ಲೋಕಸೇವಕ ಡಾ.ಕೃಷ್ಣನೂ ಹೊರಟರು ಜಯದೇವ ಆಸ್ಪತ್ರೆಗೆ

ಬೆಂಗಳೂರು, ಅ. 22: ಕೆಪಿಎಸ್ ಸಿ ನೇಮಕ ಹಗರಣದಲ್ಲಿ ಬಂಧನಕ್ಕೊಳಗಾಗಿ ಪರಪ್ಪನ ಅಗ್ರಹಾರ ಜೈಲಿನಲ್ಲಿರುವ ರಾಜ್ಯ ಲೋಕಸೇವಾ ಆಯೋಗದ ಮಾಜಿ ಅಧ್ಯಕ್ಷ ಡಾ. ಎಚ್ಎನ್ ಕೃಷ್ಣ 14 ದಿನಗಳ ನ್ಯಾಯಾಂಗ ಬಂಧನದಲ್ಲಿ ಇರುವುದು ಸರಿಯಷ್ಟೇ.

ಆದರೆ, ಈ ಮಧ್ಯೆ ಅವರು ಜಾಮೀನಿಗಾಗಿ ವಿಫಲ ಪ್ರಯತ್ನಗಳು ನಡೆಸಿದ್ದಾರೆ. ಜಾಮೀನು ಸಿಗದಿರುವುದರಿಂದ ಬೇಸತ್ತ ಹಾಸನದ ನಮ್ಮೀ ಹಲ್ಲಿನ ಡಾಕ್ಟರು ಎದೆ ನೋವು ಎಂದು ಎದೆ ಹಿಡಿದುಕೊಂಡು ಜಯದೇವ ಆಸ್ಪತ್ರೆಗೆ ದಾಖಲಾಗಿದ್ದಾರೆ.

ಇನ್ನು, ಕೆಪಿಎಸ್‌ಸಿ ಗೆಜೆಟೆಡ್ ಪ್ರೊಬಷನರಿ ಹುದ್ದೆ ನೇಮಕಾತಿ ಅಕ್ರಮ ಸಂಬಂಧ ಸೆಷನ್ಸ್ ನ್ಯಾಯಾಲಯ ಗುರುವಾರವಷ್ಟೇ ಜಾಮೀನು ನಿರಾಕರಿಸಿದ ಹಿನ್ನೆಲೆಯಲ್ಲಿ ನ್ಯಾಯಾಂಗ ಬಂಧನದಲ್ಲಿರುವ 'ಲೋಕ ಸೇವಕ' ಡಾ. ಕೃಷ್ಣ ಸಾಹೇಬರು ಜಾಮೀನು ಕೋರಿ ಮೇಲ್ಮನವಿ ಸಲ್ಲಿಸಿದ್ದಾರೆ.

ಡಾ. ಎಚ್.ಎನ್. ಕೃಷ್ಣ ಜಾಮೀನು ಕೋರಿ ಶುಕ್ರವಾರ ಹೈಕೋರ್ಟ್ ಕದ ತಟ್ಟಿದ್ದು, ಅರ್ಜಿ ವಿಚಾರಣೆ ಸೋಮವಾರ ನ್ಯಾ. ಬಿ.ವಿ. ಪಿಂಟೊ ಅವರ ಪೀಠದ ಎದುರು ಬರಲಿದೆ.

English summary

Dr H N Krishna who was denied bail and asked to continue stay in Parappana Agrahara jail till Oct 27 has developed chest pain suddenly. As such he has been shifted to Jayadeva Hospital.