ಮಲ್ಯರನ್ನು ದಿನಕ್ಕೆ 60 ಲಕ್ಷ ರು ಕೇಳಿದ ಮುಂಬೈ ನಿಲ್ದಾಣ
ನಿಮ್ಮ ಏರ್ ಲೈನ್ ವಿಮಾನಗಳು ನಮ್ಮ ನಿಲ್ದಾಣ ಬಳಸಬೇಕಾದರೆ ಪ್ರತಿ ದಿನಕ್ಕೆ 60 ಲಕ್ಷ ರೂ ಪಾವತಿಸಬೇಕಾಗುತ್ತದೆ ಎಂದು ಮುಂಬೈ ಅಂತಾರಾಷ್ಟ್ರೀಯ ಏರ್ ಪೋರ್ಟ್ ಪ್ರೈ.ಲಿ(MIAL) ಕಿಂಗ್ ಫಿಷರ್ ಒಡೆಯ ವಿಜಯ್ ಮಲ್ಯರಿಗೆ ನೋಟಿಸ್ ಕಳಿಸಿದೆ.
ದಿನಕ್ಕೆ 60ಲಕ್ಷ ರೂ ಕಟ್ಟದ ಹೊರತು ಕಿಂಗ್ ಫಿಷರ್ ವಿಮಾನ ಪಾರ್ಕ್ ಅಥವಾ ನಿಲ್ದಾಣದಲ್ಲಿ ನಿಲ್ಲಿಸಲು MIAL ಬಿಡುವುದಿಲ್ಲ.
ಕಿಂಗ್ ಗೆ ಶಾಕ್: ಕಿಂಗ್ ಫಿಷರ್ ನಂತೆ ಇತರೆ ಕಂಪನಿಗಳು ಸಹ ಸಾಲದ ಸುಳಿಯಲ್ಲಿದೆ. ಪ್ರತಿ ತಿಂಗಳಿನಿಂದ ಮಧ್ಯದಲ್ಲಿ ಅಥವಾ ಅಂತ್ಯದಲ್ಲಿ MIALಗೆ ಇಂತಿಷ್ಟು ಎಂದು ನೀಡಲಾಗುತ್ತದೆ. ಆದರೂ ಕಿಂಗ್ ಫಿಷರ್ ಸಾಲದ ಬಾಲ ಹೆಚ್ಚಾದ್ದರಿಂದ MIAL ಈ ಕಠಿಣ ಕ್ರಮ ಕೈಗೊಂಡಿದೆ.
ಸುಮಾರು 90 ಕೋಟಿ ರೂ ಅಧಿಕ ಸಾಲ ಉಳಿಸಿಕೊಂಡಿರುವ ಕಿಂಗ್ ಫಿಷರ್ ಮುಖಕ್ಕೆ 'ಸಾಲ ಕೇಳಿ ಸ್ನೇಹ ಕಳೆದುಕೊಳ್ಳಬೇಡಿ' ಎಂಬ ಬೋರ್ಡ್ ತೋರಿಸಿರುವ MIAL, ಕ್ಯಾಶ್ ಅಂಡ್ ಕ್ಯಾರಿ ಪದ್ಧತಿಯಂತೆ ವಿಮಾನ ನಿಲ್ದಾಣ ಬಳಸುವಂತೆ ಸೂಚಿಸಿದೆ.
ಮಲ್ಯಗೆ ಮತ್ತೆ ಕಹಿ ಸುದ್ದಿ: ಎರಡನೇ ತ್ರೈಮಾಸಿಕದಲ್ಲಿ 468 ಕೋಟಿ ರೂ ನಷ್ಟ ಅನುಭವಿಸಿದ್ದ ಕಿಂಗ್ ಫಿಷರ್ ಇನ್ನೂ ಬ್ಯಾಂಕ್ ಗಳ ಜೊತೆ ಮಾತುಕತೆ ನಡೆಸುತ್ತಲೇ ಇದೆ. ಡಿ.1 ವಿಮಾನಯಾನ ಇಂಧನದ ದರ ಶೇ.3.7ರಷ್ಟು ಹೆಚ್ಚಾಗಿದ್ದು, ಸಮಸ್ಯೆ ಇನ್ನಷ್ಟು ಜಟಿಲಗೊಳಿಸಲಿದೆ. (ಗುಡ್ ರಿಟರ್ನ್ಸ್)