಿದೆ. ಜೀವಂತ ಹಾವನ್ನು ಬಳಸಿ ಪೂಜೆ ಸಲ್ಲಿಸುವ ಬಗ್ಗೆ ಸಾರ್ವಜನಿಕರು ಯೋಚಿಸುವುದು ಒಳ್ಳೆಯದು.

    ಈ ಕೃತ್ಯ 1972 ರ ವನ್ಯಜೀವಿ ರಕ್ಷಣಾ ಕಾಯ್ದೆ ಅನ್ವಯ ಕೂಡಾ ಹಾವುಗಳನ್ನು ಬೇಟೆಯಾಡುವುದು, ಹಿಂಸಿಸುವುದು ಮತ್ತು ದುರ್ಬಳಕೆ ಮಾಡಿಕೊಳ್ಳುವುದಕ್ಕೆ. ಸಮನಾಗಿರುತ್ತದೆ. ಹಾಗಿದ್ದರೂ ಹಾವುಗಳನ್ನು ಉಸಿರುಗಟ್ಟಿಸುವ ಚೀಲಗಳಲ್ಲಿ ತುರುಕಿಸಿ ಚಿಕ್ಕ ಪೆಟ್ಟಿಗೆಗಳಲ್ಲಿ ಇಡಲಾಗುತ್ತದೆ. ಅಲ್ಲದೆ ಅವುಗಳನ್ನು ಉಪವಾಸ ಕೆಡವಲಾಗುತ್ತಿದೆ. ಅವುಗಳ ಹಲ್ಲುಗಳನ್ನು ಹಿಂಸಾತ್ಮಕವಾಗಿ ಕೀಳಲಾಗುತ್ತಿದೆ. ಹಾವಾಡಿಗರು ಅನೇಕ ಹಾವುಗಳ ಬಾಯಿಯನ್ನೇ ಹೊಲಿದುಹಾಕುತ್ತಾರೆ ಎಂದು ಪೆಟಾ ದೂರಿದೆ.

    ಹಾವಾಡಿಗರು ಹಾವುಗಳನ್ನು ಆಡಿಸುವುದರಿಂದ ನಾಗರಪಂಚಮಿ ಹಬ್ಬವನ್ನು ಅಣಕಿಸಿದಂತಾಗುತ್ತದೆ ಎಂದು ಪೆಟಾ ಇಂಡಿಯಾದ ಸಂಚಾಲಕ ಚಾನಿ ಸಿಂಗ್ ಹೇಳಿದ್ದಾರೆ. ಹಾವಿನ ಹಣೆಗೆ ತಿಲಕ ಇಡುವುದರಿಂದ ಅದು ಕುರುಡಾಗುತ್ತದೆ. ಹಾವಿನ ಗಂಟಲಿಗೆ ಹಾಲು ಎರೆಯಲು ಹೋಗಿ ಅದರ ಪ್ರಾಣಕ್ಕೆ ಕುತ್ತು ತರಲಾಗುತ್ತದೆ. ಜು.23 ರ ಸೋಮವಾರದಂದು ನಾಗರಪಂಚಮಿಯನ್ನು ಶ್ರದ್ಧಾ ಭಕ್ತಿಗಳಿಂದ ಆಚರಿಸಲಾಗುತ್ತದೆ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    People for the Ethical Treatment of Animals (PETA) India has urged Bedia Federation of India, Organization of World Bedia and Snake Charmers to encourage the use of fake snakes in place of real ones during Shravan Month's fest Naagpanchami .The Naagpanchami will be celebrated on July 23.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more