ಹಾಲ್ ಟಿಕೆಟ್ ನಿರಾಕರಣೆ, ವಿದ್ಯಾರ್ಥಿಗಳು ನಾಪತ್ತೆ

ಬೆಂಗಳೂರು, ಮಾ 22: ಶಾಲೆಯ ಮುಖ್ಯೋಪಾಧ್ಯಾಯರು ಹಾಲ್ ಟಿಕೆಟ್ ನೀಡುವುದಕ್ಕೆ ನಿರಾಕರಿಸಿದ್ದರಿಂದ ಭಯಗೊಂಡ ಮೂವರು ವಿದ್ಯಾರ್ಥಿಗಳು ಕಳೆದ ಮೂರು ದಿನಗಳಿಂದ ನಾಪತ್ತೆಯಾಗಿರುವ ಘಟನೆ ಕೆ ಆರ್ ಪುರಂನಿಂದ ವರದಿಯಾಗಿದೆ.

ಎಂಟನೆ ತರಗತಿಯಲ್ಲಿ ಓದುತ್ತಿರುವ ಗಿರೀಶ್, ಕಿರಣ್ ಮತ್ತು ಮಣಿಕಂಠ ಎನ್ನುವ ವಿದ್ಯಾರ್ಥಿಗಳು ಕೆ ಆರ್ ಪುರಂ ಸರಕಾರಿ ಹೈಸ್ಕೂಲಿನಲ್ಲಿ ಓದುತ್ತಿದ್ದು ಶಾಲೆಯ ಮುಖ್ಯ ಶಿಕ್ಷಕ ಮುಸ್ತಾ ಆಸೀಮ್ ಇವರಿಗೆ ಪ್ರವೇಶಪತ್ರ ನೀಡಲು ನಿರಾಕರಿಸಿದ್ದಾರೆ.

ಇದರಿಂದ ಭಯಭೀತರಾದ ಈ ಮೂವರು ವಿದ್ಯಾರ್ಥಿಗಳು ಸ್ಕೂಲಿಗೂ ಹೋಗದೆ ಮನೆಗೂ ಹೋಗದೆ ನಾಪತ್ತೆಯಾಗಿದ್ದಾರೆ.

ಮುಖ್ಯಶಿಕ್ಷಕರು ಯಾವ ಕಾರಣಕ್ಕೆ ಹಾಲ್ ಟಿಕೆಟ್ ನೀಡಲು ನಿರಾಕರಿಸಿದರು ಎನ್ನುವ ಮಾಹಿತಿ ಸದ್ಯಕ್ಕೆ ಲಭ್ಯವಾಗಿಲ್ಲ.

English summary

Three students of K R Puram Government High School, Bangalore studying in 8th standard found missing from last three days. It is said that students are missing after Head Master refuse to issue the Hall Ticket.