ಚಂಚಲಗೂಡ ಜೈಲಿನಲ್ಲಿ ಮುಗುಳ್ನಕ್ಕ ಜನಾರ್ದನ ರೆಡ್ಡಿ

ಹೈದರಾಬಾದ್, ಡಿ.4:ಅಕ್ರಮ ಗಣಿ ಆರೋಪದಲ್ಲಿ ಜೈಲುಪಾಲಾಗಿರುವ ಮಾಜಿ ಸಚಿವ ಜನಾರ್ದನ ರೆಡ್ಡಿ ಅವರು ಬಳ್ಳಾರಿ ಗ್ರಾಮಾಂತರ ಉಪ ಚುನಾವಣೆಯ ಫಲಿತಾಂಶವನ್ನು ದೂರದ ಚಂಚಲಗೂಡ ಜೈಲಿನಲ್ಲಿ ಟಿವಿ ವೀಕ್ಷಿಸಿ, ಆನಂದಿಸಿದ್ದಾರೆ.

ಅಕ್ರಮ ಗಣಿಗಾರಿಕೆ ಸಂಬಂಧ ನಿನ್ನೆ (ಶನಿವಾರ) ಸಿಬಿಐ ಅಧಿಕಾರಿಗಳು ಕೋರ್ಟಿನಲ್ಲಿ ಆರೋಪಪಟ್ಟಿ ದಾಖಲಿಸಿದಾಗ ಒಂದಷ್ಟು ಕಳೆಗುಂದಿದ್ದ ಜನಾ ರೆಡ್ಡಿ ಇಂದು ಬಳ್ಳಾರಿಯಲ್ಲಿ ತಮ್ಮ ರಾಜಕೀಯ ಶಿಷ್ಯ ಶ್ರೀರಾಮುಲು ಗೆಲುವಿನ ನಗೆ ಬೀರುತ್ತಿರುವುದು ಸಾಕಷ್ಟು ಸಮಾಧಾನ ತಂದಿದೆ.

ಅಂತಿಮ ಮತ ಎಣಿಕೆ ವಿವರ:
ಶ್ರೀರಾಮುಲು (ಪಕ್ಷೇತರ) 74,527
ರಾಮಪ್ರಸಾದ್ (ಕಾಂಗ್ರೆಸ್) 27,737
ಗಾದಿ ಲಿಂಗಪ್ಪ (ಬಿಜೆಪಿ) 17,366

ಇನ್ನು, ಆಂಧ್ರದ ಜೈಲಿನಲ್ಲಿದ್ದುಕೊಂಡೇ ಕರ್ನಾಟಕದ ರಾಜಕೀಯದಲ್ಲಿ ಹೇಗೆ ಹಿಡಿತ ಸಾಧಿಸಬೇಕು ಎಂಬ ಲೆಕ್ಕಾಚಾರದಲ್ಲಿ ತೊಡಗಿದ್ದಾರೆ. ಹಾಗೆ ನೋಡಿದರೆ ರೆಡ್ಡಿ ಜೈಲಿನಲ್ಲಿರುವುದೇ ಶ್ರೀರಾಮುಲು ಪರ ಕೆಲಸ ಮಾಡಿದ್ದು, ಮತದಾರರು ರೆಡ್ಡಿ ಅನುಕಂಪದ ಅಲೆಯಲ್ಲಿ ಶ್ರೀರಾಮುಲುಗೆ ಭರ್ಜರಿ ಗೆಲುವನ್ನು ತಂದುಕೊಟ್ಟಿದ್ದಾರೆ.

English summary

In the Bellary Rural Legislative Assembly constituency elections Result Sreeramulu is leading. And he is clearly on winning edge. As such Janardhana Reddy smiles.