ಉಪಪತ್ನಿ ಹೊಂದಿರುವವರೂ ಬಿಜೆಪಿಯ ಪ್ರಶ್ನಿಸುತ್ತಾರಾ!?

ತುಮಕೂರು, ಫೆ.12: ನೈತಿಕತೆ ಮತ್ತು ಶೀಲವೆಂಬುದು ಕೇವಲ ಸದನಕ್ಕೆ ಸಿಮೀತವಾಗಬಾರದು. ನಿಜ ಬದುಕಿನಲ್ಲಿಯೂ ಇರಬೇಕು. ಪತ್ನಿ, ಉಪ ಪತ್ನಿಯನ್ನು ಹೊಂದಿರುವವರು ಬಿಜೆಪಿಯನ್ನು ಪ್ರಶ್ನಿಸುವ ನೈತಿಕತೆಯನ್ನು ಉಳಿಸಿಕೊಂಡಿಲ್ಲ ಎಂದು ಶಾಸಕ ಹಾಗೂ ಬಿಜೆಪಿ ರಾಜ್ಯ ಪ್ರಧಾನ ಕಾರ್ಯದರ್ಶಿ ಸಿಟಿ ರವಿ ಗುಡುಗಿದ್ದಾರೆ.

ಲಕ್ಷ್ಣಣ ಸವದಿಯ ವಿವೇಕರಹಿತ ಕೆಲಸದಿಂದ ಬಿಜೆಪಿಗೆ ಮುಜುಗರವಾಗಿದೆ. ಇದಕ್ಕಾಗಿ ರಾಜ್ಯದ ಜನರನ್ನು ಕ್ಷಮೆ ಕೇಳುತ್ತೇನೆ. ಆದರೆ ಬಿಜೆಪಿ ಸಂಸ್ಕೃತಿ ಕುರಿತು ವಿವಿಧ ಹೇಳಿಕೆ ನೀಡುತ್ತಿರುವ ಕಾಂಗ್ರೆಸ್‌, ಜನತಾದಳದ ಸಂಸ್ಕೃತಿ ಏನೆನ್ನುವುದು ಈ ದೇಶದ ಜನರಿಗೆ ಗೊತ್ತಿದೆ ಆ ಪಕ್ಷಗಳ ನೇತಾರರ ಹೆಸರುಗಳನ್ನು ಪ್ರಸ್ತಾಪಿಸದೆ ಕುಟುಕಿದರು.

ಹೆಣ್ಣಿಗೆ ಸಮಾನವಾಗಿ ನಡೆದುಕೊಳ್ಳಲು ಅವಕಾಶ ನೀಡದಿರುವುದು ಈ ದೇಶದ ದುರಂತ. ಆದೇ ರೀತಿ ವರದಕ್ಷಿಣೆ ಪಡೆಯುವುದು ಎಷ್ಟು ತಪ್ಪೋ ತಲಾಕ್‌ ಕೂಡ ಅಷ್ಟೇ ಅಪಾಯಕಾರಿ. ಈ ಎಲ್ಲಾ ವಕ್ರತೆಗಳನ್ನು ಮೀರಿದ ಸಮಾಜ ನಿರ್ಮಾಣವಾಗಬೇಕು ಎಂದು ರವಿ ಆಶಿಸಿದರು.

ಮಡೆಸ್ನಾನ ಮತ್ತು ಪಂಕ್ತಿ ಭೋಜನ ಎರಡೂ ಅಸಹ್ಯ. ಆದರೆ ಇವುಗಳಿಗಿಂತಲೂ ಹೆಣ್ಣು ಮಕ್ಕಳಿಗೆ ಬುರ್ಕಾ ಧರಿಸುವುದನ್ನು ಕಡ್ಡಾಯಗೊಳಿಸಿರುವುದು ದೊಡ್ಡ ತಪ್ಪು. ಈ ಬಗ್ಗೆ ಏಕೆ ಸಾಮಾಜಿಕ ಚರ್ಚೆ ಮಾಡುತ್ತಿಲ್ಲ ಎಂದು ಶಾಸಕ ಹಾಗೂ ಬಿಜೆಪಿ ರಾಜ್ಯ ಪ್ರಧಾನ ಕಾರ್ಯದರ್ಶಿ ಸಿಟಿ ರವಿ ಪ್ರಶ್ನಿಸಿದ್ದಾರೆ.

English summary

CT Ravi, Karnataka BJP Secreatary has castigated the opposition party leaders who practice bigamy and at the same question the Karnataka Blue Boys who indulged in watching blue film in the vidhana souda.