ಗಿರಿ ರಾಜ್ಯಕ್ಕೆ ಬಹುಗುಣ ಮುಖ್ಯಮಂತ್ರಿ: ಕಾಂಗ್ರೆಸ್

ನವದೆಹಲಿ, ಮಾ.13: ದಿವಂಗತ ಕಾಂಗ್ರೆಸ್ ನಾಯಕ ಹೇಮವತಿ ನಂದನ ಬಹುಗುಣರ ಪುತ್ರ ಕಾಂಗ್ರೆಸ್ ಸಂಸದ ವಿಜಯ್ ಬಹುಗುಣ ಉತ್ತರಾಖಂಡದ ಮುಂದಿನ ಮುಖ್ಯಮಂtri ಎಂದು ಎಐಸಿಸಿ ಘೋಷಿಸಿದೆ.

65ರ ಹರೆಯದ ಬಹುಗುಣರನ್ನು ನೂತನ ಕಾಂಗ್ರೆಸ್ ಶಾಸಕಾಂಗ ಪಕ್ಷದ ನಾಯಕನನ್ನಾಗಿ ಕೂಡಾ ಆಯ್ಕೆ ಮಾಡಲಾಗಿದೆ ಎಂದು ಎಐಸಿಸಿ ಪ್ರಧಾನ ಕಾರ್ಯದರ್ಶಿ ಗುಲಾಂ ನಬಿ ಅಜಾದ್ ಘೋಷಿಸಿದ್ದಾರೆ.

ಪಕ್ಷದ ಸಂಸದರು ಹಾಗೂ ಶಾಸಕರ ಅಭಿಪ್ರಾಯ ಸಂಗ್ರಹಿಸಿ ಎಐಸಿಸಿ ಅಧ್ಯಕ್ಷ ಸೋನಿಯಾ ಗಾಂಧಿ ಈ ನೇಮಕ ಮಾಡಿದ್ದಾರೆ ಎಂದು ಅಜಾದ್ ಹೇಳಿದರು.

ಅಲಹಾಬಾದ್ ಹಾಗೂ ಬಾಂಬೆ ಹೈಕೋರ್ಟ್‌ಗಳ ನಿವೃತ್ತ ನ್ಯಾಯಾಧೀಶರಾಗಿರುವ ಬಹುಗುಣ
ಉತ್ತರಾಖಂಡ ಕಾಂಗ್ರೆಸ್ ಘಟಕದ ಉಪಾಧ್ಯಕ್ಷರಾಗಿದ್ದು, ತೆಹ್ರಿ ಗರ್‌ವಾಲ್ ಲೋಕಸಭಾ ಕ್ಷೇತ್ರವನ್ನು 2ನೇ ಬಾರಿಗೆ ಪ್ರತಿನಿಧಿಸುತ್ತಿದ್ದಾರೆ.

12 ವರ್ಷಗಳ ಹಿಂದೆ ಉತ್ತರಾಖಂಡ ರಾಜ್ಯ ರಚನೆಯಾಗಿತ್ತು. ಈ ಗಿರಿರಾಜ್ಯಕ್ಕೆ ಬಹುಗುಣ 6ನೇ ಮುಖ್ಯಮಂತ್ರಿಯಾಗಿ ಆಯ್ಕೆಯಾಗಿದ್ದಾರೆ.

English summary

MP Vijay Bahuguna is the CM-designate for Uttarakhand, said Congress on Monday(Mar.12). Bahuguna is the son of former Chief Minister of Uttar Pradesh, Hemvati Nandan Bahuguna. Vijay will be sixth CM of newly formed Uttarakhand state.