• search

ರಸ್ತೆ ಕುಸಿತ: ಸವಾರರ ಕಿವಿಗೆ ಲಾಲ್‌ಬಾಗ್‌ ಇಟ್ಟ ಕಾರ್ಪೊರೇಟರ್

Posted By:
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    road-caves-in-near-lalbagh-west-gate-bangalore
    ಬೆಂಗಳೂರು, ಜ.9: ಲಾಲ್‌ಬಾಗ್‌ ಪಶ್ಚಿಮ ದ್ವಾರ ಅತ್ಯಂತ ಚಟುವಟಿಕೆಯಿದ ಕೂಡಿರುವ ಜನನಿಬಿಡ ಪ್ರದೇಶ. ಬೆಂಗಳೂರಿನ ದಕ್ಷಿಣದಿಂದ ಉತ್ತರಕ್ಕೆ ಹೋಗಲು ವಾಹನಗಳಿಗೆ ಇದುವೇ ಮಹಾದ್ವಾರ. ಈ ಮಹಾದ್ವಾರದ ಎದುರೇ ಇದ್ದಕ್ಕಿದ್ದಂತೆ ರಸ್ತೆ ಕುಸಿತ ಉಂಟಾಗಿ 12 ಅಡಿ ಉದ್ದ, 4 ಅಡಿ ಅಗಲ, 8 ಅಡಿ ಆಳದ ಬಿರುಕು ಬಿಟ್ಟರೆ ಗತಿಯೇನು? ವಾಹನ ಸಂಚಾರರಿಗಂತೂ ಆ ಭುವಿಯೇ ಬಾಯ್ಬಿಟ್ಟಂತೆ ಆಗಿದೆ.

    ಆದರೆಸ್ಥಳೀಯ ಕಾರ್ಪೊರೇಟರ್ ಮಹಾಶಯರು (ಅನಿಲ್‌ಕುಮಾರ್‌) ಮತ್ತು ಬಿಬಿಎಂಪಿ ಅಧಿಕಾರಿಗಳು 'ಲಾಲ್ ಬಾಗ್ ಕೆರೆ ಸುತ್ತಮುತ್ತಲ ಪ್ರದೇಶಗಳಲ್ಲಿ ಇಂತಹ ಕುಸಿತ ಸಾಮಾನ್ಯ. ಎರಡು ತಿಂಗಳ ಹಿಂದೆ ಕೃಂಬಿಗಲ್‌ ರಸ್ತೆಯಲ್ಲೂ ಇದೇ ರೀತಿ ಆಗಿತ್ತು' ಎಂದು ಹೇಳಿ ವಾಹನ ಸವಾರರ ಕಿವಿಯ ಮೇಲೆ ಲಾಲ್ ಬಾಗ್ ಅನ್ನೇ ಇಟ್ಟಿದ್ದಾರೆ.

    ನಿನ್ನೆ ಭಾನುವಾರ ಬೆಳಗ್ಗೆ 10.30ರ ಸುಮಾರಿಗೆ ಹೀಗೆಯೇ ಆಗಿದೆ. ಇದ್ದಕ್ಕಿದ್ದಂತೆ ರಸ್ತೆ ಕುಸಿತ ಸಂಭವಿಸಿ, ದೊಡ್ಡ ಹೊಂಡ (ಅಗೇವು?) ಸೃಷ್ಟಿಯಾಗಿದೆ. ವಾಹನ ಸವಾರರಿಗೆ ನಿಂತ ನೆಲವೇ ಕುಸಿದಂತಾಗಿದೆ. ಹಾಗಾಗಿ ಲಾಲ್‌ಬಾಗ್‌ ಸುತ್ತಮುತ್ತ ಈಗ ಡೇಂಜರ್ ಝೋನ್. ಜನ ಆತಂಕದ ಮಡುವಿನಲ್ಲಿದ್ದಾರೆ.

    ನಿನ್ನೆ ಭಾನುವಾರವಾದ್ದರಿಂದ ವಾಹನ ಸಂಚಾರ ಕಡಿಮೆ ಇತ್ತು. ಹೀಗಾಗಿ, ಯಾವುದೇ ಅಪಾಯ ಸಂಭವಿಸಿಲ್ಲ. ಬೇರೆ ದಿನಗಳಲ್ಲಿ ಆ ರಸ್ತೆಯಲ್ಲಿ ವಾಹನ ಸಂಚಾರ ದಟ್ಟಣೆ ಹೆಚ್ಚಾಗಿರುತ್ತದೆ. ಆಗ ವಾಹನ ಸವಾರರ ಗತಿಯೇನು. ಏನಿಲ್ಲ ಈಗ ಬಿರುಕುಬಿಟ್ಟ ಗಳಿಗೆಯಲ್ಲೇ ಆ ಜಾಗದಲ್ಲಿ ವಾಹನ ಇದ್ದಿದ್ದರೆ ಗತಿಯೇನು?

    ಕೆರೆ ಕಾಟ ಇಷ್ಟು ದಿನ ಇಲ್ಲದ್ದು ಈಗೇಕೆ? ಸುಖಾಸುಮ್ಮನೆ ಲಾಲ್ ಬಾಗ್ ಕೆರೆ ಮೇಲೆ ಗೂಬೆ ಕೂರಿಸುವುದು ಎಷ್ಟು ಸರಿ? ಸೃಷ್ಟಿಯಾಗಿರುವ ಹೊಂಡ ನೋಡಿದರೆ ರಸ್ತೆ ನಿರ್ಮಾಣ ಕಾಮಗಾರಿ ಎಷ್ಟು ಪಸಂದಾಗಿ ಮಾಡಿದ್ದಾರೆ ಎಂದು ಯಾರಿಗೇ ಆಗಲಿ ಗೊತ್ತಾಗುತ್ತದೆ. ಅದು ಬಿಟ್ಟು ಕೆರೆಕಟ್ಟೆ, ಮೆಟ್ರೋ ಅಂತೆಲ್ಲ ಹೇಳುವುದು ಎಷ್ಟು ಸಮಂಜಸ? ಮೊದಲು ಕಳಪೆ ಕಾಮಗಾರಿಯನ್ನು ಕೈಬಿಟ್ಟು ಸುಭದ್ರವಾದ ರಸ್ತೆಗಳ ನಿರ್ಮಾಣ ಮಾಡಿಕೊಡಲಿ ಸಾಕು.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    A crater was created as earth caved in near Lalbagh West Gate here on Sunday morning. The Palike suspects the mishap was caused by the percolation of water from the Lalbagh Lake. 

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more