ನೀರಿನ ಟ್ಯಾಂಕಿಗೆ ಬಿದ್ದು 9 ವರ್ಷದ ಬಾಲಕ ಸಾವು

ಹೊಸಕೋಟೆ (ಬೆಂಗಳೂರು), ಜ. 13: ಕುಡಿಯುವ ನೀರಿನ ಟ್ಯಾಂಕಿನಿಂದ ನೀರು ತೆಗೆಯಲು ಹೋದಾಗ ಟ್ಯಾಂಕಿನೊಳಕ್ಕೆ ಬಿದ್ದು 9 ವರ್ಷದ ವಿದ್ಯಾರ್ಥಿಯೊಬ್ಬ ಸಾವಿಗೀಡಾಗ ಘಟನೆ ಶುಕ್ರವಾರ ಬೆಳಗ್ಗೆ ನಡೆದಿದೆ.

ಹೊಸಕೋಟೆಯ ಭಕ್ತರಹಳ್ಳಿಯ ಕಿರಿಯ ಪ್ರಾಥಮಿಕ ಶಾಲೆಯ ಮೂರನೇ ತರಗತೊಯ ವಿದ್ಯಾರ್ಥಿ ಸತೀಶ್ ದುರ್ಮರಣಕ್ಕೀಡಾದ ಬಾಲಕ. ದುರ್ದೈವಿ ಬಾಲಕ ಸತೀಶ್ ಸಂಪ್ ನಿಂದ ನೀರು ತೆಗೆಯಲು ಹೋದಾಗ ಕಾಲು ಜಾರಿ ಸಂಪಿನೊಳಕ್ಕೆ ಬಿದ್ದು ಅಸುನೀಗಿದ್ದಾನೆ.

ಸಂಪ್ ಹೆಚ್ಚು ಆಳವಾಗಿದ್ದು ಸಂಪೂರ್ಣವಾಗಿ ನೀರಿನಿಂದ ಭರ್ತಿಯಾಗಿತ್ತು. ನೀರಿನಲ್ಲಿ ಬಿದ್ದ ಬಾಲಕ ಉಸಿರುಗಟ್ಟಿ ಅಸುನೀಗಿದ್ದಾನೆ ಎಂದು ಹೊಸಕೋಟೆ ಪೊಲೀಸರು ತಿಳಿಸಿದ್ದಾರೆ. ವಿದ್ಯಾರ್ಥಿಯ ಮೃತದೇಹವನ್ನು ಸಂಪಿನಿಂದ ಹೊರತೆಗೆಯಲಾಗಿದೆ.

English summary

A 9 year old boy (class-III student) drowned in a household sump after falling into the deep underground sump in Hoskote taluk in Bangalore.